فیلیپیان 2:22 - Gilaki New Testament

²² ولی شومأن تیموتائوسَ شنأسیدی؛ اون ایتأ زأکٚ مأنستَن مٚرَه کومک کونِه کی اینجیلٚ پیغأمَ وأگویا بوکونم.

کیتاب مقدّس به گیلکی (رشتی)

²² ولی شومأن دأنیدی کی تیموتائوس خو ایمتحانَ پسَ دَه، چره کی هوطو کی ایتأ پسر خو پئرٚ اَمرأ کار کونه، می اَمرأ خوروم خبرٚ کارٚ وأسی ختمت بوکوده.

کتاب مقدس به زبان گیلکی - گویش شرقی

²² اما شمه دؤنین کی تیموتائوس خوشه ایمتحونه پس بدأ، کی چوطو می همرأ، یکته ریکأک مورسؤن کی خوشه پئر همرأ ایسأ، انجیل کار مئن خدمت بوده.

کتاب مقدس به زبان گیلکی - گویش رشت و غرب گیلان

²² ولی شُمان دانيدی كی تيموتائوس خو امتحانَ پس بدَه، کی چطو می اَمرا، ایتا پسر مانستن خو پئر مَرا، انجيل كار درون خدمت بُكوده.

فیلیپیان 2:22 Iomraidhean Croise

اعمالٚ رسولأن 16:2

لِستره و قونیه مسیحیأن، تیموتائوسٚ دروأره خورومٚ گووأ دأییدی.

رومیأن 5:4

صبر و تحمولم بأعیث به کی اَمی شخصیت روشد بوکونه و موحکم بٚبه و اَمٚرَه کومک کونه کی اَمی ایمأن کی خودایَ دأریم هر روج قویترَ بٚه. اَجور ایمأن آخرپٚسی اَمی اومیدم قوّت دِهه و برقرأرَ کونه

اوّل قرنتیان 16:10

هر وخت «تیموتائوس» بأیٚه شیمی ورجأ، مهرٚوأنی اَمرأ جٚه اون پذیرأیی بوکونید، چونکی اونم می مأنستَن خوداوندٚ خیدمتَ کونه.

اوّل قرنتیان 4:17

هنٚ وأسی تیموتائوسَ اوسه کونم کی اَ کأرٚ دورون شٚمٚره کومک بوکونه. اون جٚه اوشأنی ایسه کی می گبأنٚ اَمرأ مسیح عیسایَ ایمأن بأوٚرده و مِرِه ایتأ زأکٚ مأنستَن عزیز و اَمین ایسه. اون او آموجه‌یأنَ کی همٚتأ جیگأ کیلیسایأن دورون فأدٚم شیمی خأطر اَوٚره.

دوم قرنتیان 2:9

او دسخطَ بینیویشتم کی شٚمٚره ایمتحأن بوکونم و بیدینٚم کی چندر می جَا ایطأعت کونیدی.

دوم قرنتیان 8:22

ایتأ دِه برأرم شیمی ورجأ اوسه کونم کی همیشٚک اونی حقٚ سعی و دوروست بؤئؤنَ خیدمتأن و جوروأجورٚ کأرأنٚ دورون بیدِییم. هسأ کی اونَ بوگفتم شومأن چندر مردومٚ کومکٚ رِه علأقه و میل دأریدی، اونی شوق و ذوق شیمی ورجأ اَمؤنٚ رِه ویشتر بوبوسته.

دوم قرنتیان 8:24

پس خأهیش کونم او محبتَ کی مِرِه دأریدی، اَشأنٚم نیشأن بدید و جٚه اوشأن مهرٚوأنی اَمرأ پذیرأیی بوکونید کی همٚتأ کیلیسایأن بدأنٚد کی شٚمٚره بودونٚ عیلّت گولأز نوکودیم.

دوم قرنتیان 8:8

اَن ایتأ فرمأن نییٚه و نگم کی حتم اَ کأرَ بوکونید. بلکی البأقی کیلیسایأن ذوق و شوقَ مثأل اَوٚرم، کی شومأنم بتأنید نیشأن بدید شیمی محبت رأس‌رأسِی ایسه و فقد گب نییٚه.

فیلیپیان 1:12

جأن و دیلٚ برأرأن و خأخورأن، خأیم اَنٚم بدأنید کی اونچی مِرِه ایتفأق دکفته، رأس‌رأسِی اینجیلٚ پیغأمٚ پٚخشَ بوستن و پیش شؤئؤنَ بأعیث بوبوسته.

فیلیپیان 1:16

چونکی اَشأن مٚرَه دوس دأرٚده موعیظه کونٚده و بفأمستده کی خودا مٚرَه جٚه حِئقت دفأع کودن وأسی اَیَه بأوٚرده. ایتأ عیده‌یٚم جٚه اَ خأطر موعیظه کونٚده کی مٚرَه حسودی بیگیره، اَ گومأنٚ اَمرأ کی اوشأنی کأرٚ پیش شؤئؤن، زندأنٚ دورون ایتأ غورصه می غورصه‌یأنٚ سٚر بٚنه.

فیلیپیان 1:5

چونکی شومأن جٚه هو روج کی اینجیلٚ پیغأمَ بشتأوستیدی تأ هسأ، اونی روأج و پٚخش کودنٚ رِه خٚیلی کومک بوکودیدی.

فیلیپیان 1:7

اَن طبیعیه کی دروأره‌یٚ شومأن اَجور ایحسأس بٚدأرم، چونکی شومأن همٚتأن می دیلٚ دورون جأجیگأ دأریدی. چی او وخت کی زندأنٚ دورون ایسأبوم، چی او وخت کی آزأد شیمی میأن ایسأبوم، کس‌کسٚ اَمرأ حِئقتٚ جَا دفأع کودیم و مسیح نیجأتٚ خٚوٚرَ مردومٚ گوش فأرٚسأنِییم؛ هنٚ وأسی همیشٚک خودا برکتأنٚ میأن کس‌کسٚ اَمرأ سأم دأشتیم.

فیلیپیان 2:20

هیکس تیموتائوسٚ مأنستَن، اَطو شٚمٚره خألصٚ علأقه نأرِه؛

اوّل تیموتائوس 1:18

هسأ می پٚسر، تیموتائوس، هو نوبوّت پیغأمأنٚ وأسی کی ویشتر اونٚ جَا تٚرَه وأخٚوٚرٚ کودم، تٚرَه سفأرش کونم کی اوشأنَ بٚخأطر اَوٚردٚنٚ اَمرأ، خوداوندٚ خورومٚ جنگ میأن خُب بٚجنگی.

اوّل تیموتائوس 1:2

اَ نأمه‌یَ می رأس‌رأسِی زأی ایمأن دورون، تیموتائوسٚ رِه نیویسٚم. جٚه اَمی پئر خودا و اَمی خوداوند عیسا مسیح تِرِه فیض و بخشش و آرأمٚش خأیم.

اوّل تیموتائوس 4:6

اگه اَ کأرأنَ دیگرأنَ بأموجی، عیسایٚ مسیحٚ وأسی ایتأ لأیٚقٚ خیدمتکأر بی کی ایمأن و دوروست آمؤختٚنٚ جَا بهره فأگیفته، آمؤختنی کی اونٚ دونبألسر رأ دکفتی.

دوم تیموتائوس 1:2

اَ نأمه‌یَ می جأنٚ دیلٚ زأی تیموتائوسٚ رِه نیویسٚم. جٚه خودای پئر و اَمی خودا عیسایٚ مسیح، تِرِه فیض و بخشش و آرأمٚش خأیم.

دوم تیموتائوس 3:10

امّا تو، تیموتائوس خودت دأنی کی من چی آموج دٚهٚم، چوطو زٚندیگی کونم و می نقشه زٚندیگی دورون چیسه. تو، می ایمأن و صبر و محبت و ایستقأمتٚ جَا وأخوری

تیتوس 1:4

اَ نأمه‌یَ تیتوسٚ رِه می رأس‌رأسِی زأی اَمی هم ایمأنی دورون نیویسٚم: اَمی پئر خودا و اونی کی اَمٚرَه نیجأت بٚدأ، مسیح عیسا جَا تِرِه فیض و آرأمٚش خأیم.