موکأشفه 6:16 - Gilaki New Testament

¹⁶ اَشأن کوهأن و صخره‌یأنَ ایلتیمأس بوکودٚد، گفتیدی: «اَی کوهأن و اَی صخره‌یأن، اَمی رو بٚکفید و اَمٚرَه جٚه اونی کی تختٚ رو نیشته و بٚرّه غیظٚ، جیگأ بدید.

کتاب مقدس به زبان گیلکی - گویش شرقی

¹⁶ اوشؤن کوهؤن و صخره ئانه گوتن: «أمئه سر بکین و أمره او تختنیشین چوشم أجی و او بره غضب أجی جا بدین.

کتاب مقدس به زبان گیلکی - گویش رشت و غرب گیلان

¹⁶ اوشان كوئان و صخره‌ئانَ گفتیدی: «اَمی سر بکفید و امرا اُ تخت نيشينِ چومِ جا و اُ برّه غضبِ جا جیگا بَدید.

موکأشفه 6:16 Iomraidhean Croise

متّی 26:64

عیسا جوأب بٚدأ: «تو خودت گی! و منم شٚمٚره گم کی بأزین اینسأنٚ پٚسرَ دینیدی کی خودا رأستٚ دٚس نیشته و آسمأنٚ اَبرأنٚ سٚر اَیِه.»

مَرقُس 3:5

عیسا غیظٚ اَمرأ اوشأنی‌یَ کی اونی دؤرٚوٚر ایسأبود فأندرسته و اوشأنی سنگٚ دیلٚ جَا دیلخورَ بوسته و او مردأکَ بٚفرمأسته: «تی بألَ رأستَ گیر!» مردأکٚم خو بألَ رأستَ کوده و اونی دٚس سألیمَ بوسته.

لوقا 23:30

و کوهأنَ ایلتیمأس کونٚد کی "اَمی رو بٚکفید" و تپه‌یأنَ کی "اَمٚرَه لأ بدید."

موکأشفه 10:6

و اونَ کی همیشٚک زٚنده ایسه و آسمأنَ تومأمٚ اونی جأنورأن اَمرأ، و زیمینَ تومأمٚ اونی جأنورأنٚ اَمرأ، و دریأیَ تومأمٚ اونی جأنورأنٚ اَمرأ خلق بوکوده، قسم بوخورده کی دِه هیتأ معطلی پیش نأیِه،

موکأشفه 19:15

اونی دٚهٚنٚ جَا ایتأ تیجٚ شٚمشیر بیرون اَمؤیی کی اونی اَمرأ او قومأنی‌یَ کی ایمأن نأشتیدی فوکوفأنه. اون آهینی عصأ اَمرأ اوشأنَ حوکومت کونه و خو پأیأنٚ اَمرأ، او خودا کی قأدیره غیظ شرأبَ چرخشتٚ میأن فیچألأنه.

موکأشفه 20:11

او وخت ایتأ پیله سیفید تختَ بیدِم. او تختٚ رو اینفر نیشته بو کی زیمین و آسمأن اونٚ دیمٚ جَا بوگروختٚده و غیبَ بوستد.

موکأشفه 4:2

نأخٚوٚرکی خودا روح مٚرَه پورَ کوده و من ایتأ تخت، آسمأنٚ میأن بیدِم و او تختٚ رو اینفر نیشته بو.

موکأشفه 4:5

او پیله تختٚ جَا، رعد و برق ویریشتی و گؤرخأنه صدا اوخأن دأشتی. او تختٚ روبرو هفتأ چرأغٚم روشن بو. اَ هفتأ چرأغ هو روح ایسه کی هفتأ ایسه.

موکأشفه 4:9

هر وأر کی اَ زٚنده موجودأن اونی کی تختٚ رو نیشته بو و همیشٚکٚ رِه زٚنده ایسه‌یَ، جلال، حورمت و شوکر اوسه کونٚده،

موکأشفه 5:1

بأزون، اونی کی تخت رو نیشته بو، رأستٚ دٚسٚ میأن ایتأ طومأر بیدِم کی اونی اَرو اورو بینیویشته بوبوسته بو و هفتأ مُهرٚ اَمرأ، اونَ مُهرٚ موم بوکوده بود.

موکأشفه 6:10

اَشأن ایتأ بولندٚ صدا اَمرأ خوداوندَ گفتیدی: «ای خوداوند کی پأک و حق ایسی، چندر زمأت دِه زیمینٚ آدمأنٚ رو قیضأوت نوکونی و اَمی خونٚ اینتقأمَ اوشأنٚ جَا فأنگیری؟»

موکأشفه 9:6

او زمأت میأن، آدمأن مٚردنَ آروزو کونٚده، ولی مرگ اوشأنی جَا گوریزه.