موکأشفه 3:19 - Gilaki New Testament

¹⁹ من اوشأنی‌یَ کی دوس دأرم، اَدب و تِنبیه کونم. تٚرَم تِنبیه کونم کی لأبألیگری جَا دٚس اوسأنی، خودا رِه غیرت بٚدأری.

کتاب مقدس به زبان گیلکی - گویش شرقی

¹⁹ مو اوشؤنیِ کی دوست دأنم توبیخ و تربیت کؤنم، پس غیرتی ببو و توبه بوکون.

کتاب مقدس به زبان گیلکی - گویش رشت و غرب گیلان

¹⁹ من اوشانیَ کی دوست دَرم توبیخ و تربیت كونم، پس غيرتی بُبو و توبه بُكون.

موکأشفه 3:19 Iomraidhean Croise

متّی 25:7

ندیمه‌یأن همٚتأن ویریشتٚد و خوشأنی چراغأنَ آمأدَه کودٚد.

یوحنا 2:17

بأزون عیسا شأگردأن، او موقدسٚ کیتأبأنٚ نوبوّتَ بٚخأطر بأوٚردٚد کی فٚرمأیه: «ایشتیأقی کی تی خأنه رِه دأرم، آتشٚ مأنستَن می دورونَ وٚل گیره.»

رومیأن 12:11

خوداوندٚ خیدمت کودنٚ دورون سوستی و تنبلی نوکونید، بلکی روحأنی شوق و ذوقٚ اَمرأ اونَ خیدمت بوکونید.

اوّل قرنتیان 11:32

ولی حتّا اگه خوداوند اَمٚرَه محکوم و تِنبیه بوکونه، اَنٚ رِه ایسه کی دونبألتر دونیأ البأقی آدمأنٚ اَمرأ موحأکمه و دأوری نیبیم.

دوم قرنتیان 6:9

بعضی وختأن گومنأم و بیخودٚ آدمأنٚ مأنستَن بیدِه بیمی، ولی خٚیلیأن اَمٚرَه شنأسٚده. همیشٚک مٚردنٚ پأترس اَمِرِه نٚهأ، ولی هنو زٚنده‌ییم و خودایَ خیدمت کونیمی. اَمی جأن زخمَ بوسته ولی جٚه پأ دنکفتیم.

دوم قرنتیان 7:11

بیدینید اَ غورصه کی خودا رِه بو، چی آخرپٚسیأنی شیمی میأن بوجود بأوٚرد: چی حقٚ سعی، چی ذوقی شیمی پأکَ بوستنٚ رِه، چی نیفرتی، چی ایحسأس خطری، چی دیلتنگی، چی غیرتی، و چی آمأده بوستنی اونی کی خطأ بوکوده تِنبیهٚ رِه. هرتأ کأرٚ دورون ثأبیت بوکودید کی او مأجیرأ دورون هیذره تقصیر نأشتید.

غلاطیأن 4:18

غیرت و شوق و ذوق دأشتٚن اَنی وأسی کی آدمأنَ تی ور فأکٚشی خُبه، امّا به شرطٚ اَنکی ایتأ خورومٚ نیّت و خُبی اَمرأ بٚبه و هطویم همیشٚکی و اَبدی بٚبه، نه فقد می ورجأ!

تیتوس 2:14

اون خو جأنَ اَمی گونأیأنَ وأسی فٚدأ بوکود تأ اَمٚرَه همٚتأ شرورٚ کأرأنٚ جَا نیجأت بٚده و اَمٚرَه پأکٚ کونه و اَمی جَا ایتأ قوم بوجود بأوٚره کی ایجورٚ خأص اونٚ شین بٚبه، خورومٚ کأرأنٚ انجأم دٚئنٚ رِه خٚیلی موشتأق بٚبٚد.

یعقوب 1:12

خوشبحألٚ اونی کی زٚندیگی سختٚ ایمتحأنأنَ تحمول بوکونه، چون وختی کی اَ ایمتحأنأنٚ جَا خو سٚرٚ رأستَ گیره، خوداوند همیشٚکی زٚندیگی تأجٚ اونَ فأدَه، هو تأج کی تومأمٚ او کسأنی کی اونَ دوس دأرده‌یٚ وعده بٚدأ.

موکأشفه 2:5

پس خأطر بأوٚر جٚه کویه لغزش بوخوردی. وأگرد می ورجأ و او کأرأنی‌یَ بوکون کی او اوّل انجأم دٚئی. اگه توبه نوکونی، اَیٚم و تی شمدأنَ، جٚه کیلیسایأن میأن اوسأنم.