رومیأن 13:11 - Gilaki New Testament

¹¹ ایتأ دِه موضو کی اَمٚرَه خورومٚ کأرأنٚ رِه تِشویق کونه، اَنه کی وخت سریع دٚوأره و اَمی عُمر تومأنَ بِه. پس خأبٚ جَا ویریزید چونکی اَسه خوداوند وأگردٚستنٚ وخت جٚه او زمأت کی ایمأن بأوٚردیم نیزدیکتره.

کتاب مقدس به زبان گیلکی - گویش شرقی

¹¹ به علاوه شمه دونین کی چی زمت مئن ایساین، ایسه اونِ وقت برسئه کی خؤ أجی ویریسین، چره که الون در مقایسه با او زمت کی ایمون بارده بیم، امئه نجات نزدیکترابو.

کتاب مقدس به زبان گیلکی - گویش رشت و غرب گیلان

¹¹ بعلاوه، شُمان دَنیدی کی چی زمات درون ایسائیدی، هسّا اونِ وقت فارسه کی خوابِ جا ویریزید. چره کی الان در مقایسه با اُ زماتی کی ایمان باورده بیم، اَمی نجات نزدیکتر بُبوسته.

رومیأن 13:11 Iomraidhean Croise

متّی 16:3

و اگه صُب، آسمأن سورخ بٚبه، گیدی وأرٚش اَیِه. شومأن کی آسمأنٚ نیشأنٚه‌یأنَ تعبیر کونیدی، چوطو نتأنیدی زمأتأنٚ نیشأنٚه‌یأنَ تعبیر بوکونید!

لوقا 21:28

پس وختی اَ مأجیرأیأن شورو بوبوسته، بئیسید و بوجؤرَ فأندٚرید، چونکی شیمی نیجأت فأرٚسِئندٚره!»

اوّل قرنتیان 10:11

تومأمٚ مأجیرأیأن و بلأیأن کی اَمی قومٚ سٚر بأمؤ، اَنٚ وأسی بینیویشته بوبوسته کی اَمأن بخأنیم و هو ایشتیوأیأن ایوأردِه نوکونیم، کی اَ آخرٚ روجأنٚ دورون کی دونیأ خو تومأمٚ بوستنَ نیزدیکَ بِه، ایتأ عیبرتٚ درس فأگیریم.

اوّل قرنتیان 15:34

عأقیل بیبید و دوروست فیکر بوکونید و جٚه شیمی رأیأن کی گونأ اَمرأ ایتأ بوبوسته دٚس فأکشید، چونکی ایتأ عیده جٚه شومأن اونچی‌یَ کی دروأره‌یٚ خودا بأمؤخته بود، جٚه خأطر بدأیید. اَنَ گم کی شٚمٚره خجألت بدم.

افسسیان 5:14

و هرچی کی نور اونَ دتأوٚه، خودشم نورٚ مأنستَن بِه. جٚه اَ خأطر ایسه کی بوگفته بوبوسته: «ای تویی کی خوفته‌یی، خأبٚ جَا ویریز و مورده‌یأنٚ جَا رأستَ بو و مسیح نور تٚرَه دتأوِه.»

یعقوب 5:8

پس شومأنم صبر بٚدأرید و یقین بٚدأرید کی خوداوند زود وأگرده.

۱پطرس 4:7

دفأتن، دونیأ تومأنٚ بِه. پس شیمی فیکرأنَ پأکٚ کونید و اونی وأسی کی بتأنید دوعأ بوکونید، پرهیزکار بیبید.

دوم پطرس 3:11

پس هَسأ کی دأنیدی هر چی کی اَمی دؤرٚور نٚهأ جٚه بین شٚده، چنقذر وأستی شیمی زٚندیگی، خودا رِه قأبیلٚ قوبیل و پأک بٚبه.

دوم پطرس 3:9

اَنٚ وأسی ای عیده مردومٚ فیکرٚ ضد، مسیح خو اَمؤن وعده وأسی دِئرٚ نوکوده. اون در اصل صبر کونه و فورصت دِهه کی گونأکأرأن توبه بوکوند، چونکی نٚخأیه هیکس هلأکَ به.

اوّل یوحنا 2:18

می جأنٚ دیلٚ زأکأن، دونیأ تومأنَ بوستن نیزدیکٚ بوسته. شومأن حتم دروأره او «مسیحٚ ضدٚ» اَمؤنٚ رِه چیزأنی بشتأوستیدی. حتّا اَسأیٚم همٚتأ جأجیگأ مسیح ضدّأن بیدِه بٚده و جٚه اَ خأطر فأمیم کی دونیأ تومأنَ بوستن نیزدیکَ بوسته.

موکأشفه 1:3

خوشبحألٚ اونی کی اَ نوبوّتٚ کلامَ خأنِه و خوشبحألٚ اوشأنی کی اونَ ایشتأوده و قوبیل کونٚده، و اونچی‌یَ کی اونی میأن بینیویشته بوبوسته‌، قأیم دأرٚده، چونکی اَ ایتفأقأنٚ دکفتنٚ زمأت نیزدیکه.

موکأشفه 22:10

بأزون مٚرَه فرمأن بٚدأ، بوگفته: «اَ کیتأبٚ نوبوّتٚ گبأنَ مُهر نوأکودن، چونکی پور دِه بأقی نییٚه ایتفأق دکفه.

موکأشفه 22:12

عیسای مسیح فٚرمأیه: «چوم بٚرأ بیبید، پور دِه بأقی نییٚه کی من اَیٚم و هرکی رِه اونی کردکأرٚ موطأبٚق می اَمرأ ایتأ جأیزه‌ اَوٚرم.

موکأشفه 22:20

اونی کی اَ چیزأنَ بوگفته فٚرمأیه: «هطویه، پور دِه بأقی نییٚه کی من اَیٚم!» «آمین! اَی عیسایٚ خوداوند، بیأ!»