موکأشفه 13:3 - Gilaki New Testament

³ ایتأ جٚه اونی سٚرأنَ بیدِم کی ایتأ زخمَ بوسته بو کی تأنستی بوکوشٚه، ولی خؤرَه خؤرَه خُبَ بوسته! بأزون تومأمٚ دونیأ مردوم اَ موجیزه جَا خٚیلی قأقَ بوستٚد و وحشَ ترس و ایحترأم اَمرأ ایطأعت بوکودٚده.

کتاب مقدس به زبان گیلکی - گویش شرقی

³ او وحشی جؤنورِ یکته سرؤن، بخألئه یکته کوشنده جیجا ویته بو، اما او کوشنده جیجا خوبأبؤبو. تمؤم زمین ماتأبؤن و او وحشی جؤنور أجی پیروی بودن.

کتاب مقدس به زبان گیلکی - گویش رشت و غرب گیلان

³ ایتا جه اُ واشی جانورِ کله ئان، انگاری ايتا کوشنده زخم اوساده بو، ولی اُ کوشنده زخم خُب بُبوسته بو و تمانِ زمین ماتا بوستید و اُ واشی جانورِ جا پیروی بکودید.

موکأشفه 13:3 Iomraidhean Croise

لوقا 2:1

او وختأن، اوگوستوس، رومٚ فرمأنروأ، دستور بٚدأ کی مردومَ تومأمٚ سرزیمینأنٚ دورون کی اونی فرمأنروأیی جیر نٚهأ بو سٚرشومأری بوکونٚد.

یوحنا 12:19

فریسیأن کس‌کسٚ بوگفتٚده: «دِه اَمأن هیچی نتأنیم بوکونیم. فأندرید، تومأمٚ دونیأ اونی دونبألسر بوشؤده!»

اعمالٚ رسولأن 8:13

بأزون شمعونٚم ایمأن بأوٚرده، تعمید بیگیفته. اون فیلیپُسٚ جَا سیوأ نوبوستی و اونی موجیزه‌یأن جَا حیرأن و قأق مأنستی.

موکأشفه 13:12

اون او اوّلی وحشٚ تومأمٚ قودرتَ کی خو او زخمٚ جَا کی کوشِه، خُب بوبوسته‌بو ایستفأده کودی و تومأمٚ دونیأ جَا خأستی کی اوّلی وحشَ پرستٚش بوکوند.

موکأشفه 13:14

او اوّلی وحش اونَ وئأشتی کی اَ عجأیب غرأیب کأرأنَ بوکونه، دونیأ مردومَ گول بٚزٚنه و اَشأنَ وأدأرٚه کی ایتأ پیله موجسمه او اوّلی جأنورٚ جَا چأکوند، هو وحش کی شٚمشیرٚ زخمٚ جَا سأق و سألیم جیویشته بو.

موکأشفه 17:10

هطویم، هفتأ پأدیشأ صفت نیشأن ایسٚد کی پنج‌تأ جٚه اوشأن جٚه بین بوشؤده، شیشومی تأ هسأ پأدیشأیی کودأندٚره و هفتومیم پور دِه بأقی نییٚه کی بأیٚه، ولی خٚیلی دوأم نأوٚره.

موکأشفه 17:11

او سورخٚ وحش کی ایتأ زمأت ایسأبو، هشتومی پأدیشأیه کی پیشتر ایتأ جٚه او هفتأ پأدیشأ بو کی حوکومت کودی. اونی دویُمی حوکومتٚ دؤره پٚسی، اونم جٚه بین شِه.

موکأشفه 17:13

اَشأن همٚتأن، کس‌کسٚ اَمرأ ایتأ قرأرَ ایمضأ کونٚده کی اونی وأسی، خوشأنٚ قودرت و ایختیأرأنَ او جأنورَ فأدٚده،

موکأشفه 17:17

چونکی خودا ایتأ فیکر اوشأنٚ سٚرٚ میأن بٚنأ کی اونی نقشه‌یَ انجأم بٚدٚد و خوشأنی ایختیأرأنَ سورخٚ وحشَ فأدٚد کی اَطویی خودا کلام انجأم بٚبه.

موکأشفه 17:6

و بفأمٚستٚم کی او زنأی مست ایسه؛ اون خودا آدمأن و عیسا شهیدأنٚ خونٚ اَمرأ مست بو. من ترس و وأشٚتٚ اَمرأ اونَ فأندرستٚم.

موکأشفه 17:8

او وحش کی بید‌ِیی ایتأ زمأت ایسأبو، ولی هسأ دِه نئیسأ. اَطویی ایسه کی، او چأه جَا کی ته نأرِه دفأتن بوجؤر اَیِه و همیشٚکٚ رِه جٚه بین شِه. دونیأ آدمأن، جغرز اوشأنی کی اَشأنٚ نأم حیأتٚ دفترٚ میأن بینیویشته بوبوسته وختی او وحشٚ مٚردنٚ پٚسی، ایوأردِه ظأهیرَ بِه، مأت و قأق ایسٚد.