موکأشفه 4:10 - Gilaki New Testament

¹⁰ او بیست و چأرتأ پیرٚ آدم اونی ورجأ سوجده بوکودٚد، اونَ کی همیشٚک زٚنده ایسه، پرستٚش کونٚده، و خوشأنی تأجأنَ تأودٚده اونی تخت جولو،

کتاب مقدس به زبان گیلکی - گویش شرقی

¹⁰ او بیست و چهارته پیر او تخت نیشین جلؤ کئنن و اونه کی تا ابد و ابد زینده ایسه پرستش کؤنن و خوشؤن تاجه اون تخت جلؤ تؤدئنن و گونن:

کتاب مقدس به زبان گیلکی - گویش رشت و غرب گیلان

¹⁰ اُ بيست و چارتا پیر اُ تخت نشين جُلُو كفيدی و اونَ كی تا ابد و ابد زنده‌ ایسه پرستش كونيدی و خوشانِ تاجَ اونِ تخت جُلُو تَوَدیدی و گیدی:

موکأشفه 4:10 Iomraidhean Croise

متّی 2:11

بأزون بوشؤده او خأنه دورون، و او زأکَ اونٚ مأر، ینی مریمٚ اَمرأ، بیدِد. پس خوشأنی پیشأنی خأکٚ سٚر بٚنأد، زأکَ پرستٚش بوکودٚد. بأزین خوشأنی صوندوقأنٚ وأکودٚد، و اونَ طلأ و کُندُر و مُر، پیشکش بوکودٚد.

لوقا 24:52

شأگردأن اونَ عیبأدت بوکودٚد و خٚیلی خوشألی اَمرأ وأگردٚستٚد اورشلیم

اوّل قرنتیان 15:10

ولی اَسه هرچی کی ایسٚم، خودا فیضٚ وأسی ایسه، و اَ فیض و اونی لوطف مِرِه بی‌نتیجه‌یٚم نوبو، چونکی من جٚه البأقی روسولأنٚم ویشتر زحمت بٚکٚشئم. البت نه من، بلکی خودا فیض کی می اَمرأ بو.

موکأشفه 10:6

و اونَ کی همیشٚک زٚنده ایسه و آسمأنَ تومأمٚ اونی جأنورأن اَمرأ، و زیمینَ تومأمٚ اونی جأنورأنٚ اَمرأ، و دریأیَ تومأمٚ اونی جأنورأنٚ اَمرأ خلق بوکوده، قسم بوخورده کی دِه هیتأ معطلی پیش نأیِه،

موکأشفه 11:16

او وخت بیست و چأرتأ پیرٚ آدم کی در خودا حوضور خوشأنی تختأنٚ رو نیشته بود، خوشأنی دیمَ زیمینٚ رو بٚنأده، اونَ سوجده بوکودٚده،

موکأشفه 15:7

ایتأ جٚه او چأرتأ زٚنده جأنور، هرتأ جٚه او فٚرٚشته‌یأنَ ایتأ زرینٚ پیأله فأدأ کی او خودا کی اَبدٚ رِه زٚنده ایسٚه، غیظٚ جَا پور بو.

موکأشفه 19:4

او وخت، او بیست و چأرتأ پیرٚ آدم و چأرتأ زٚنده جأنور سوجده بوکودٚد، خودایَ کی تخت رو نیشته بو پرستٚش بوکودٚده و بوگفتد: «آمین، هللویاه، شوکر خودا رِه!»

موکأشفه 4:2

نأخٚوٚرکی خودا روح مٚرَه پورَ کوده و من ایتأ تخت، آسمأنٚ میأن بیدِم و او تختٚ رو اینفر نیشته بو.

موکأشفه 4:4

او تختٚ دؤر، بیست و چأرتأ دِه تخت نٚهأ بو؛ اوشأنٚ رو بیست و چأرتأ پیرٚ آدم نیشته بود کی همٚتأن سیفیدٚ رخت دوکوده و ایتأ تأج کی طلأ جَا بو خوشأنی سٚرٚ رو دأشتیدی.

موکأشفه 4:9

هر وأر کی اَ زٚنده موجودأن اونی کی تختٚ رو نیشته بو و همیشٚکٚ رِه زٚنده ایسه‌یَ، جلال، حورمت و شوکر اوسه کونٚده،

موکأشفه 5:14

و او چأرتأ زٚنده جأنور بوگفتٚده: «آمین»، و او بیست و چأرتأ پیرٚ آدم سوجده بوکودٚد، اونَ پرستٚش بوکودٚد.

موکأشفه 5:8

وختی طومأرَ فأگیفته، او بیست و چأرتأ پیرٚ آدم اونی جولو سوجده بوکودٚد. هر تأ جٚه اوشأن ایتأ چنگ و کأسه‌یأنی کی طلأ جَا بو و پور جٚه بوخور بو دأشتیدی کی ایمأندأرأنٚ دوعأیأن ایسه.

موکأشفه 7:11

اَ وختٚ میأن، تومأمٚ فٚرٚشته‌یأن، او تخت، پیرٚ آدمأن و چأرتأ زٚنده موجودأن دؤرٚور بٚپأ بئیسأد. بأزون، اوشأنٚ تخت جولو سوجده بوکودٚد، خودایَ پرستٚش بوکودٚد.