رومیأن 13:2 - Gilaki New Testament

² پس هر کی جٚه مملکتٚ قأنونأن تمرد بوکونه، به یقین جٚه اونچی کی خودا حوکم بوکوده، رو وأگردأنِه و البت موجأزأت بِه.

کتاب مقدس به زبان گیلکی - گویش شرقی

² پس هر کَس کی صاحیب منصبون ضید ویریسه، ضد او چی کی خدا معین بوده ویریسأ؛ و اوشونی کی ایطو کونن، داوری بنن.

کتاب مقدس به زبان گیلکی - گویش رشت و غرب گیلان

² پس هرکسی کی صاب مَنصبانِ ضد ویریزه، ضد اونچی کی خُدا معین بُکوده ویریشته، و اوشانی کی اَطو کونیدی، داوری بیدی.

رومیأن 13:2 Iomraidhean Croise

متّی 23:13

«وای بحألٚ شومأن، ای دینٚ عألیمأن و فریسیأن! چندر ریأکأریدی! نه وئألیدی البأقیأن آسمأنٚ ملکوتٚ بودورون بٚشٚد و نه خودتأن بودورون شیدی.

مَرقُس 12:40

امّا حتّا وختی دوعأ کودنَ درأزه دٚهٚده و خوشأنَ دیندأر نیشأن دٚهٚده، تومأمٚ اَشأنٚ هوش و حواس اویَه نٚهأ کی چوطو ویوه زنأکأنٚ مأل و مینألَ چأپؤ بوکونٚد. جٚه اَ خأطر اَشأنٚ موجأزأت خٚیلی سخت به.»

لوقا 20:47

امّا هو وختأنی کی خوشأنی دوعأیأنَ طولٚ درأزه دٚهٚده و وأنمود کونٚده کی موقدس ایسٚد، تومأمٚ اوشأنی هوش و حواس اَیَه نٚهأ کی چوطو ویوه زنأکأنٚ مأل و مینألَ بوخورٚد. جٚه اَ خأطر اوشأنی موجأزأت خٚیلی سنگین بِه.»

رومیأن 13:1

دولت و اونی قأنونأنَ ایطأعت بوکونید، چونکی اوشأنَ خودا بٚنأ بوکوده. تومأمٚ دونیأ دورون، خودا تومأمٚ دولتأنَ بأوٚرده قودرتٚ سٚر.

رومیأن 13:3

اوشأن کی اوشأنی کأرأن دوروستٚده، دولتٚ مأمورأنٚ جَا نترسٚده، ولی خطأکأر و بٚدٚ آدمأن همیشٚک اوشأنی جَا ترسٚده. پس اگه خأیی ترس و تِشویش میأن زٚندیگی نوکونی، قأنونأنٚ جَا ایطأعت بوکون و آرأمٚش بٚدأر!

رومیأن 13:5

پس قأنونٚ جَا وأستی ایطأعت کودن، نه فقد موجأزأتٚ جَا دؤر مأنستٚنٚ رِه نه، بلکی شیمی ویجدأنٚ رأحتی وأسییٚم ایسه.

رومیأن 9:19

ایمکأن دأره وأوٚرسید: «اگه اَطویه، چٚره خودا آدمأنَ اوشأنی کأرأنٚ رِه سٚرزنش کونه؟ مگه اوشأن تأنٚده ایتأ کأر کی جٚه خودا خأست و ایرأده بیرون بٚبه انجأم بٚدٚد؟

تیتوس 3:1

ایماندأرأنَ خأطر بأوٚر کی حأکیمأن و حوکومتٚ موقأم‌دأرأنَ فرمأنَ ببرد و حورمت بٚنٚد و دائیم خورومٚ کأر کودنٚ رِه آمأده بٚبٚد.

یعقوب 3:1

می جأنٚ دیلٚ برأرأن و خأخورأن، اوشأنٚ تعداد نفرأن کی خأیده معلم بٚبٚد، خٚیلی نٚبه، چون دأنید، اَمٚرَه کی آمؤختٚندریم، دأوری کودنٚ رِه، خٚیلی ویشتر سخت گیرده.

۱پطرس 2:13

خوداوندٚ وأسی، مملکتٚ صائاب منصبأنٚ جَا ایطأعت بوکونید، خأیه رهبرٚ مملکت بٚبه یا او مأمورأنی کی رهبرٚ جَا اینتخأب بوبوستده تأ خلأفکأرأنٚ تِنبیه بوکونٚد و دوروستکأرأنٚ تِشویق بوکونٚد.