موکأشفه 14:15 - Gilaki New Testament

¹⁵ ایتأ دِه فٚرٚشته معبد جَا بأمؤ و ایتأ بولندٚ صدا اَمرأ، اونَ کی اَبرٚ رو نیشته بویَ بوگفته: «دأزَ بٚکأر تأوٚد و وأوین، چونکی وأوِئنٚ زمأت ایسه و زیمینٚ مأصول برسِه.»

کتاب مقدس به زبان گیلکی - گویش شرقی

¹⁵ و یکته د فریشته معبد أجی در بمأ و پیله دوخؤن همأ اونیِ که أبر سر نیشته بو بوته: «تی دارهَ ویگیر و ببین، چونکی بئن زمت فأرسئه و زمین محصول حیسابی برسئه.»

کتاب مقدس به زبان گیلکی - گویش رشت و غرب گیلان

¹⁵ و ايتا دِه فیرشته معبد جا بيرون بامو و پیله اوخانِ مرا اونکی اَبر سر نيشته بویَ بگفت: «تی دأرِه یَ اوسان و درو بُکون، چونکی دِرو کودنِ ساعت فارسه و زمينِ محصول حیسابی برسه.»

موکأشفه 14:15 Iomraidhean Croise

متّی 13:30

وئألید تأ گندم وأوینی زمأت، هر دوتأ پیلّه بد. بأزون گندم وأوینأنَ گم کی اوّل، وأشأنَ وأوینٚد و دسته بوکونٚد و بوسوجأنٚد و بعد، گندمأنَ جمَ کونٚد و می تیلنبأرٚ دورون بأوٚرٚد."»

متّی 13:39

او دوشمن کی گندمأنٚ میأن وأش بکأشته، خودٚ شیطانه. خرمن کُبی فصل، هو آخرٚ زمأتٚ، و گندم وأوینأن، فٚرٚشته‌یأنٚده.

متّی 23:32

شومأن اوشأنی رأ مأله جَا پیروی کونیدی؛ شومأن نأجورٚ کأرأنٚ دورون، اوشأنٚ جَا پیش دکفتید.

مَرقُس 4:29

و وختی مأصول برسه، کیشأورز خو دأره‌یَ اوسأنه کی مأصولَ وأوینه.»

اوّل تسالونیکیان 2:16

و حقٚ سعی زنٚده کی اَمی مأنع بٚبٚد خودا پیغأمَ اوشأنی کی یوهودی نییٚده فأرٚسأنیم کی نوکونه اوشأنٚم نیجأتَ بیأفٚد. جٚه اَ خأطر اَ قومٚ گونأیأن سٚر به سٚر جمَ بِه و آخرپٚسی خودا غیظ اَشأنٚ رو فوتورکه.

موکأشفه 11:19

او وخت معبد، آسمأنٚ میأن وأزَ بوسته و او صوندوقی کی خودا عهد‌نأمه اونی میأن نٚهأ بو آشیکأرَ بوسته. بأزون گؤرخأنه رأ دکفته و آسمأن نأرِه بٚزِه و تگرگ و زیمین لرزه ایتفأق دکفته.

موکأشفه 13:12

اون او اوّلی وحشٚ تومأمٚ قودرتَ کی خو او زخمٚ جَا کی کوشِه، خُب بوبوسته‌بو ایستفأده کودی و تومأمٚ دونیأ جَا خأستی کی اوّلی وحشَ پرستٚش بوکوند.

موکأشفه 14:14

بأزون هطو کی فأندرستیم، ایتأ سیفیدٚ اَبرَ بیدِم کی اینفر اونی رو نیشته بو کی اینسأنٚ پٚسرَ شٚبأهتَ دٚئی. اونی سٚرٚ رو، ایتأ طلأیی تأج و اونی دٚسٚ میأن ایتأ تیجٚ دأز چومَ دکفتی.

موکأشفه 14:16

پس اونی کی اَبرٚ رو نیشته بو، خو دأزَ بٚکأر تأوٚدأ و زیمینٚ مأصول وأوِه بوبوسته.

موکأشفه 14:17

بأزون، ایتأ دِه فٚرٚشته او معبدٚ جَا کی آسمأنٚ دورونی نٚهأ بأمؤ بیرون. اونم ایتأ تیجٚ دأز خو دٚسٚ میأن دأشتی.

موکأشفه 14:18

بأزون ایتأ دِه فٚرٚشته مذبحٚ جَا بیرون بأمؤ کی آتشٚ ایختیأر و قودرت اونی دٚسٚ دورونی نٚهأ بو. اون او فٚرٚشته‌یَ کی دأز اونی دٚسٚ دورون نٚهأ بویَ بوگفته: «هسأ تی دأزَ بٚکأرَ گیر کی خوشه‌یأنَ جٚه زیمینٚ رٚزٚ سٚر وأچینی، چونکی اونی انگورأن بٚرٚسِئده و قیضأوت کودنٚ وأسی حأضیرَ بوسته.»

موکأشفه 15:6

او هفتأ فٚرٚشته کی هفتأ بلأیَ بدأشته بود کی زیمینٚ رو فوکوند، خودا حوضورٚ جَا بیرون بأمؤده. اَشأن ایتأ سیفید رخت کی تیمیزٚ کتأنٚ جَا بو و هیذره لکه نأشتی دوکوده بود، و اَشأنٚ سینه دؤرٚم ایتأ طلأیی قِئش دٚوٚسته بود.

موکأشفه 16:17

هفتومی فٚرٚشته‌یم خو پیأله‌یَ هوا میأن خألِه کود. او وخت او تختٚ جَا کی معبدٚ میأن نٚهأ بو، ایتأ بولندٚ صدا بشتأوستم کی گفتی: «همه چی تومأنَ بوسته!»

موکأشفه 6:10

اَشأن ایتأ بولندٚ صدا اَمرأ خوداوندَ گفتیدی: «ای خوداوند کی پأک و حق ایسی، چندر زمأت دِه زیمینٚ آدمأنٚ رو قیضأوت نوکونی و اَمی خونٚ اینتقأمَ اوشأنٚ جَا فأنگیری؟»