موکأشفه 19:14 - Gilaki New Testament

¹⁴ آسمأنی لشکرأن کی کتأنٚ جَا سیفید و تیمیزٚ رختأن دوکوده بود، سیفید اَسبأنٚ سوأرَ بوستد، اونی دونبألسر اَمؤییدی.

کتاب مقدس به زبان گیلکی - گویش شرقی

¹⁴ و آسمؤن لشگرؤن، نازک کتؤن رخت دوده دأشتن کی سیفید و پاک بو، سیفید أسپ سر سوار بون و اون دومبالسر أمأن.

کتاب مقدس به زبان گیلکی - گویش رشت و غرب گیلان

¹⁴ و آسمانِ لشگران، نازکِ کتانِ رخت دُکوده دَشتیدی کی سفید و پاک بو، سفيدِ اسب سر سوار بید و اونِ دُمبالسر اَموئيدی.

موکأشفه 19:14 Iomraidhean Croise

متّی 21:5

«اورشلیمَ بیگید: "تی پأدیشأ اَیِه تی ورجأ. اون فروتنٚ و اولأغ سٚر نیشینه، کرّه اولأغ سٚر."»

متّی 26:53

مگه نأنی کی من تأنٚم می پئرٚ جَا بخأیٚم کی هیزأرهیزار فٚرٚشته اوسه کونه کی مٚرَه یاور بٚدٚد؟

متّی 28:3

فٚرٚشته دیم توخ توخ زِیی و اونی لیوأس وٚرفٚ مأنستَن سیفید بو.

دوم تسالونیکیان 1:7

اونٚ وأسی، شٚمٚره کی آزأر و اَذِت بوبوستید، اَ ایطمینأنَ دٚهٚم کی وختی خوداوند عیسا، نأخٚوٚرکی او آتش شوأله‌یأنٚ میأنی جٚه آسمأن خو پورقوّت فٚرٚشته‌یأنٚ اَمرأ بأیٚه، خودا اَمٚرَه و شٚمٚره آرأمٚش بخشه؛

یهودا 1:14

خَنوخ، کی هفتأ نسل آدمٚ پٚسی زٚندیگی کودی، دروأره‌یٚ هه آدمأن نوبوّت بوکوده، گه: «بدأنید کی خوداوند هیزأر هیزأرتأ جٚه خو موقدسأنٚ اَمرأ اَیِه

موکأشفه 14:1

بأزین بٚرّه‌یَ بیدِم کی اورشلیمٚ میأن، صهیونٚ کوه سٚر بٚپأ ایسأ. اونی اَمرأ صد و چهل و چأر هیزأر نفر آدم ایسأ بود کی اونی ایسم و اونی پئرٚ ایسم اوشأنی پیشأنی سٚر بینیویشته بوبوسته بو.

موکأشفه 14:20

انگورأنَ او ظرف دورونی کی جٚه شهر بیرون نٚهأ بو، اَندر پأ اَمرأ لقد دٚمٚج بوکودٚده کی ایتأ روخأن خونٚ جَا رأ دکفته کی اونی درأزأ ۱۶۰۰ تیر پرتأب کودن بو و اونی بولندی ایتأ اسبٚ دهنه اَندر بو.

موکأشفه 17:14

و کس‌کسٚ اَمرأ شٚده کی "بٚرّه" اَمرأ جنگ بوکونٚد، ولی اونی جَا شکست خورٚده، چونکی "بٚرّه" آقأیأنٚ آقأ و شأهأنٚ شأه ایسه و اونی خلق بوبوسته‌یأن اوشأنی ایسٚد کی اونی دؤخأده‌یأن و اینتخأب بوبوسته‌یأن و وفأدأرأن ایسٚد.»

موکأشفه 19:11

بأزون بیدِم کی آسمأن وأزَ بوسته. اویَه ایتأ سیفیدٚ اسب ایسأ بو کی اونی سوأر «اَمین و حق» نأم دأشتی، چونکی عیدألت و حقٚ اَمرأ، موجأزأت و جنگ کونه.

موکأشفه 19:8

و اونَ وئأشتٚده کی تیمیزترین و سیفیدترین و لطیف‌ترین کتأنٚ رختَ دوکونه.» منظور جٚه لطیفٚ کتأن، رأس‌رأسِی خودا آدمأنٚ خورومٚ کأرأن ایسه.

موکأشفه 3:4

تومأمٚ اَشأنٚ اَمرأ، ساردسٚ میأن آدمأنی ایسأده کی خوشأنی رختَ اَ دونیأ کثأفتأنٚ اَمرأ کثیفَ نوکودد؛ اَشأن شأیسته ایسٚد کی سیفیدٚ رختٚ اَمرأ می ورجأ قدم اوسأنٚد.

موکأشفه 4:4

او تختٚ دؤر، بیست و چأرتأ دِه تخت نٚهأ بو؛ اوشأنٚ رو بیست و چأرتأ پیرٚ آدم نیشته بود کی همٚتأن سیفیدٚ رخت دوکوده و ایتأ تأج کی طلأ جَا بو خوشأنی سٚرٚ رو دأشتیدی.

موکأشفه 7:9

بأزون، بیدِم کی ایتأ پیله‌دأنه گورو تومأمٚ قومأن، قبیله‌یأن، نتأجأن و جوروأجورٚ زوأنأن جَا، تخت حوضور و بٚرّه جولو بٚپأ ایسأده. اَشأن اَندر زیأد بود کی نشأستی ایشمأردن. اَشأن ایتأ سیفیدٚ رخت دوکوده بود و اَشأنٚ دٚسأنٚ میأن نخلٚ دأرٚ خألأن بیدِه بوستی.