موکأشفه 21:17 - Gilaki New Testament

¹⁷ بأزون شهرٚ حیصأرٚ بولندیَ اندأزه بیگیفته و معلوم بوبوسته همٚتأ جیگأ میأن صد و چهل و چأر ذراع ایسه. فٚرٚشته موشخصٚ معیأرأنٚ اَمرأ، اَ اَندأزه‌یأنَ مٚرَه بوگفت.

کتاب مقدس به زبان گیلکی - گویش شرقی

¹⁷ فریشته شهر دیواره اندازه بیته و آدمی قیاس همأ او دیوار شصت و پنج میتر بو، کی فریشته قیاسم هی بو.

کتاب مقدس به زبان گیلکی - گویش رشت و غرب گیلان

¹⁷ فیریشته شارِ ديوارَ اندازه بیگیفت، و آدمی قیاسِ امرا اُ دیوار شصت و پنج متر بو، کی فیریشته قیاسَم اَن بو.

موکأشفه 21:17 Iomraidhean Croise

موکأشفه 13:18

اَیَه حیکمت لأزیمه. هر کی زرنگ بٚبه تأنه وحشٚ نومره‌یَ حیسأب بوکونه، چونکی اَ نومره ایتأ اینسأنٚ نومره ایسه و اونی نومره ۶۶۶ ایسه.

موکأشفه 14:3

اَ گورو، خودا تختٚ ورجأ و او چأرتأ زٚنده جأنور و بیست و چأرتأ پیرٚ آدمٚ روبرو ایتأ تأزه سورود خأندیدی. اَ سورودَ هیکس نتأنستی بٚخأنه، جغرز او صد و چهل و چأر هیزأرتأ آدم کی تومأمٚ دونیأ جَا ایوأردِه بیهه و آزأدَ بوسته بود.

موکأشفه 21:16

وختی شهرَ اندأزه بیگیفته، معلوم بوبوسته مربعَ مأنه، ینی کی اونی درأزأ و پأنأ ایتأ اندأزه ایسه. حِئقتَ بٚخأیید، اونی درأزأ و پأنأ و بولندی، هرتأ، دوأزده هیزأر تیرَ پرتأب کودن اَندر بو.

موکأشفه 21:9

او وخت ایتأ جٚه او هفتأ فٚرٚشته کی هفتأ آخری بلأ پیأله‌یَ دٚسٚ میأن دأشتیدی، بأمؤ می ورجأ و بوگفته: «می اَمرأ بیأ کی عروسَ تٚرَه نیشأن بدم. اون بٚرّه عقد بوکوده ایسه.»

موکأشفه 7:4

تومأمٚ اوشأنی کی جٚه تومأم ایسرأییلٚ قومأن مُهر بٚزِه بوبوستٚد صد و چهل و چأر هیزأر نفر بو، جٚه هر تأ قوم دوأزده هیزأر نفر. قومأنٚ ایسمأن اَن بو: یوهودأ، رئوبین، جاد، اشیر، نفتالی، مَنَسّا، شمعون، لاوی، یساکار، زبولون، یوسف و بنیامینٚ.