موکأشفه 21:8 - Gilaki New Testament

⁸ ولی اوشأنی کی ترسٚده، اوشأنی کی ایمأن نأرٚده و فأسید ایسٚد و قأتیلأن و اوشأنی کی جنبلٚ جأدو و زٚنأ کونٚده و بُتأنَ پرستٚش کونٚده و تومأمٚ اوشأنی کی دورُغ گده، همٚتأنٚ جیگأ او دریأچه میأن ایسه کی آتش و گوگرد اَمرأ سوجه. اَن هو دویُمی مٚردن ایسه.»

کتاب مقدس به زبان گیلکی - گویش شرقی

⁸ ولی ترسوؤن و بی ایمؤنؤن و فاسیدؤن و آدمکوشؤن و زیناکارؤن و جادوگرؤن و بت پرستؤن و تمؤم دورؤغگوؤن، اوشؤنِ همه ته نصیب، بلأگیته سل، آتش و گوگرد همرأ ایسه. ای، دومته مرگه.»

کتاب مقدس به زبان گیلکی - گویش رشت و غرب گیلان

⁸ ولی ترسوئان و بی ايمانان و فاسدان و آدم کوشان و زناکاران و جادوگران و بُت پرستان و تمانِ دوروغگوئان اوشان همتانِ نصیب، وَل بیگیفته دریاچه، آتش و گوگردِ امرا ایسه. اَن دوّمتا مرگِ.»

موکأشفه 21:8 Iomraidhean Croise

متّی 10:28

«نوأترسِئنید او کسأنی جَا کی فقد تأنٚده شیمی جأنَ بوکوشٚد، ولی نٚتأنٚد شیمی روحٚ آسیب فأرٚسأنٚد. فقد خودا جَا بٚترسید کی تأنه هم شیمی جأن و هم شیمی روحَ جهندمٚ دورون هلأکَ کونه.

متّی 25:25

پس، می ترسٚ جَا تی پولَ سنگٚ جیر جیگأ بٚدأم کی نوکونه جٚه دٚس بشه. بفرمأ، اَنٚم تی پول!"

متّی 8:26

عیسا جوأب بٚدأ:«اَی کم ایمأنأن! چٚره اَطو وأشٚت بوکودیدی؟» بأزین ویریشت و بأد و دریأ کوئلأنَ نهیب بٚزِه، و همه چی آرأمَ بوست.

مَرقُس 9:44

اویَه کی اوشأنی کلم نیمیره و آتش خأموشَ بوستنی نییٚه.

یوحنا 8:44

شیطان شیمی رأس‌رأسِی پئر ایسه و دوس دأریدی اونی نأجور کردکأرأنَ انجأم بدید. شیطان جٚه هو اوّلم قأتیل بو و رأستی جَا نیفرت دأشتی، اونی وجود میأن ایتأ پیچه حِئقت پیدأ نیبه چونکی اونی ذأت دورُغگویه و اون دورُغگویأنٚ پئر ایسه.

دوم تسالونیکیان 2:9

اَ شرورٚ مردأی، شیطانٚ قودرتٚ اَمرأ ظأهیرَ بِه و اونی دٚس دستمال بِه؛ اون خو عجأیبٚ غرأیبٚ کأرأنٚ وأسی همٚتأنَ گول زٚنِه، پیله‌دأنه موجیزه‌یأن انجأم دِهه.

اوّل تیموتائوس 4:2

هطو چی آموجه‌یأن، ظأهیرسأز و دورُغگو آدمأن روأج دٚهٚده، آدمأنی کی اَشأنٚ ویجدأن خو حسأسیتٚ کأمیل جٚه دٚس بٚدأ، گومأن کونی ایتأ دأغٚ آهینٚ اَمرأ اونَ بوسوجأنِده.

تیتوس 1:16

اَطوچی آدمأن ایدعأ کونٚد کی خودایَ شنأسد ولی خوشأنٚ کردکأرٚ اَمرأ اونَ اینکأر کونٚده. اَشأن حأل بهمزٚن و یاغی ایسٚد و هیتأ خورومٚ کأرٚ رِه بٚدرد نوخورٚد.

عبرأنیأن 12:24

عیسا حوضور بأمؤییدی کی اَ تأزه عهدَ بأوٚرده کٚسه؛ شومأن بأمؤییدی اونی خونٚ ور کی هأبیلٚ خونٚ مأنستَن اینتقأم نٚخأیه، بلکی اَمی رو بٚپأشأنِه بوبوسته کی اَمی گونأیأنَ بوشؤره.

عبرأنیأن 13:4

شیمی ایزدوأج و قول و قرأرٚ سٚر وفأ بوکونید، و شیمی زنٚ‌ مردی‌یَ کثیفٚ بوستنٚ جَا دؤر بٚدأرید، چونکی خودا خرأبٚ آدمأن و زٚنأکأرأنَ موجأزأت کونِه.

اوّل یوحنا 2:22

رأس‌رأسِی دورُغگو کیسه؟ هر کی بٚگه عیسا او مسیح نییٚه، دورُغگویه؛ اون، او ضد مسیحه چونکی نه خودایٚ پئرَ ایمأن دأره و نه خودا پٚسرَ.

اوّل یوحنا 3:15

اونی کی خو برأر جَا نیفرت دأره قأتیله و اَنَ دأنیدی کی کسی قصد بٚدأره کسی‌یَ بوکوشٚه، هیوخت اَبدی زٚندیگی‌یَ نیأفه.

اوّل یوحنا 5:10

همه اوشأنی کی اَ حِئقتَ ایمأن اَوٚرٚده، خوشأنٚ دیلٚ دورون فأمٚده کی اون دوروسته. امّا اگه اینفر اَ حِئقتَ ایمأن نأوٚره، ینی خودایَ دورُغگو بٚحیسأب بأوٚرده چونکی خودا شهأدتَ خو پٚسرٚ دروأره دورُغ بدأنسته.

موکأشفه 14:10

خودا غیظ و موکأفأت پیأله‌یَ کی اونی دورون هیذره تخفیف و ایستثنأ ننأ، وأخورٚده و موقدسٚ فٚرٚشته‌یأن و "بٚرّه" حوضور، آتش شوأله‌یأن میأن عذأب کشٚده.

موکأشفه 19:20

ولی وحش خو دورُغی پیغمبرٚ اَمرأ گیر دکفتد و هر دوتأن زٚنده زٚنده آتشٚ دریأچه میأن کی گوگرد اَمرأ سوختی تأوٚدأ بوستد؛ هطویه، هو پیغمبری کی جٚه وحشٚ ور چوم دکفه موجیزه‌یأن انجأم دٚئی کی تومأمٚ اوشأنَ کی وحشٚ نیشأنه‌یَ دأشتیدی و اونی موجسمه‌یَ پرستٚش کودیدی، گول بٚزٚنه.

موکأشفه 2:11

هرکی اَنَ ایشتأوه، خُب دیقت بوکونه کی خودا روح کیلیسایأنَ چی گه: هرکی پیروزَ بٚه، دویُمی مٚردنٚ جَا اونَ هیچی نیبه.

موکأشفه 2:2

تی صبر و زحمتأن و خورومٚ کأرأنٚ جَا وأخٚوٚرم. دأنٚم کی تی چومَ هیتأ تی دؤرٚورٚ آدمأنٚ گونأ جَا دٚنوٚدی و دیقتٚ اَمرأ، اوشأنی کی گده خودا اَمٚرَه اوسه کوده ایدعأیَ، سوبوک سنگین بوکودی و بفأمستی کی دورُغ گده.

موکأشفه 21:27

هیتأ بدی یا نأجور و فأسیدٚ آدمَ ولأنده بشه اویَه. اَ شهر فقد اوشأنی جیگأ ایسه کی اوشأنی نأم بٚرّه زٚندیگی دفترٚ میأن بینیویشته بوبوسته‌بی.

موکأشفه 22:15

ولی سٚکأن، ینی اوشأنی کی جأدو جنبل کونٚده، زٚنأ کونٚده، بُتَ پرستٚش کونٚده، قأتیلأن و همه اوشأنی کی دورُغَ دوس دأرٚده و اونَ انجأم دٚهٚده، نٚتأنٚد بٚشٚد او شهرٚ میأن.

موکأشفه 9:17

اَشأنَ اَسبأن و سوأرأنٚ رویأ دورون بیدِم. اوشأنٚ سوأرأن، جنگٚ زره‌یَ دوکوده بود کی بعضیتأن آتشٚ سورخی رنگ، بعضیتأن آسمأنٚ آبی رنگ و البأقی زردٚ رنگ بو. اَشأنٚ اَسبأنٚ سٚر، ویشتر شیرأنٚ سٚرَ شبأهتٚ دٚئی و اوشأنی دٚهٚنٚ جَا دود و آتش و گوگرد بیرون اَمؤیی کی ایتأ قیسمت جٚه سه‌تأ قیسمتٚ مردومَ جٚه بین ببرد.

موکأشفه 9:21

اَشأن نخأستیدی آدم کوشتٚن، جأدوگری، زٚنأ و دوزدی جَا دٚس فأکٚشٚد و وأگردٚد خودا ور.