موکأشفه 8:7 - Gilaki New Testament

⁷ اوّلی فٚرٚشته شیپورٚ صدایَ بیرون بأوٚرده. نأخٚوٚرکی، زیمین رو تگرگ و آتش و خون بٚوأرسته، جوری کی ایتأ قیسمت جٚه سه‌تأ قیسمت زیمینٚ شین آتش بیگیفته و ایتأ قیسمت جٚه سه‌تأ قیسمت دأرأنٚ، تومأمٚ سبزه‌یأنٚ اَمرأ بوسوخته.

کتاب مقدس به زبان گیلکی - گویش شرقی

⁷ اولته فریشته خوشه شیپوره فی دوده و تگرگ و یکته آتش کی خون همأ قاطی بو، زمین سر بوارسه و یک سوم زمین و یک سوم دارؤن و تمؤم سبزه واشؤن بسوتن.

کتاب مقدس به زبان گیلکی - گویش رشت و غرب گیلان

⁷ اولّتا فیریشته خو شيپورِ درون فو بزِه، و تگرگ و آتشی كی خونِ اَمرا قاطی بو، زمينِ رو بَوارست و یک سیوّمِ زمين بُسوخت و يک سیوّمِ داران بُسوختيد و تمانِ سبزه واشان بُسوختيد.

موکأشفه 8:7 Iomraidhean Croise

یعقوب 1:11

چونکی آفتأب خو وٚل بیگیفته گرمأ اَمرأ اَیِه و او گولأنٚ خوشکٚ کونه. اونٚ زٚپّه هم کفه و اونٚ قشنگی جٚه بین شِه. اَطویی ایسه کی مأل و مینألدأرأنٚم هوطویی کی تیجأرتٚ رِه موشغولٚد جٚه بین شٚده و محوٚ بٚده.

۱پطرس 1:24

هوطو کی موقدسٚ کیتأبأنٚ میأن بأمؤ: «اینسأن صأرأ وأشأنٚ مأنه و اونی خوشگلی، صأرأ گولأنٚ مأنستَن. وأشأن، خوشکه بد و گول دوچولکسته.

موکأشفه 12:4

اون خو دومٚ اَمرأ ایتأ قیسمت جٚه سه‌تأ قیسمتٚ ستأره‌یأنَ خو دونبألسر فأکشه و زیمینٚ رو فوکوده. اژدها او زنأکٚ جولو کی زأستأندوبو بٚپأ بئیسأ کی اونی زأکَ فٚوٚره.

موکأشفه 16:2

پس اوّلی فٚرٚشته بوشؤ بیرون و وختی خو پیأله‌یَ زیمینٚ رو خألِه کوده، تومأمٚ اوشأنی کی او وحشٚ نیشأنَ دأشتیدی و اونی موجسمه‌یَ پرستٚش کودیدی جأنٚ رو، وأشتنأکٚ زخمأن کی خٚیلی درد کودی بوجؤر بأمؤ.

موکأشفه 16:21

ایتأ وأشتنأکٚ تگرگ بٚوأرسته مردومٚ سٚر، ایتأ تگرگ کی اونی هرتأ دأنه پنجأه کیلو بو! و مردوم اَ وأشتنأکٚ بلأ وأسی خودایَ کوفر بوگفتٚده و فأش بٚدأده.

موکأشفه 6:8

فأندرستٚم و بیدِم ایتأ رنگ دٚمٚرده اسب ظأهیرَ بوسته کی اونی سوأرٚ ایسم مرگ بو. اونی دونبألسر، ایتأ دِه اسب اَمؤیی کی بٚمٚرده‌یأنٚ دونیأ، اونی سوأرٚ ایسم بو. او دو نفرَ، اَ ایختیأر و قودرت فأدأ بوبوسته کی ای چأرٚک جٚه زیمینَ جنگ، قحطی، نأخوشی و وأشی حیوأنأنٚ اَمرأ جٚه بین ببرد.

موکأشفه 7:1

بأزون چأرتأ فٚرٚشته بیدِم کی زیمین چأر کونج میأن بٚپأ ایسأده و ولأنده او چأرتأ بأد زیمین سٚر بدمٚد، کی دِه ایتأ ولگ، دأرأنٚ رو تکأن نوخوره و دریأ صأف بمأنه و حرکت نوکونه.

موکأشفه 9:15

او وخت او چأرتأ فٚرٚشته کی اَ سأعت و روج و مأه و سألٚ رِه حأضیرَ بوسته بود، آزأدَ بوستد کی ایتأ قیسمت جٚه او سه قیسمتٚ مردومَ بوکوشٚد.

موکأشفه 9:4

ولی اوشأنَ بوگفته بوبوسته کی علف و دأرأن و سبزه اَمرأ کأر ندأرد، بلکی فقد اوشأنی‌یَ صدمه بٚزٚنٚد کی خودا مُهرَ خوشأنی پیشأنی رو نأرٚده.