موکأشفه 12:1 - Gilaki New Testament

¹ بأزون، ایتأ عجأیب غرأیبٚ منظره آسمأنٚ میأن بیدِه بوبوسته کی ایتأ موهیمٚ ایتفأقٚ جَا خٚوٚر دٚئی: ایتأ زنأکَ بیدِم کی آفتأبَ ایتأ رختٚ مأنستَن دوکوده بو و مأه اونی پأ جیر و ایتأ تأج دوأزده‌تأ ستأره اَمرأ اونی سٚرٚ رو نٚهأ بو.

کتاب مقدس به زبان گیلکی - گویش شرقی

¹ و یکته پیله نشؤنه آسمؤن مئن آشکارأبؤ: یکته زنأی که أفتؤه دوده بو و مانگ اون په جیر دبو و یکته تاج، دوازده ته سیتاره أجی اون سر هنّأبو.

کتاب مقدس به زبان گیلکی - گویش رشت و غرب گیلان

¹ و ایتا پیله نیشانه آسمانِ درون آشکار بُبوست: ایتا زنای کی آفتابَ دوکوده بو و ماه اونِ پا جیر و ایتا تاج، دوازده تا ستاره جا اونِ سر نَئه بو.

موکأشفه 12:1 Iomraidhean Croise

متّی 12:38

ایروج بعضیتأ جٚه دینٚ عألیمأن و بعضی جٚه فریسیأن عیسا ورجأ بأمؤده و بوگفتد: «اوستأد، خأییم ایتأ نیشأنه اَمٚرَه نیشأن بٚدی کی تی ایقتدأرٚ اَمٚرَه بٚنٚمأیی.»

متّی 24:30

«و آخرپٚسی اینسأنٚ پٚسرٚ اَمؤن، آسمأنٚ دورون ظأهیرَ به. بأزین مردوم دونیأ دورون اَ سٚر تأ او سٚر عزأ گیرده و اینسأنٚ پٚسرَ دینٚده کی آسمأنٚ اَبرأنٚ رو، پیله شوکو و قودرتٚ اَمرأ اَمؤن دٚرٚه.

مَرقُس 13:25

ستأره‌یأن فٚوٚده و نیرویأنی کی زیمینَ دأشتأندرٚد بٚپٚرکٚش دکفده.

لوقا 21:11

دونیأ همٚتأ جأجیگأیأنٚ میأن، پیله زیمین لرزه‌یأن، قحطی سأل و وأگیردأرٚ مٚرٚضأن ایتفأق دکفه و آسمأنٚ دورون عجأیب غرأیب و وأشتنأکٚ چیزأن بیدِه بِه.

لوقا 21:25

«بأزون آسمأنٚ میأن عجأیبٚ ایتفأقأن پیش اَیِه و خورشید و مهتأب و ستأره‌یأن میأن، وأشتنأکٚ نیشأنه‌یأن بیدِه به. زیمین سٚر، قومأن دریأیأنٚ صدا و اونی موجأنٚ نعره جَا هُلَ کونٚد و پریشأنٚ بٚدأ.

یوحنا 3:29

ایتأ عروسی میأن، عروس شِه زأمأ ورجأ و زأمأ ریفِق اونی اَمرأ شأدی کونه. منم زأمأ ریفِقم و اونی خوشی اَمرأ خوشألی کونم.

اعمالٚ رسولأن 2:19

بوجؤر، آسمأنٚ میأن، عجأیبٚ چیزأن، و بیجیر زیمینٚ سٚر جٚه خون و آتش و بخأر، نیشأنه‌یانی آشیکأرَ کونم.

رومیأن 13:14

اونی عوض، خوداوند عیسا مسیح حوضورَ دوکونید و شیمی شرورٚ هوسأنٚ رفع کودن دونبأل نیبید.

رومیأن 3:22

اَمأن عیسا مسیحٚ ایمأن اَوٚردٚنٚ اَمرأ، عأدیل بٚحیسأب اَییم. اَن اونٚ رِه کی ایمأن اَوٚره دوروسته. یوهودی بٚبه یا نٚبه توفیری نأرِه.

دوم قرنتیان 11:2

چونکی من شیمی رو ایتأ غیرت دأرم کی جٚه خودا ایسه، و جٚه اَن دیل نیگرأنم، اَطو نٚبه کی جغرز مسیح اینفر دیگه‌یٚم دیل دٚوٚدید. چونکی می آروزو اَن ایسه کی شومأن ایتأ دوخترٚ مأنستَن نجیب بیبید کی خو دوس دأشتٚن و محبتَ فقد اونی رِه دأره کی خأیه اونی اَمرأ عروسی بوکونه.

غلاطیأن 3:27

و اَمأن همٚتأن کی تعمید بیگیفتیم، ایتأ قیسمت جٚه مسیح وجود بوبوستیم و مسیحَ دوکودیم.

غلاطیأن 4:26

امّا اَمی مأر و اَمی سرزیمین، آسمأنی اورشلیمه کی شریعتٚ کنیز و غولأم نییٚه.

غلاطیأن 6:14

امّا خودا نوکونه من اَ کردکأرأنٚ وأسی ایفتخأر بوکونم. می تنأ ایفتخأر اَمی خوداوند عیسایٚ مسیحٚ صلیبه. هطویه هه صلیبٚ وأسی تومأمٚ او شوق و ذوقی‌یَ کی دونیأ دورون دأشتیم، مصلوب بوبوسته و جٚه بین بوشؤ و منم هو علأقه وأسی کی دونیأیَ دأشتیم مصلوب بوبوستم و بٚمٚردٚم.

افسسیان 5:32

اَن ایتأ جولف رأز ایسه، امّا اَنَ نیشأن دِهه کی چوطو مسیح و کیلیسا ایتأ ایسٚده.

موکأشفه 1:20

او هفتأ ستأره کی می رأستٚ دٚسٚ میأن بید‌ِیی و هطو او هفتأ طلأ شمدأنٚ مأنی اَنه: هفتأ ستأره، هفتأ کیلیسا فٚرٚشته‌یأنٚده، و هفتأ شمدأن، هو هفتأ کیلیسایٚده.

موکأشفه 11:19

او وخت معبد، آسمأنٚ میأن وأزَ بوسته و او صوندوقی کی خودا عهد‌نأمه اونی میأن نٚهأ بو آشیکأرَ بوسته. بأزون گؤرخأنه رأ دکفته و آسمأن نأرِه بٚزِه و تگرگ و زیمین لرزه ایتفأق دکفته.

موکأشفه 12:3

نأخٚوٚرکی، ایتأ سورخٚ اژدها کی هفتأ سٚر، هفتأ تأج و ده‌تأ شأخ دأشتی ظأهیرَ بوسته.

موکأشفه 15:1

آسمأنٚ میأن ایتأ دِه عجأیب غرأیبٚ نیشأنه بیدِم کی ایتأ موهیمٚ ایتفأقٚ جَا خٚوٚر دٚئی: هفتأ فٚرٚشته، هفتأ آخری بلأیَ بدأشته بود کی فوکوند زیمین سٚر، کی آخرپٚسی خودا غیظ فوروز بأیٚه.

موکأشفه 21:14

شهرٚ حیصأرأن دوأزده‌تأ پأیه دأشتی کی اوشأنٚ رو بٚرّه روسولأنٚ نأم بینیویشته بوبوسته بو.

موکأشفه 21:23

اَ شهر هیذره خورشید و مأهٚ نورَ لأزیم نأشتی، چونکی خودا و بٚرّه جلال و عظمت شهرَ روشنَ کودی.