موکأشفه 9:1 - Gilaki New Testament

¹ هو وخت کی پنجومی فٚرٚشته خو شیپورٚ صدایَ بیرون بأوٚرده، بیدِم کی «ایتأ ستأره» آسمأنٚ جَا بٚکفته زیمینٚ رو. ایتأ چأ کیلیدَ اَ ستأره‌یَ فأدأده کی ته نأشتی.

کتاب مقدس به زبان گیلکی - گویش شرقی

¹ و پنجمی فریشته خو شیپوره فی دوده و مو یکته سیتارهَ بدئم که آسمؤن أجی زمین سر بکته و هاویه چاه کلید، کی تَه ندأنه، اونه هدأ بوبؤ.

کتاب مقدس به زبان گیلکی - گویش رشت و غرب گیلان

¹ و پنجمين فیریشته خو شيپورِ درون فو بزِه، و من ایتا ستاره‌ یَ بيدِم كی آسمانِ جا زمين سر بَكفت و هاویه چاهِ کیلید کی تَه ناره، اونَ فَدَه بُبوست.

موکأشفه 9:1 Iomraidhean Croise

لوقا 10:18

عیسا بٚفرمأسته: «آمین، من شیطانَ بیدِم کی هچین ایتأ برقٚ مأنستَن آسمأنٚ جَا بیجیر بٚکفته!

لوقا 8:31

بأزون هو پٚلیدٚ روحأن عیسا جَا بٚخأستٚد کی اوشأنَ هأویه میأن، اوسه نوکونه.

رومیأن 10:7

و هطویم نوأگفتن " کیسه کی شِه جولفٚ جیگأیأنٚ جیر" (جٚه اَ خأطر کی مسیحَ وأگردأنٚه زٚندیگی ور).»

موکأشفه 1:20

او هفتأ ستأره کی می رأستٚ دٚسٚ میأن بید‌ِیی و هطو او هفتأ طلأ شمدأنٚ مأنی اَنه: هفتأ ستأره، هفتأ کیلیسا فٚرٚشته‌یأنٚده، و هفتأ شمدأن، هو هفتأ کیلیسایٚده.

موکأشفه 11:7

وختی او دو نفر خوشأنی سه سأل و نیمٚ شهأدتٚ دؤره‌یَ تومأنَ کونٚد، او وحش او چأهٚ جَا بیرون اَیِه کی ته نأرِه، اَشأنَ جنگستنٚ رِه وأخٚوٚرَ کونِه و اَشأنَ شکست دِهه، کوشِه.

موکأشفه 17:8

او وحش کی بید‌ِیی ایتأ زمأت ایسأبو، ولی هسأ دِه نئیسأ. اَطویی ایسه کی، او چأه جَا کی ته نأرِه دفأتن بوجؤر اَیِه و همیشٚکٚ رِه جٚه بین شِه. دونیأ آدمأن، جغرز اوشأنی کی اَشأنٚ نأم حیأتٚ دفترٚ میأن بینیویشته بوبوسته وختی او وحشٚ مٚردنٚ پٚسی، ایوأردِه ظأهیرَ بِه، مأت و قأق ایسٚد.

موکأشفه 20:1

بأزون، ایتأ فٚرٚشته‌یَ بیدِم کی آسمأن جَا بأمؤ بیجیر. اون خو اَمرأ او چأه کی ته نأشتی کیلیدَ اَوٚردی و ایتأ قأیمٚ زینجیلم دٚسٚ میأن دأشتی.

موکأشفه 20:10

بأزون شیطان کی اوشأنَ گول بٚزِه بو، آتشٚ دریأچه میأن تأوٚدأ بِه. آتشٚ دریأچه هو جیگأ ایسه کی گوگردٚ اَمرأ سوجه و او وحش و اونی دورُغی پیغمبر همیشٚک شبندروج، اویَه عذأب کشٚده.

موکأشفه 6:13

بأزون بیدِم کی آسمأنٚ ستأره‌یأن زیمینٚ سٚر فٚوٚده، هوطو کألٚ اَنجیلأن مأنستَن کی توندٚ بأدٚ اَمرأ، دأرَ جَا بٚکنده بوبوسته، زیمینٚ سٚر کفده.

موکأشفه 8:10

وختی سیومی فٚرٚشته شیپورٚ صدایَ بیرون بأوٚرده، ایتأ شوأله بٚکٚشه ستأره، آسمأن جَا بٚکفته ایتأ قیسمت جٚه سه‌تأ قیسمتٚ روخأنأن و چشمه‌یأنٚ رو.

موکأشفه 8:12

بأزون چأرومی فٚرٚشته شیپورٚ صدایَ بیرون بأوٚرده. هو وخت ایتأ قیسمت جٚه سه‌تأ قیسمت خورشید، مهتأب و ستأره‌یأنَ ایتأ ضربه بوخورده،اوطو کی اوشأنی ایتأ قیسمت جٚه سه‌تأ قیسمت تأریکَ بوسته. اَطویی بو کی، ایتأ قیسمت جٚه سه‌تأ قیسمتٚ روج و شب بوشؤ تأریکی دورون.

موکأشفه 8:2

بأزون بیدِم کی هفتأ فٚرٚشته خودا حوضور بٚپأ ایسأده. اَشأنَ هفتأ شیپور فأدأ بوبوسته.

موکأشفه 9:2

وختی او کیلیدٚ اَمرأ، چأهَ وأکوده، ایتأ دود پیله تونورٚ دودٚ مأنستَن ویریشته، او جوری کی آفتأب و هوا، او چأ دودٚ جَا سیأ و تأریکَ بوسته.