موکأشفه 21:21 - Gilaki New Testament

²¹ شهرٚ دوأزده‌تأ دروأزه جینس، مولوأری جَا بو، هرتأ دروأزه ایتأ تیکه مولوأری جَا. شهرٚ اصلی خیأبأن خألصٚ طلأ جَا بو کی شیشه مأنستَن شبق زِئی.

کتاب مقدس به زبان گیلکی - گویش شرقی

²¹ و شهر دوازده ته دروازه، دوازده ته مروارید بون؛ هرته از دروازه ئان، یکته مروارید أجی بساته بوبؤبو. شهر خیابؤن خالیص طلا یأجی بو و شیشه جور زنگ.

کتاب مقدس به زبان گیلکی - گویش رشت و غرب گیلان

²¹ و شارِ دوازده تا دروازه، دوازده تا مُرواريد بید، هرتا جه دروازه ئان ايتا مُرواريدِ جا بساخته بُبوسته بو. شارِ خیابان خالصِ طلا جا و شيشه مانستن شفاف بو.

موکأشفه 21:21 Iomraidhean Croise

موکأشفه 17:4

زنأکٚ رخت، سورخ و ارغوأنی بو، و اونی جوأهیرأن، طلأ و قیمتی سنگأن و مولوأری جَا بو و خو دٚسٚ میأن ایتأ طلأیی پیأله دأشتی کی فیسأد و زٚنأ جَا پور بو.

موکأشفه 18:16

«افسوس کی او پیله شهر تومأمٚ خو قشنگی و ثروٚتٚ اَمرأ، ایتأ چوم دٚوٚستٚنٚ اَمرأ دود بوبوسته! او شهر کی ایتأ قشنگٚ زنأکٚ مأنستَن بو کی ارغوأنی و سورخٚ قیمتی رختأن کتأنٚ جَا دوکودی و طلأ و قیمتی سنگأن و مولوأری اَمرأ خؤرَه چأکون وأکون کودی.»

موکأشفه 21:15

فٚرٚشته دٚسٚ میأن ایتأ چو طلأ جَا نٚهأ بو کی اونی اَمرأ خأستی شهر و دروأزه‌یأن و اونی حیصأرأنَ اندأزه بیگیره.

موکأشفه 21:18

شهر خودش خألصٚ طلأ جَا کی شیشه مأنستَن شفأف چأکوده بوبوسته بو و اونٚ حیصأر یشمٚ جَا بو کی دوأزده ردیف جوأهرنیشأنٚ پأکأرٚ سنگأنٚ رو چأکوده بوسته بو: اوّلی رَج یشمٚ جَا، دویُمی لأجوردٚ سنگٚ جَا، سیومی سیفیدٚ عقیقٚ جَا، چأرومی زومُرودٚ جَا،

موکأشفه 22:2

و جٚه او اصلی جأده وٚسٚط دٚوأرٚستی. حیأت دأرأن، روخأنٚ دوتأ ور نٚهأ بو کی سألی دوأزده وأر مِیوه دٚئیدی ینی هرتأ مأه ایجور تأزه مِیوه. اونی ولگأنم شفأ دٚئی و قومأنٚ درمأنٚ رِه بٚکأر شؤئی.

موکأشفه 4:6

تختٚ روبرو، ایتأ دریأ بولور جَا کی سوسو زِئی چومَ دکفتی. چأرتأ زٚنده موجودم تخت چأر کونج بٚپأ ایسأبود کی خوشأنی سٚرٚ تأن و سٚرٚ جولو، چوم دأشتیدی.