موکأشفه 16:18 - Gilaki New Testament

¹⁸ او وختٚ میأنی، ایجور گؤرخأنه و پیله زیمین لرزه رأ دکفته کی اینسأنٚ تأریخٚ میأن سأبقه نأشتی.

کتاب مقدس به زبان گیلکی - گویش شرقی

¹⁸ و آسمؤن برق و آسمؤنگؤر ویریسأ و پیله زلزله ایتفاق دکته؛ اوجور پیله زلزله که او زمت أجی که آدمی زمین سر ایسأبو تا ایسه، اون مورسؤن ایتفاق دنکته بو.

کتاب مقدس به زبان گیلکی - گویش رشت و غرب گیلان

¹⁸ و آسمانِ برق، و گُرخانه ويريشت، و پیله زمین لرزه اتفاق دکفته، اوجور پیله زمین لرزه کی اونِ مانستن جه اُ زمات کی آدمی زمینِ سر ایسابو، تا الان اتفاق دَنکفته بو.

موکأشفه 16:18 Iomraidhean Croise

متّی 24:21

چون او روجأنٚ دورون مردوم چنأن موصیبتی رِه گریفتأر بٚده کی دونیأ سرگیفتنٚ زمأت تأ اَسه ایتفأق دنکفته و هیوختٚم دنکفِه.

موکأشفه 11:13

هو وختٚ میأنی، ایتأ پیله زیمین لرزه ایتفأق دکفه کی ایتأ قیسمت جٚه ده‌تأ قیسمتٚ شهرٚ شینَ خأکٚ اَمرأ ایتأ کونِه و هفت هیزأر نفر بوکوشته بٚده. او وخت اوشأنی کی زٚنده بمأنستده، ترس جَا، آسمأنٚ خودایَ پرستٚش کونٚده.

موکأشفه 11:19

او وخت معبد، آسمأنٚ میأن وأزَ بوسته و او صوندوقی کی خودا عهد‌نأمه اونی میأن نٚهأ بو آشیکأرَ بوسته. بأزون گؤرخأنه رأ دکفته و آسمأن نأرِه بٚزِه و تگرگ و زیمین لرزه ایتفأق دکفته.

موکأشفه 4:5

او پیله تختٚ جَا، رعد و برق ویریشتی و گؤرخأنه صدا اوخأن دأشتی. او تختٚ روبرو هفتأ چرأغٚم روشن بو. اَ هفتأ چرأغ هو روح ایسه کی هفتأ ایسه.

موکأشفه 6:12

او وخت بٚرّه شیشومی مُهرَ وأکوده. نأخٚوٚرکی ایتأ پیله زلزله ایتفأق دکفته و خورشید ایتأ سیأ پارچه مأنستَن تأریک و سیأ بوبوسته و مهتأب، خونٚ رنگ بوبوسته.

موکأشفه 8:5

بأزون او فٚرٚشته، آتش پأیه‌یَ مذبحٚ آتشٚ جَا پورَ کوده و تأوٚدأ زیمینٚ ور. نأخٚوٚرکی گؤرخأنه و زیمین لرزه رأ دکفته.