مَرقُس 8:11 - Gilaki New Testament

¹¹ وختی فریسیأن عیسا اَمؤنٚ جَا وأخٚوٚرَ بوستٚد، جمَ بوستٚد کی اونی اَمرأ بوگو موگو رأ تأوٚدٚد. اوشأن اونی ایمتحأن کودن وأسی، ایتأ آسمأنی نیشأنه اونی جَا بٚخأستده کی خو ایقتدأرَ ثأبیت بوکونه.

کیتاب مقدّس به گیلکی (رشتی)

¹¹ فریسیأن بموییدی عیسی ورجأ و شروع بوکودید اونٚ اَمرأ بحث کودن. اوشأن اونٚ ایمتحان کودنٚ وأسی اونٚ جأ بخوأستید کی ایتأ نیشأنه آسمانٚ جأ اوشأنٚ رِه بأوره.

کتاب مقدس به زبان گیلکی - گویش شرقی

¹¹ فَریسی فرقه عالمون عیسی ورجه بومئن و اونه أمره بینا بودَن بحث گودَن. اوشون عیسی امتحون گودنِ به، اونی یکته آسمؤنی نیشونه بخواسّن.

کتاب مقدس به زبان گیلکی - گویش رشت و غرب گیلان

¹¹ فَریسی فرقه عالمان عیسی ورجه باموئید و اون مرا بنا به بحث کودن، بُکودید. اوشان عیسی امتحان کودن ره، اونِ جا ایتا آسمانی نیشانه بخواستید.

مَرقُس 8:11 Iomraidhean Croise

متّی 12:38

ایروج بعضیتأ جٚه دینٚ عألیمأن و بعضی جٚه فریسیأن عیسا ورجأ بأمؤده و بوگفتد: «اوستأد، خأییم ایتأ نیشأنه اَمٚرَه نیشأن بٚدی کی تی ایقتدأرٚ اَمٚرَه بٚنٚمأیی.»

متّی 19:3

بأزون بعضیتأ، جٚه فریسیأن بأمؤده کی بحث و بوگو بشتأوٚ اَمرأ، اونٚ ایدٚسی بٚزٚنٚد. پس عیسا‌یَ بوگفتد: «آیا مردأی ایجأزه دأره خو زنأکٚ هر چی وأسی طلأقَ ده؟»

متّی 21:23

عیسا ایوأردِه بأمؤ معبدٚ دورون و مردومٚ آمؤختٚنَ سٚر بیگیفت. پیله کأهینأن و قومٚ پیله کسأن بأمؤده و اونی جَا وأورسئده: «کو ایقتدأرٚ اَمرأ اَ کأرأنَ انجأم دیهی؟ کی تٚرَه اَ ایقتدأرَ فأدأ؟»

متّی 22:15

فریسیأن خوشأنی اَمرأ جوفت و کلک بوکودٚد کی ایتأ رأ بیأفٚد کی عیسا‌یَ، بوگو بشتأوٚ میأن بٚدأم تأوٚدٚد و اونَ دسگیرٚ کودنٚ رِه خودشٚ گبأنٚ جَا ایتأ مدرک اونی ضد بٚدٚس بأوٚرٚد.

متّی 22:18

عیسا کی دأنستی اوشأن چی جوفت و کلک دیچِی دأرٚده، جوأب بٚدأ: «ای ریأکأرأن، اَ گبأنٚ اَمرأ خأیید مٚرَه غأفیلگیرَ کونید؟

متّی 22:23

هو روجٚ میأن، بعضی جٚه صدوقیأنٚ کی قیأمتَ قوبیل نأرٚده، بأمؤده اونی ورجأ و وأورسئده:

مَرقُس 12:15

عیسا اوشأنی جوفتٚ کلکَ بٚفأمٚسته و بٚفرمأسته: «چٚره خأییدی مٚرَه ایمتحأن بوکونید. ایتأ سکه مٚرَه نیشأن بدید کی شٚمٚره بٚگم.»

مَرقُس 2:16

ولی بعضیتأ جٚه دینی عألیمأن کی فریسی بود، وختی بیدِده کی عیسا باج‌فأگیرأن و البأقی گونأکأرأنٚ اَمرأ ایتأ سٚفره سٚر نیشته، اونی شأگردأن بوگفتٚده: «چٚره اون اَ یونأنی پٚستٚ آدمأنٚ اَمرأ غذأ خوره؟»

مَرقُس 9:16

عیسا وأوٚرسِه: «چی وأسی بوگو موگو کودأندریدی؟»

لوقا 10:25

ایتأ روج ایتأ جٚه دینٚ عألیمأن، کی خأستی عیسا ایعتقاد دأشتٚنَ ایمتحأن بوکونه، اونی جَا وأوٚرسِه: «اوستأد چی بوکونم کی اَبدی زٚندیگی‌یَ بیأفٚم؟»

لوقا 11:16

ایتأ عیده دِه اونی جَا بٚخأستٚد کی ایتأ نیشأنه آسمأنٚ جَا اوشأنَ نیشأن بٚدأ کی خو ایقتدأرَ ایثبأت بوکونه.

یوحنا 4:48

عیسا وأوٚرسِه: «آیا تأ خٚیلی موجیزه‌یأنَ نیدینید، ایمأن نأوٚریدی؟»

یوحنا 6:30

بوگفتد: «چی نیشأنه کی موجیزه مأنستَن ایسه‌یَ اَمرأ نیشأن دیهی کی بیدینیم و تٚرَه ایمأن بأوریم؟ هسأ چی کونی؟

یوحنا 7:48

آیا ایتأ جٚه اَمأن، کی قومٚ پیله کسأن و فریسی ایسیم اونَ ایمأن بأوٚردیم؟

یوحنا 8:6

اوشأن خأستید عیسا ایچی بٚگه کی اونَ گیر تأوٚدٚد و محکومَ کونٚد. امّا عیسا خو سٚرَ بیجیر تأوٚدأ و خو دٚسٚ پٚنجه اَمرأ زیمینٚ رو نیویشتی.

اعمالٚ رسولأن 5:9

پطرس بوگفته: «شومأن چٚره شیمی دٚس ایتأ کأسه میأن نٚهأ کی خودا روحَ ایمتحأن بوکونید؟ او جوأنأن کی تی مردَ ببردٚد و بیگیلَ کودٚد، اَسه وأگردٚستٚد. پس تٚرَم بٚرٚده.»

اوّل قرنتیان 10:9

مسیح صبر و تحمولم ایمتحأن نوکونیم چونکی ایتأ عیده جٚه اوشأن اَطو بوکودٚد و زهردأرٚ لأنتیأنٚ نیشٚ اَمرأ بٚمٚردٚد.