موکأشفه 12:4 - Gilaki New Testament

⁴ اون خو دومٚ اَمرأ ایتأ قیسمت جٚه سه‌تأ قیسمتٚ ستأره‌یأنَ خو دونبألسر فأکشه و زیمینٚ رو فوکوده. اژدها او زنأکٚ جولو کی زأستأندوبو بٚپأ بئیسأ کی اونی زأکَ فٚوٚره.

کتاب مقدس به زبان گیلکی - گویش شرقی

⁴ خوشه دوم همرأ یک سوم آسمؤن سیتاره ئانه جیمأگوده و زمین سر فوده. یوها او زنأک جلؤ کی زأسّه دبو بیسأ، تا هیطؤ که اون زأک دونیا بمأ اونه فبره.

کتاب مقدس به زبان گیلکی - گویش رشت و غرب گیلان

⁴ خو دُمِ امرا يک سیوّم آسمان ستاره ئانَ جَما کود و زمينِ سر فُکود. آژدها اُ زناکِ جُلُو کی زائِن دُبو بئسَا، تا هَطوکی اونِ زای بدُنیا بامو اونَ فَوَره.

موکأشفه 12:4 Iomraidhean Croise

یوحنا 8:44

شیطان شیمی رأس‌رأسِی پئر ایسه و دوس دأریدی اونی نأجور کردکأرأنَ انجأم بدید. شیطان جٚه هو اوّلم قأتیل بو و رأستی جَا نیفرت دأشتی، اونی وجود میأن ایتأ پیچه حِئقت پیدأ نیبه چونکی اونی ذأت دورُغگویه و اون دورُغگویأنٚ پئر ایسه.

۱پطرس 5:8

شیمی حواس جم بٚبه و مورأقٚب بیبید، چونکی شیمی دوشمن شیطان هچین ایتأ شیرٚ گوروسنه مأنستَن نعره زٚنِه و گردستأندٚره و اینفرٚ دونبأل گردِه تأ بیأفه و اونَ فٚوٚره.

موکأشفه 12:7

بأزون آسمأنٚ میأن ایتأ جنگ رأ دکفته. میکأییل و فٚرٚشته‌یأن اونی دستورٚ اَمرأ اژدها و اونی فٚرٚشته‌یأنٚ اَمرأ بٚجٚنگستد.

موکأشفه 12:9

هطویه، اَ پیله اژدها، ینی او قدیمی لأنتی کی اونی نأم ایبلیس یا شیطانه و هونی ایسه کی تومأمٚ دونیأ مردومَ گول زٚنِه، تومأمٚ خو دأر و دسته اَمرأ بکفتٚد زیمینٚ رو.

موکأشفه 13:2

اَ وحش پلنگَ شٚبأهت دٚئی ولی اونی پأ خٚرسٚ پأیَ مأنستی و اونی دٚهٚن شیرٚ دٚهٚنٚ مأنستَن بو. اژدها خو قودرت و ایقتدأر و تأج و تختَ بٚبخشه اونَ.

موکأشفه 13:4

اوشأن اژدهایَ کی اَطوچی قودرت او جأنورَ فأدأ بو، ستأیٚش بوکودٚده. او وحشٚم پرستٚش بوکودٚد و بوگفتٚده: «کیسه کی اونی مأنستَن پیلّه بٚبه؟ کی تأنه اونی اَمرأ جنگ بوکونه؟»

موکأشفه 16:13

بأزین بیدِم سه تأ پٚلیدٚ روح گوزکأ شمأیل، جٚه اژدها و او وحش و دورُغی پیغمبرٚ دٚهٚنٚ میأن بیرون بأمؤد.

موکأشفه 17:18

اَ زنأکَ کی رویأ دورونی بید‌ِیی، او پیله شهرٚ صفت نیشأنه کی دونیأ پأدیشأیأنٚ سٚر حوکومت کونه.»

موکأشفه 20:2

اون اژدهایَ بیگیفته و زینجیلٚ اَمرأ هیزأر سألٚ رِه دٚوٚسته و تأوٚدأ او چأه میأن کی ته نأشتی. بأزون او چأه دٚرَ دٚوٚسته و چٚفتَ بٚزِه، کی او هیزأر سألٚ میأن نتأنه هیتأ قومَ گول بٚزٚنه. اَ زمأت کی بوبوسته پٚسی، اژدها ایتأ کوتأ زمأتٚ رِه وأستی آزأد بدأشته بٚبه. اژدها، هو قدیمی لأنتی ایسٚه کی ایبلیس و شیطانٚم نأم بٚنأ بِه.

موکأشفه 8:10

وختی سیومی فٚرٚشته شیپورٚ صدایَ بیرون بأوٚرده، ایتأ شوأله بٚکٚشه ستأره، آسمأن جَا بٚکفته ایتأ قیسمت جٚه سه‌تأ قیسمتٚ روخأنأن و چشمه‌یأنٚ رو.

موکأشفه 8:11

او ستأره ایسم «زرخی» بو؛ و هو وخت کی بوشؤایتأ قیسمت جٚه سه تأ قیسمتٚ تومأمٚ زیمینٚ آبأنٚ دورون، او آبأن زرخَ بوسته و خٚیلیأن اَ زرخی وأسی بٚمٚردٚده.

موکأشفه 8:12

بأزون چأرومی فٚرٚشته شیپورٚ صدایَ بیرون بأوٚرده. هو وخت ایتأ قیسمت جٚه سه‌تأ قیسمت خورشید، مهتأب و ستأره‌یأنَ ایتأ ضربه بوخورده،اوطو کی اوشأنی ایتأ قیسمت جٚه سه‌تأ قیسمت تأریکَ بوسته. اَطویی بو کی، ایتأ قیسمت جٚه سه‌تأ قیسمتٚ روج و شب بوشؤ تأریکی دورون.

موکأشفه 8:7

اوّلی فٚرٚشته شیپورٚ صدایَ بیرون بأوٚرده. نأخٚوٚرکی، زیمین رو تگرگ و آتش و خون بٚوأرسته، جوری کی ایتأ قیسمت جٚه سه‌تأ قیسمت زیمینٚ شین آتش بیگیفته و ایتأ قیسمت جٚه سه‌تأ قیسمت دأرأنٚ، تومأمٚ سبزه‌یأنٚ اَمرأ بوسوخته.

موکأشفه 8:8

دویُمی فٚرٚشته شیپورٚ صدایَ بیرون بأوٚرده. نأخٚوٚرکی ایچی ایتأ پیله کوه مأنستَن کی شوأله زِئی بٚکفته دریأ میأن، جوری کی ایتأ قیسمت جٚه سه‌تأ قیسمت تومأمٚ کشتیأن غرقَ بوستد و ایتأ قیسمت جٚه سه‌تأ قیسمت دریأ خونٚ مأنستَن، سورخَ بوسته، و ایتأ قیسمت جٚه سه‌تأ قیسمت تومأمٚ مأئیأن بٚمٚردٚد.

موکأشفه 9:10

اوشأن نیشدأرٚ دومأنی دأشتید کی عقرٚبٚ دومٚ مأنستَن بو کی اونی اَمرأ تأنستیدی مردومَ پِنج مأه رِه آزأر بٚدٚد.

موکأشفه 9:19

اوشأنی کوشتٚنٚ قودرت، هوطو کی اَشأنی دٚهٚنٚ میأن نٚهأ بو اَشأنی دومٚ میأنم نٚهأ بو، چونکی اَشأنی دوم لأنتیأنٚ سٚرَ شبأهتٚ دٚئی کی گزٚده و زخمأنی بوجود اَوٚرٚده کی کوشِه.