موکأشفه 13:5 - Gilaki New Testament

⁵ بأزون، اژدها او وحشَ اَنتیریک بوکوده کی اَلکی گب زئنَ سرأگیره، و اَ ایختیأرَ اونَ فأدأ کی چهل و دو مأه دونیأ کأرأنَ دٚسَ گیره.

کتاب مقدس به زبان گیلکی - گویش شرقی

⁵ یکته دهن او وحشی جؤنوره هدأ بوبؤ تا غرور و کفر همرأ گب بزنه و اونه ایجازه بدأ بوبؤ تا چهل و دو ماه خوشه ایقتداره کارأگیره.

کتاب مقدس به زبان گیلکی - گویش رشت و غرب گیلان

⁵ ایتا دَهَن اُ واشی جانورَ فَده بُبوست تا غرور و کُفر امرا گب بزنه، و اونَ اجازه فدَه بُبوست تا چهل و دو ماه خو اقتدارَ بکار بیگیره.

موکأشفه 13:5 Iomraidhean Croise

دوم تسالونیکیان 2:3

ولأنید هیذره هیکس شٚمٚره گول بٚزٚنه، چونکی او روج نأیِه، مگه اَنکی اوّل خودا ضد ایتأ بدگومأنی و شورش ویریزه و او مردأی کی خودا قأنونأنَ خو پأ جیر لقد دٚمٚج کونِه ظأهیرَ بٚه، هو آدمی کی جهندمٚ هلاکتٚ جَا محکوم ایسه.

دوم تسالونیکیان 2:4

اون هرچی اَمرأ کی خودا دؤخأده بٚبه و عیبأدت وأسی ایستفأده بٚبه موخألفت کونِه. حتّا شِه معبدٚ دورونی و اویَه نیشینه و ایدعأ کونِه کی خودایه.

دوم تسالونیکیان 2:8

بأزون او شرورٚ مٚردأی ظأهیرَ بِه. امّا او وختی کی اَمی خوداوند عیسا وأگردٚه، خو دٚهٚن نَفسٚ اَمرأ اونَ هلأکٚ کونِه و خو حوضورٚ اَمرأ اونَ جٚه بین بٚره.

موکأشفه 11:7

وختی او دو نفر خوشأنی سه سأل و نیمٚ شهأدتٚ دؤره‌یَ تومأنَ کونٚد، او وحش او چأهٚ جَا بیرون اَیِه کی ته نأرِه، اَشأنَ جنگستنٚ رِه وأخٚوٚرَ کونِه و اَشأنَ شکست دِهه، کوشِه.

موکأشفه 12:14

ولی او زنأکَ دوتأ پیله آلؤغٚ بأل فأدأ بوبوسته کی پروأز بوکونٚه بیأبأنٚ ور، و اویَه سه سأل و نیمٚ میأن، او لأنتی اَذِت آزأرٚ جَا کی هو اژدها ایسه، در اَمأن بئیسه.

موکأشفه 12:6

ولی اونی مأر بوگروخته بیأبأنٚ ور. خودا اویَه اونٚ رِه حأضیرَ کوده‌ بو کی هیزأر و دویست و شصت روج اونی جَا مورأقبت بٚبه.

موکأشفه 13:7

اژدها اونَ قودرت فأدأ کی خودا موقدسٚ قومٚ اَمرأ جنگ بوکونه و اَشأنَ پیروزَ به و تومأمٚ دونیأ قومأن و قبیله‌یأنٚ رو جٚه هرتأ زوأن و نتأج حوکومت بوکونه؛