موکأشفه 3:11 - Gilaki New Testament

¹¹ پور زمأت نیبه کی من اَیٚم. پس اونچی کی دأری قأیم بٚدأر کی هیکس نتأنه تی تأج و تی پیله پأدأشَ بودوزدأنه.

کتاب مقدس به زبان گیلکی - گویش شرقی

¹¹ «مو زود هنم. او چیِ کی دأنی قایم بدأر تا هیکس تی تاجه تأجی هنگیره.

کتاب مقدس به زبان گیلکی - گویش رشت و غرب گیلان

¹¹ «من زو اَيم. اونچیَ کی دَری، قایِم بدار تا ایكس تی تاجَ تی جا فینگیره.

موکأشفه 3:11 Iomraidhean Croise

اوّل قرنتیان 9:25

ورزشکأر اَنٚ وأسی کی موسأبقه رِه آمأده بٚبه، خٚیلی سختٚ تمرینأن انجأم دِهه کی ایتأ، جٚه بین شؤئؤنی تأج بٚدٚس بأوٚره، ولی اَمأن اَمٚرَه ایتأ سختٚ اینضبأط دورون نیهیم کی ایتأ اَبدی تأج بٚدٚس بأوریم.

فیلیپیان 4:5

تومأمٚ کأرأنٚ دورون شیمی جَا ایثأر نیشأن بدید و الباقیأنٚ فیکرم بیبید. شٚمٚره خأطر بٚبه کی خوداوند زود وأگردِه.

دوم تیموتائوس 2:5

هوطویم ایتأ بأزیکن کی خأیه موسأبقه‌یَ ببره، وأستی تومأمٚ موسأبقه قأنونأنَ ایحترأم بٚنه.

دوم تیموتائوس 4:8

اَسه ایتأ تأج آسمأنٚ میأن می رأفأ ایسأ، هو تأج کی اَمی خوداوند مسیح، او عأدیلٚ قأضی خو وأگردٚستنٚ روجٚ رِه مٚرَه فأدِه، نه مٚرَه بلکی تومأمٚ اوشأنَ کی خوشأنٚ زٚندیگی دورون نیشأن بٚدأده اونی رِه ایشتیأق دأرٚده و اونٚ رأفأ ایسأده.

یعقوب 1:12

خوشبحألٚ اونی کی زٚندیگی سختٚ ایمتحأنأنَ تحمول بوکونه، چون وختی کی اَ ایمتحأنأنٚ جَا خو سٚرٚ رأستَ گیره، خوداوند همیشٚکی زٚندیگی تأجٚ اونَ فأدَه، هو تأج کی تومأمٚ او کسأنی کی اونَ دوس دأرده‌یٚ وعده بٚدأ.

یعقوب 5:9

ای برأرأن، وختی موشکلأنٚ دورون گریفتأرٚ بید، البأقیأنٚ تقصیرکأر نیگیرید و اَشأنَ جَا شیکأیت نوکونید کی خوداوندٚم شٚمٚره محکوم نوکونه، چون اون خو عأدیلأنه دأوری کودنَ سٚرگیره.

موکأشفه 1:3

خوشبحألٚ اونی کی اَ نوبوّتٚ کلامَ خأنِه و خوشبحألٚ اوشأنی کی اونَ ایشتأوده و قوبیل کونٚده، و اونچی‌یَ کی اونی میأن بینیویشته بوبوسته‌، قأیم دأرٚده، چونکی اَ ایتفأقأنٚ دکفتنٚ زمأت نیزدیکه.

موکأشفه 16:15

هسأ، دیقت بوکونید اوچی‌یَ کی عیسای مسیح گه: «او زمأت کی رأفأ نئیسأیید، دوزدٚ مأنستَن اَیٚم! خوشبحأل اونی کی می وأگردٚستنٚ رِه حأضیر ایسٚه و خو رختَ قأیم دأره نوکونه کی برأنده دٚوأره و روسوأ بٚبه.»

موکأشفه 2:10

سختیأن و زحمتأنٚ جَا کی تٚرَه پیش دٚرٚه، نوأترسئن! پور دِه بأقی نییٚه شیطان بعضیتأ جٚه شٚمٚره تأوٚده زندأن کی شٚمٚره ایمتحأن بوکونه. شومأن ده روج زمأت اَذِت و آزأر و عذأب دینیدی، ولی تأ مٚردنٚ سٚر وفأ بوکونید کی اَبدی زٚندیگی تأجَ بنم شیمی سٚر.

موکأشفه 2:13

دأنٚم او شهرٚ میأن زٚندیگی کونی کی شیطان اویَه حوکومت کونه و آدمأن شیطانَ پرستٚش کونٚده. هرجوری کی بو، مٚرَه وفأ بوکودی و مٚرَه اینکأر نوکودی؛ حتّا او زمأت کی آنتیپاس، می شأهید کی مٚرَه وفأ بوکوده، شیطانٚ بألأخأیأنٚ دٚس شهید بوبوسته، تو می وأسی اَمین بئیسأیی.

موکأشفه 22:12

عیسای مسیح فٚرمأیه: «چوم بٚرأ بیبید، پور دِه بأقی نییٚه کی من اَیٚم و هرکی رِه اونی کردکأرٚ موطأبٚق می اَمرأ ایتأ جأیزه‌ اَوٚرم.

موکأشفه 22:20

اونی کی اَ چیزأنَ بوگفته فٚرمأیه: «هطویه، پور دِه بأقی نییٚه کی من اَیٚم!» «آمین! اَی عیسایٚ خوداوند، بیأ!»

موکأشفه 22:7

«بشتأوید! پور دِه بأقی نییٚه کی من اَیٚم. خوشبحألٚ اوشأنی کی اونچی‌یَ کی اَ کیتأبٚ میأن نوبوّت بوبوسته، قوبیل کونٚده.»

موکأشفه 3:3

او پیغأمٚ ور کی جٚه اوّل بشتأوستی و ایمأن بأوٚردی، وأگرد و اونَ موقیّد بوبو؛ می ورجأ وأگرد، اَطو نٚبه ایتأ دوزد مأنستَن اَیٚم و تو غأفیلگیرَ بی.

موکأشفه 4:10

او بیست و چأرتأ پیرٚ آدم اونی ورجأ سوجده بوکودٚد، اونَ کی همیشٚک زٚنده ایسه، پرستٚش کونٚده، و خوشأنی تأجأنَ تأودٚده اونی تخت جولو،

موکأشفه 4:4

او تختٚ دؤر، بیست و چأرتأ دِه تخت نٚهأ بو؛ اوشأنٚ رو بیست و چأرتأ پیرٚ آدم نیشته بود کی همٚتأن سیفیدٚ رخت دوکوده و ایتأ تأج کی طلأ جَا بو خوشأنی سٚرٚ رو دأشتیدی.