مَرقُس 9:42 - Gilaki New Testament

⁴² ولی اگه اینفر بأعیث بٚبه ایتأ جٚه اَ زأکأن کی مٚرَه ایمأن دأرٚده، خو ایمأنَ جٚه دٚس بٚدأ، اونی رِه بِیتره کی ایتأ پیله سنگَ اونی گردن وأرگأنٚد و اونَ تأوٚدٚد دریأ میأن.

کیتاب مقدّس به گیلکی (رشتی)

⁴² «هر کی باعیث ببه ایتأ جٚه اَ کوجه زأکأن کی مرَ ایمأن دأریدی به گوناه دکفید، اونٚ رِه بهتره کی ایتأ پیله آسیابٚ سنگ اون گردن دٚوٚدید و اونَ تأودید دریا دورون.

کتاب مقدس به زبان گیلکی - گویش شرقی

⁴² « هر کس باعث ببی که یکته ایی کوشتاکؤن که مَه ایمؤن دَئنَن گناه بکونی، اونه به بهتره که یکته پیله سنگ آسیاب اونه گردنَ دور دودن و دریا میئن بأگنن!

کتاب مقدس به زبان گیلکی - گویش رشت و غرب گیلان

⁴² « هر کی باعث ببه ایتا جه اَ کوجدانه ئان، کی مَرا ایمان دَرید بکَفید، اون ره بختر اَن بو کی ایتا پیله آسیاب سنگی اون گردن دور دَوَدید و اونَ دریا درون تَوَدید!

مَرقُس 9:42 Iomraidhean Croise

متّی 17:27

ولی عأیب نأرِه، جٚه اَ خأطر کی اَشأنٚ نأرأحتَ نوکونیم، بوشو سأحیل، دأم تأوٚد و اوّلین مائی کی بیگیفتی، اونی دٚهٚنَ وأکون؛ ایتأ سکه اونی دورون یأفی کی اَمی دو نٚفٚرٚ مألیأت فأدأنٚ رِه وٚسته. اونَ فأدن اوشأنَ.»

متّی 18:10

«هیوخت اَ کوجه زأکأنَ دٚس پٚرَ نیگیرید، چون اوشأن آسمأنٚ دورونی فٚرٚشته‌یأنی دأرٚده کی همیشٚک می آسمأنی پئرٚ ورجأ حأضیرَ بد.

متّی 18:6

ولی اگه کسی بأعیث بٚبه ایتأ جٚه اَ زأکأن کی مٚرَه ایمأن دأرٚده، خو ایمأنَ جٚه دٚس بٚده، اونٚ رِه بِیتره کی ایتأ پیله سنگ اونی گردنٚ دؤر دٚوٚدٚد و تأوٚدأ بٚبه دریأ دورون.

اعمالٚ رسولأن 9:4

جوری کی زیمینٚ سٚر بٚکفته و ایتأ صدا بشتأوسته کی اونَ گفتی: «شائول! شائول! چٚره مٚرَه اَذِت آزأر کونی؟».

رومیأن 14:13

پس، کس‌کسٚ محکوم کودنٚ جَا دٚس فأکٚشیم و اونی عوض، حقٚ سعی بٚزنید شیمی کردکأر اوجور بٚبه کی البأقی ایمأندارأنٚ لغزش و کٚفتنَ بأعیث نٚبه.

رومیأن 15:21

رأس‌رأسِی هو نقشه‌یَ کی موقدس کیتأبأنٚ دورون بأمؤ دونبأل کودأندرم، اویَه کی فٚرمأیه: «اوشأنی کی هیچی دروأره‌یٚ اون اَشأنَ بوگفته نوبوسته بو، دینٚده و اوشأنی کی هیوخت دروأره‌یٚ اون نشتأوسته بود، فأمٚده.»

رومیأن 16:17

ختمٚ کلام، اَی جأن و دیلأن، خأهیش کونم جٚه اوشأنی کی دودستگی و تفرقه چأکونده، دؤر بئیسید چونکی اَجور آدمأن بأعیث بٚده، البأقیأنٚ ایمأن سوستَ بٚه و خأیده او عقیده‌یأنَ کی شیمی آموجه‌یأنٚ اَمرأ فرق کونه دروأره‌یٚ مسیح بأموجد.

دوم قرنتیان 6:3

اَمأن ایجور زٚندیگی و کردکأر کونیمی کی هیکسٚ لغزشٚ بأعیث نیبیم، کی اَمی خیدمت ملأمت نٚبه.

فیلیپیان 1:10

کی بتأنید بِیترین کأرأنَ تشخیص بدید، و مسیح روجٚ رِه، پأک و بی‌عأیب بیبید.

اوّل تیموتائوس 5:14

پس می نظر اَنه کی بِیتره کی جوأنٚ ویوه‌یأن مردٚ رِه بٚبٚد و زأی بأوٚرٚد و خأنه دأشتٚنَ موشغولَ بد کی هیکس نتأنه کیلیسا جَا عأیب و ایرأد بیگیره.

دوم پطرس 2:2

ایتأ عألمه جٚه اَشأنٚ آموجه‌یأن کی ضرر دأره و اخلأقیأتٚ اَمرأ موخألف ایسه ایطأعت کونٚده و هه آدمأنٚ وأسی او حِئقتٚ رأیأن توهین و رخشن بیگیفته بٚده.