موکأشفه 9:17 - Gilaki New Testament

^17-18 اَشأنَ اَسبأن و سوأرأنٚ رویأ دورون بیدِم. اوشأنٚ سوأرأن، جنگٚ زره‌یَ دوکوده بود کی بعضیتأن آتشٚ سورخی رنگ، بعضیتأن آسمأنٚ آبی رنگ و البأقی زردٚ رنگ بو. اَشأنٚ اَسبأنٚ سٚر، ویشتر شیرأنٚ سٚرَ شبأهتٚ دٚئی و اوشأنی دٚهٚنٚ جَا دود و آتش و گوگرد بیرون اَمؤیی کی ایتأ قیسمت جٚه سه‌تأ قیسمتٚ مردومَ جٚه بین ببرد.

کتاب مقدس به زبان گیلکی - گویش شرقی

¹⁷ أسپؤن و او سوارؤنه می رؤیای مئن ایطؤ بدئم: اوشؤن زره ئان رنگ، آتش سورخی و آبی کبود و گوگرد زردیِ دأشت. أسپؤن سر، شیر سره مؤنس و اوشؤن دهن أجی آتش و دود و گوگرد بیرین زی.

کتاب مقدس به زبان گیلکی - گویش رشت و غرب گیلان

¹⁷ اسبان و اونِ سوارانَ می رویا درون اَطو بيدِم: اوشانِ زره‌ئانِ رنگ، آتشِ سُرخی و آبی كبود و گوگرد زردیَ داشتی. اَسبانِ کله، شيرِ کله یَ مانستی و اوشانِ دَهنِ جا آتش و دود و گوگرد بيرون زِئی.

موکأشفه 9:17 Iomraidhean Croise

موکأشفه 11:5

هرکی بٚخأیٚه اَشأنَ اَذِت آزأر بوکونه، ایتأ آتشٚ اَمرأ کی اوشأنی دٚهٚنٚ جَا بیرون اَیِه، جٚه بین شِه. هرکی اوشأنَ اَذِت بوکونه، اَطویی وأستی بیمیره.

موکأشفه 14:10

خودا غیظ و موکأفأت پیأله‌یَ کی اونی دورون هیذره تخفیف و ایستثنأ ننأ، وأخورٚده و موقدسٚ فٚرٚشته‌یأن و "بٚرّه" حوضور، آتش شوأله‌یأن میأن عذأب کشٚده.

موکأشفه 19:20

ولی وحش خو دورُغی پیغمبرٚ اَمرأ گیر دکفتد و هر دوتأن زٚنده زٚنده آتشٚ دریأچه میأن کی گوگرد اَمرأ سوختی تأوٚدأ بوستد؛ هطویه، هو پیغمبری کی جٚه وحشٚ ور چوم دکفه موجیزه‌یأن انجأم دٚئی کی تومأمٚ اوشأنَ کی وحشٚ نیشأنه‌یَ دأشتیدی و اونی موجسمه‌یَ پرستٚش کودیدی، گول بٚزٚنه.

موکأشفه 20:10

بأزون شیطان کی اوشأنَ گول بٚزِه بو، آتشٚ دریأچه میأن تأوٚدأ بِه. آتشٚ دریأچه هو جیگأ ایسه کی گوگردٚ اَمرأ سوجه و او وحش و اونی دورُغی پیغمبر همیشٚک شبندروج، اویَه عذأب کشٚده.

موکأشفه 21:20

پنجومی سورخٚ عقیقٚ جَا، شیشومی عقیقٚ جَا، هفتومی زٚبرجٚدٚ جَا، هشتومی کبودٚ یأقوتٚ جَا، نُهومی زردٚ یأقوتٚ جَا، دهومی سبزٚ عقیقٚ جَا، یأزدهومی فیروزه جَا و دوأزدهومی یأقوتٚ جَا بو.

موکأشفه 21:8

ولی اوشأنی کی ترسٚده، اوشأنی کی ایمأن نأرٚده و فأسید ایسٚد و قأتیلأن و اوشأنی کی جنبلٚ جأدو و زٚنأ کونٚده و بُتأنَ پرستٚش کونٚده و تومأمٚ اوشأنی کی دورُغ گده، همٚتأنٚ جیگأ او دریأچه میأن ایسه کی آتش و گوگرد اَمرأ سوجه. اَن هو دویُمی مٚردن ایسه.»

موکأشفه 9:9

او زره‌یأنی کی دوکوده بود، جنگٚ آهینی زره مأنستَن بو. اوشأنی بألأنٚ صدایٚم ایتأ لشکرٚ فوتورکستنٚ صدا مأنستَن بو کی جنگی گأریأنٚ اَمرأ، جنگٚ میدأنَ فوتورکٚده.