موکأشفه 7:4 - Gilaki New Testament

^4-8 تومأمٚ اوشأنی کی جٚه تومأم ایسرأییلٚ قومأن مُهر بٚزِه بوبوستٚد صد و چهل و چأر هیزأر نفر بو، جٚه هر تأ قوم دوأزده هیزأر نفر. قومأنٚ ایسمأن اَن بو: یوهودأ، رئوبین، جاد، اشیر، نفتالی، مَنَسّا، شمعون، لاوی، یساکار، زبولون، یوسف و بنیامینٚ.

کتاب مقدس به زبان گیلکی - گویش شرقی

⁴ و بشتؤسم کی مهر بوبؤرؤن تعداد صد و چهل و چهار هیزار نفر، اسراییل همه ته مردوم طایفه ئان أجی بو.

کتاب مقدس به زبان گیلکی - گویش رشت و غرب گیلان

⁴ و بيشتاوستم كی مُهر بُبوسته‌ئانِ تعداد صد و چهل و چار هازار نفر جه تمانِ اسرائيلِ مردومِ طایفه ئان بو.

موکأشفه 7:4 Iomraidhean Croise

متّی 19:28

عیسا جوأب بٚدأ: «وختی من او تأزه دونیأ دورون می سلطنتٚ تختٚ رو بینیشینم، شومأن می شأگردأنٚم دوأزده‌تأ تختٚ رو نیشینید، ایسرأییلٚ دوأزده‌تأ قبیله‌یَ دأوری کونیدی.

لوقا 14:22

وختی اَ فرمأن انجأم بوبوسته، وأزم هنو خألی جأ نٚهأ بو.

لوقا 22:30

و می سٚفره سٚر بینیشینید و بوخور وأخور رأ تأوٚدید و تختأنٚ سٚر بینیشته، ایسرأییل دوأزده‌تأ قومٚ سٚر پأدیشأیی بوکونید.

اعمالٚ رسولأن 26:7

تومأمٚ ایسرأییلٚ دوأزده‎تأ قبیله شبندروج حقٚ سعی زئندرد کی هه اومیدَ فأرٚسٚد کی من دأرم، هه اومیدی کی، اَی پأدیشأ، یوهودیأن اونٚ وأسی مٚرَه محکوم کونٚده.

رومیأن 9:27

اشعیای پیغمبر دروأره‌یٚ ایسرأییل دأد زٚنِه، گه: «حتّا اگه ایسرأییلٚ قومَ دریأ فورشأنٚ مأنستَن نشأستی ایشمأردن، فقد ایتأ عیده جٚه اوشأن نیجأت یأفده.

یعقوب 1:1

جٚه یعقوب، خودا و خوداوند عیسا مسیحٚ غولأم، او دوأزده‌تأ قبیله رِه، ینی یوهودی نتأجٚ ایمأندأرأن کی دونیأ سرتأسرٚ شرأ پٚخشٚده. سلأم!

موکأشفه 14:1

بأزین بٚرّه‌یَ بیدِم کی اورشلیمٚ میأن، صهیونٚ کوه سٚر بٚپأ ایسأ. اونی اَمرأ صد و چهل و چأر هیزأر نفر آدم ایسأ بود کی اونی ایسم و اونی پئرٚ ایسم اوشأنی پیشأنی سٚر بینیویشته بوبوسته بو.

موکأشفه 14:3

اَ گورو، خودا تختٚ ورجأ و او چأرتأ زٚنده جأنور و بیست و چأرتأ پیرٚ آدمٚ روبرو ایتأ تأزه سورود خأندیدی. اَ سورودَ هیکس نتأنستی بٚخأنه، جغرز او صد و چهل و چأر هیزأرتأ آدم کی تومأمٚ دونیأ جَا ایوأردِه بیهه و آزأدَ بوسته بود.

موکأشفه 9:16

بشتأوستم کی اوشأن دویست میلیون جنگ کودنٚ سوأرکأرأنَ دأشتید.