رومیأن 16:10 - Gilaki New Testament

¹⁰ آپلیسَ کی خو وفأدأری‌یَ مسیحَ ثأبیت بوکوده و هطویم اوشأنی‌یَ کی آرستُبولسٚ خأنه دورون کأر کونٚده، می گرمٚ سلأمأنَ فأرسأنید.

کتاب مقدس به زبان گیلکی - گویش شرقی

¹⁰ آپلیسَ کی خوشه ایمتحونَ مسیح مئن پس بدا دانه، سلام برسونین. آریستوبولُسِ خونواده سلام برسونین.

کتاب مقدس به زبان گیلکی - گویش رشت و غرب گیلان

¹⁰ آپلیسَ کی خو امتحانَ مسیح درون پس فَده دَره، سلام فارسانید. آریستوبولُسِ خانواده ی سلام فارسانید.

رومیأن 16:10 Iomraidhean Croise

رومیأن 14:18

اگه اَطو مسیحَ خیدمت بوکونید، بأعیث بیدی خودا خوشألَ بٚه و البأقیأنم شٚمٚره تصدِق کونٚده.

رومیأن 16:3

پریسکیلا و اونی مرد آکیلایَ سلأم برسأنید. اَشأن عیسا مسیح خیدمت کودن رِه، می اَمرأ همکأر بود.

رومیأن 16:7

می قومٚ خیشأن، آندرونیکوس و یونیاسَ کی کس‌کسٚ اَمرأ زندأن دورون ایسأبیم، سلأم فأرسأنید. اَشأن می جَا پیشتر مسیحی بوبوستٚد و روسولأن اوشأنٚ رِه خٚیلی ایحترأم نٚهٚده.

رومیأن 8:11

و اگه او خودا روح کی عیسا مسیحَ مٚردنٚ پٚسی زٚنده کوده، شیمی وجود میأن بمأنه، هو خودا شیمی جٚه بین شؤئؤنی جأنٚم مٚردنٚ پٚسی هه روحٚ اَمرأ کی شیمی وجود میأن نٚهأ، زٚنده کونه.

اوّل قرنتیان 11:19

شکی ننأ کی وأستی شیمی میأن ایپچه ایختلأف بمأنه، کی معلوم بٚبه کویتأ جٚه شومأن خودا تأیید بوبوسته ایسید.

دوم قرنتیان 12:2

ایتأ مردأکَ در مسیح شنأسٚم، کی چأرده سأل پیشتر ببرده بوبوسته سیومی آسمأنٚ میأن، جأنٚ دورون یا بیرون جٚه جأن، نأنٚم، خودا دأنه.

دوم قرنتیان 2:9

او دسخطَ بینیویشتم کی شٚمٚره ایمتحأن بوکونم و بیدینٚم کی چندر می جَا ایطأعت کونیدی.

دوم قرنتیان 5:17

اونی کی مسیح شین بِه، ایتأ تأزه آدمَ شمأیل بِه. اون دِه او پیشترٚ اینسأن نییٚه؛ بلکی تومأمٚ کمأل ایتأ تأزه زٚندیگی‌یَ بٚسٚرأ گیفته.

دوم قرنتیان 8:22

ایتأ دِه برأرم شیمی ورجأ اوسه کونم کی همیشٚک اونی حقٚ سعی و دوروست بؤئؤنَ خیدمتأن و جوروأجورٚ کأرأنٚ دورون بیدِییم. هسأ کی اونَ بوگفتم شومأن چندر مردومٚ کومکٚ رِه علأقه و میل دأریدی، اونی شوق و ذوق شیمی ورجأ اَمؤنٚ رِه ویشتر بوبوسته.

غلاطیأن 1:22

امّا هنو یوهودیه اوستأنٚ مسیحیأن مٚرَه نیده بود؛

فیلیپیان 2:22

ولی شومأن تیموتائوسَ شنأسیدی؛ اون ایتأ زأکٚ مأنستَن مٚرَه کومک کونِه کی اینجیلٚ پیغأمَ وأگویا بوکونم.

اوّل تیموتائوس 3:10

هر وخت بٚخأستی اینفرَ شمأسی موقأمَ فأدی، اوّل جٚه همه چنتأ کیلیسا کأرأنَ اونَ فأدٚن کی اونٚ خُلق و خو و قأبلیتأنَ بیأفی. اگه بتأنسته خو وظیفه‌یأنَ دوروست انجأم بٚده، اَسه اونَ شمأسی رِه اینتخأب بوکون.

دوم تیموتائوس 4:19

می سلأمَ پریسکیلا و آکیلایَ برسأن، هطویم او کسأنی‌یَ کی اُنیسیفوروس خأنه ایسأده.

۱پطرس 1:7

اَ سختیأن جٚه اَ خأطر ایسه کی شیمی ایمأن ایمتحأن بٚبه، هوطو کی آتش طلأیَ آموجه و پأکٚ کونه. آخرپٚسی، شیمی ایمأن ایتأ تونور ایمتحأنٚ میأن بوشؤ و سأق و سألیم بیرون بأمؤ، عیسا مسیحٚ وأگردٚستنٚ روج زمأت، بأعیثٚ شیمی ستأیٚش، جلال و حورمٚت به.