موکأشفه 1:12 - Gilaki New Testament

¹² هو وخت کی وأگردستٚم کی اونی‌یَ کی می اَمرأ گب زِئندوبو بیدینٚم، هفتأ طلأ شمدأن می پوشتٚ ور بیدِم.

کتاب مقدس به زبان گیلکی - گویش شرقی

¹² بأزون وگرسم تا بینم ای صدا کیسه کی می همأ گب زئنه، و هیطؤ کی وگرسم هفت ته طلایی چیراغدؤن بدئم

کتاب مقدس به زبان گیلکی - گویش رشت و غرب گیلان

¹² بازون واگردستم تا بيدينيم اَ صدا كیسه کی می اَمرا گب زنه؛ و هَطوکی واگردستم، هَفتا چراغدانِ طلا بيدِم،

موکأشفه 1:12 Iomraidhean Croise

موکأشفه 1:13

شٚمدأنأنٚ میأن، ایتأ مردأکَ بیدِم اینسأنٚ پٚسرٚ مأنستَن کی ایتأ بولندٚ ردأ دوکوده بو و ایتأ طلأیی قِئش اونی سینه دؤر دٚوٚسته بو.

موکأشفه 1:19

«پس اونچی کی بید‌ِیی، ینی اونچی کی اَسه ایتفأق دکفتأندره و اونچی کی اَنٚ پٚسی ایتفأق دکفه، همه‌یَ بینیویس.

موکأشفه 1:20

او هفتأ ستأره کی می رأستٚ دٚسٚ میأن بید‌ِیی و هطو او هفتأ طلأ شمدأنٚ مأنی اَنه: هفتأ ستأره، هفتأ کیلیسا فٚرٚشته‌یأنٚده، و هفتأ شمدأن، هو هفتأ کیلیسایٚده.

موکأشفه 2:1

«اَ پیغأمَ اَفِسُسٚ کیلیسا فٚرٚشته رِه بینیویس: اونی کی هفتأ ستأره‌یَ خو رأستٚ دٚسٚ میأن دأره و هفتأ شمدأنٚ میأن کی طلأ جَا ایسه، دٚوأرٚستأندره، اَ پیغأمَ تِرِه دأره:

موکأشفه 4:1

بأزون، هوطو کی فأندرستیم، کی ایتأ دروأزه آسمأنٚ میأن وأزَ بوسته. او وخت هو آوا کی پیشترٚم بشتأوسته بوم، می گوشَ فأرٚسِه؛ او آوا کی ایتأ شیپورٚ صدا مأنستَن پورقودرت بو، مٚرَه بوگفته: «بیأ بوجؤر کی او ایتفأقأنَ کی دونبألتر پیش اَیِه‌یَ تٚرَه نیشأن بدم.»