موکأشفه 19:11 - Gilaki New Testament

¹¹ بأزون بیدِم کی آسمأن وأزَ بوسته. اویَه ایتأ سیفیدٚ اسب ایسأ بو کی اونی سوأر «اَمین و حق» نأم دأشتی، چونکی عیدألت و حقٚ اَمرأ، موجأزأت و جنگ کونه.

کتاب مقدس به زبان گیلکی - گویش شرقی

¹¹ بأزین بدئم که آسمؤن وابؤ و بین، یکته سیفید أسپ! یگ نفر اون سر سواره که اون نؤم وفاداره و حقه. او عادیلؤنه داوری کؤنه و جنگنه.

کتاب مقدس به زبان گیلکی - گویش رشت و غرب گیلان

¹¹ بازین بیدِم کی آسمان وازَه بوست و بیدین، ایتا سفید اسب! اینفر اونِ سر سوارِ کی اونِ نام وفادار و حقِّ. اون عادلانه داوری کونه و جنگه.

موکأشفه 19:11 Iomraidhean Croise

یوحنا 1:51

بأزون ایضأفه کوده: «رأس‌رأسِی شٚمٚره گم کی دینیدی آسمأن وأزَ بوسته و خودا فٚرٚشته‌یأن اَیٚده می ورجأ و دووأره وأگردٚده آسمأن.»

یوحنا 14:6

عیسا اونَ بٚفرمأسته: «من رأ و دوروستی و زٚندیگی ایسٚم؛ هیکس نتأنه پئر ورجأ بأیٚه مگه می اَمرأ.

موکأشفه 1:5

و جٚه عیسا مسیحٚ ور کی تومأمٚ حِئقتَ اَمِرِه کأمیل آشیکأرَ کونِه. مسیح اوّلی کسی ایسه کی مٚردنٚ پٚسی زٚنده بوسته، و تومأمٚ اَ دونیأ پأدیشأیأن جَا بوجؤرتره. ستأیٚش و شوکرگوزأری اونَ روأ ایسه کی اَمٚرَه محبت کونِه و خو خونٚ اَمرأ، اَمٚرَه بوشؤسته و اَمی گونأیأنٚ جَا آزأدَ کوده؛

موکأشفه 11:19

او وخت معبد، آسمأنٚ میأن وأزَ بوسته و او صوندوقی کی خودا عهد‌نأمه اونی میأن نٚهأ بو آشیکأرَ بوسته. بأزون گؤرخأنه رأ دکفته و آسمأن نأرِه بٚزِه و تگرگ و زیمین لرزه ایتفأق دکفته.

موکأشفه 19:19

او وخت بیدِم کی او وحش، تومأمٚ دونیأ حوکومتأن و اوشأنٚ لشکرأنَ جمَ کوده کی او اسبٚ سوأر و اونی لشکر اَمرأ بٚجنگد.

موکأشفه 19:21

او وخت تومأمٚ اونی خأصه خولأصه‌یأن، او تیجٚ شٚمشیرٚ اَمرأ کی اسب سوأرٚ دٚهٚنٚ دورون نٚهأ بو بوکوشته بوبوستٚد، و پرنده‌یأن خوشأنی شکمَ اوشأنی جأنٚ گوشتٚ اَمرأ سِئرَ کودٚد.

موکأشفه 3:14

اَ پیغأمَ لائودیکیه کیلیسا فٚرٚشته رِه بینیویس: او آمین، او رأست و اَمینٚ شأهید، اونکی تومأمٚ خودا خلقتٚ جٚه اون سٚر بیگیفته ایسه، اَطو گه:

موکأشفه 3:7

«اَ پیغأمَ فیلادِلفیه کیلیسا فٚرٚشته رِه بینیویس: اَ پیغأم جٚه اونی ور ایسه کی پأک و صأدیق ایسه و داوودٚ کیلیدَ دأره. او دٚرَ کی اون وأزَ کونه، هیکس نتأنه دٚوٚده؛ و او دٚرَ کی اون دٚوٚده، هیکس نتأنه وأزَ کونه.

موکأشفه 4:1

بأزون، هوطو کی فأندرستیم، کی ایتأ دروأزه آسمأنٚ میأن وأزَ بوسته. او وخت هو آوا کی پیشترٚم بشتأوسته بوم، می گوشَ فأرٚسِه؛ او آوا کی ایتأ شیپورٚ صدا مأنستَن پورقودرت بو، مٚرَه بوگفته: «بیأ بوجؤر کی او ایتفأقأنَ کی دونبألتر پیش اَیِه‌یَ تٚرَه نیشأن بدم.»

موکأشفه 6:2

فأندرستٚم و ایتأ سیفیدٚ اسبَ بیدِم. اسبٚ رو اینفرَ بیدِم کی ایتأ کمأن اونی دٚسٚ میأن و ایتأ تأج خو سٚرٚ رو دأشتی. اون اسبَ پیش تأوٚدأیی کی خٚیلی جنگأنٚ میأن، پیروزَ بٚه و جنگَ فتح بوکونٚه.