رومیأن 1:12 - Gilaki New Testament

¹² جغرز اَن، منم شیمی کومکَ ایحتیأج دأرم کی شیمی ایمأنٚ جَا قوّت فأگیرٚم. اَطویی، هرتأ جٚه اَمأن کس‌کسٚ ایمأنٚ قوّت دٚئنَ بأعیث بیمی.

کتاب مقدس به زبان گیلکی - گویش شرقی

¹² یعنی تا شمه و مو هر دوته همدیگرِ ایمون اجی دیل گرم ببیم.

کتاب مقدس به زبان گیلکی - گویش رشت و غرب گیلان

¹² یعنی، تا امان همدیگرِ ایمانِ امرا دیلگرم بیبیم، هم شُمان و هم من.

رومیأن 1:12 Iomraidhean Croise

اعمالٚ رسولأن 11:23

وختی برنابا فأرٚسِه اویَه و بیدِه کی خودا چی کأرأنی بوکوده کی آدمٚ قأقَ کونه، خٚیلی خوشألَ بوسته و ایمأندأرأنَ تِشویق بوکوده کی تومأمٚ جأنٚ اَمرأ خوداوندٚ رِه وفأ بوکونٚد.

رومیأن 1:11

چونکی خٚیلی شیمی دِئن رِه ذوق دأرم کی بٚتأنم خودا برکتأنٚ جَا شٚمٚره بهره فأدٚم و شیمی ایمأنَ قوّت بدم.

رومیأن 1:13

ولی جأنٚ دیلٚ برأرأن، خأیم بدأنید کی چن‌وأر بخأستٚم بأیٚم شیمی ورجأ، ولی هروأر ایتأ موشکیل پیش بأمؤ. می نیّت اَمؤنٚ جَا اَن بو کی شیمی میأن خیدمت بوکونم و ایتأ عیدّه‌یَ هیدأیت بوکونم مسیح ور، هوطویی کی البأقی جیگأیأن میأنم بوکودم.

رومیأن 15:24

اومید دأرم اسپانیا رأ سٚر، بأیٚم شٚمٚره بیدینٚم کی ایتأ مودّتٚ پٚسی کی شیمی ورجأ بئیسأم و جٚه شیمی دِئن ایپچه سِئرَ بوستم، مٚرَه اسپانیا ور، شؤئؤنٚ رِه بدرقه بوکونید.

رومیأن 15:32

بأزون، تأنٚم خودا خأست اَمرأ، ایتأ خوشألٚ دیلٚ اَمرأ بأیٚم شیمی ورجأ کی کس‌کسَ قوّت بٚدیم.

دوم قرنتیان 7:13

ولی ایضأفه بر دیل‌تسلأیی و او دیلٚ قوّت کی شیمی محبت جَا بیأفتیم، جٚه تیتوسٚ خوشألی‌یٚم خٚیلی دیلگرمَ بوستیم. اون جٚه اَنکی اونَ مهرٚوأنی بوکودید خوشأل بوبوسته، و اونی فیکر جٚه شیمی ور رأحتَ بوسته.

افسسیان 4:5

اَمِرِه فقد ایتأ خوداوند، ایتأ ایمأن و ایتأ تعمید وجود دأره.

دوم تیموتائوس 1:4

نأنی چنقذر دوس دأرم تٚرَه بیدینٚم و تأ چنقذر تی دووأره دِئنٚ جَا خوشألٚ بٚم، چونکی همیشٚک هو آرسویأنی کی سیوأ بوستنه زمأت فوکودی، به خأطر اَوٚرم.

تیتوس 1:4

اَ نأمه‌یَ تیتوسٚ رِه می رأس‌رأسِی زأی اَمی هم ایمأنی دورون نیویسٚم: اَمی پئر خودا و اونی کی اَمٚرَه نیجأت بٚدأ، مسیح عیسا جَا تِرِه فیض و آرأمٚش خأیم.

دوم پطرس 1:1

اَ نأمه جٚه شمعونٚ پطرس، خیدمتکأر و عیسا مسیحٚ روسولٚ ور ایسه. اَ نأمه‌یَ شومأ همٚتأنٚ رِه کی اَمی مأنستَن ایمأن دأرید نیویسٚم. اَ ایمأن او برکت کی عیسا مسیحٚ عیدألتٚ اَمرأ، خوداوند و اَمی نیجأت بٚدأ کس ایسه، شیمی نصیب بوبوسته.

دوم یوحنا 1:4

چندر خوشألم فأندرستٚم بعضی جٚه تی زأکأن اَیَه ایسأده کی حِئقتٚ جَا ایطأعت کونٚده و اَمی پئر خودا حوکمأنَ حیفظ کونٚد.

یهودا 1:3

اَی جأنٚ دیلأن، ذوق دأشتیم کی دروأره‌یٚ او نیجأت کی خوداوند اَمٚرَه بٚبخشه، چن خطی شِمِره بینیویسٚم. ولی اَسه لأزیم دأنٚم، ایتأ دِه مطلب اونی عوض بینیویسٚم کی شٚمٚره تِشویق بوکونم جٚه او ایمأنی کی خودا ایوأر همیشٚکٚ رِه خو موقدسٚ آدمأنَ بیسپأرده، حقٚ سعی اَمرأ دفأع بوکونید.