موکأشفه 8:2 - Gilaki New Testament

² بأزون بیدِم کی هفتأ فٚرٚشته خودا حوضور بٚپأ ایسأده. اَشأنَ هفتأ شیپور فأدأ بوبوسته.

کتاب مقدس به زبان گیلکی - گویش شرقی

² او موقع او هفت ته فریشتهَ بدئم کی خدا جلؤ ایسنن و اوشؤنه هفت ته شیپور هدأ بوبؤ.

کتاب مقدس به زبان گیلکی - گویش رشت و غرب گیلان

² اُ موقع اُ هَفتا فیریشته یَ بيدِم كی خُدا جُلُو ایسیدی، و اوشانَ هَفتا شيپور فَدَه‌ بُبوست.

موکأشفه 8:2 Iomraidhean Croise

متّی 18:10

«هیوخت اَ کوجه زأکأنَ دٚس پٚرَ نیگیرید، چون اوشأن آسمأنٚ دورونی فٚرٚشته‌یأنی دأرٚده کی همیشٚک می آسمأنی پئرٚ ورجأ حأضیرَ بد.

متّی 24:31

اون خو فٚرشتٚه‌یأنَ شیپورٚ بولندٚ صدا اَمرأ اوسه کونه کی خو اینتخأب بوکوده‌یأنَ، زیمین و آسمأنٚ کنأر گوشٚه جَا جمَ کونٚد.

لوقا 1:19

فٚرٚشته اونَ جوأب بٚدأ و بوگفت: «من جَبرأییلم کی خودا حوضورٚ میأن ایسأم و اونه کی مٚرَه اوسه کوده کی اَ خورم خٚوٚرَ تٚرَه بدم.

لوقا 21:36

پس هر دٚقّه بٚپّأئید و همیشٚک دوعأ بوکونید کی اَ وأشتنأکٚ مأجیرأیأن جَا حیفظ بوبوسته، اینسأنٚ پٚسر ورجأ بئیسید.»

اوّل قرنتیان 15:52

او وخت کی آخری شیپور جٚه آسمأن اونی صدا بأیِه، ایتأ دٚمٚ دورون، ایتأ چوم نٚهنٚ دورون، همٚتأ ایمأندأرأن کی بٚمٚردٚد، ایتأ جٚه بین نوشؤنی جأنٚ اَمرأ زٚنده بٚده. او وخت اَمأنٚم کی هنو زٚنده ایسیم، نأخٚوٚرکی عوضَ بیم و ایتأ تأزه جأن یأفیم.

اوّل تسالونیکیان 4:16

چونکی خوداوند خودش آسمأنٚ جَا بیجیر اَیِه، ایتأ پیله اوخأنٚ فرمأن و فٚرٚشته‌‌یأنٚ رئیسٚ صدا و خودا دؤخأدنٚ شیپورٚ آهنگٚ اَمرأ. بأزون پیشتر جٚه همٚتأ، او مسیحیأن کی خوفته بید ویریزٚده.

موکأشفه 1:4

جٚه یوحنا ور، هفتأ کیلیسا رِه کی آسیا اوستأن میأن ایسأده. فیض و آرأمٚشٚ شیمی سٚر بمأنه، جٚه او خودا ور کی ایسأ و ایسأبو و اَیِه، و او روحٚ جَا کی خودش هفتأ ایسه، کی ایلاهی تخت ورجأ ایسأ،

موکأشفه 11:15

هوطو هه وخت میأن کی هفتومی فٚرٚشته خو شیپورٚ صدایَ بیرون بأوٚرده، آسمأنٚ جَا بولندٚ صدایأن گوشَ فأرٚسِه کی گفتی: «دونیأ پأدیشأیی اَمی خوداوند و اونی مسیح شین بوبوسته و اون همیشٚکٚ رِه پأدیشأ ایسٚه.»

موکأشفه 15:1

آسمأنٚ میأن ایتأ دِه عجأیب غرأیبٚ نیشأنه بیدِم کی ایتأ موهیمٚ ایتفأقٚ جَا خٚوٚر دٚئی: هفتأ فٚرٚشته، هفتأ آخری بلأیَ بدأشته بود کی فوکوند زیمین سٚر، کی آخرپٚسی خودا غیظ فوروز بأیٚه.

موکأشفه 16:1

بأزون ایتأ بولندٚ صدا معبدٚ جَا بشتأوستم کی او هفتأ فٚرٚشته‌یَ گفتی: «بیشید و خودا هفتأ غیظٚ پیأله‌یَ خألِه کونید زیمینٚ سٚر.»

موکأشفه 8:13

هوطو کی فأندرستنٚ میأن غرق بوم، ایتأ آلؤغَ بیدِم کی آسمأنٚ وٚسٚط پروأز کودأندٚره و بولندٚ صدا اَمرأ گه: «وای، وای، وای بحألٚ زیمین آدمأن، چونکی اَسه او سه‌تأ دِه فٚرٚشته‌یم خوشأنی شیپورٚ صدایَ بیرون اَوٚرٚده.»

موکأشفه 8:6

بأزون، او هفتأ فٚرٚشته کی هفتأ شیپور دأشتیدی، حأضیرَ بوستٚد کی شیپورأنٚ صدایَ بیرون بأوٚرد.

موکأشفه 9:1

هو وخت کی پنجومی فٚرٚشته خو شیپورٚ صدایَ بیرون بأوٚرده، بیدِم کی «ایتأ ستأره» آسمأنٚ جَا بٚکفته زیمینٚ رو. ایتأ چأ کیلیدَ اَ ستأره‌یَ فأدأده کی ته نأشتی.