مَرقُس 7:4 - Gilaki New Testament

⁴ جٚه اَ خأطر هر وأر کی بأزأرٚ جَا اَیٚده بٚخأنه، پیشتر جٚه خورأکی خوردن وأستی اَطویی بوشؤر وأشور بوکونٚد. اَن فقد ایتأ جٚه او خٚیلی قأنونأنی ایسه کی اولأرسألأنٚ رِه تأ اَسه انجأم بٚدأده و هنوزم اونی سٚر قأیم ایسأده. ایتأ دِه نومونه، کأسه بوشقاب و تیأن و پیأله‌یَ شؤستٚنه.

کیتاب مقدّس به گیلکی (رشتی)

⁴ وختی بازارٚ جأ وأگردیدی، تا بوشور وأشور نوکونید، هیچی نوخوریدی و خیلی سنتأنٚ دیگرم حفظ کونیدی، پیاله‌یأن، تشت و تیأنأن و مسٚ ظرفأنٚ شوستنٚ مأنستن.

کتاب مقدس به زبان گیلکی - گویش شرقی

⁴ وختی بازارَ جی هَنن، تا بُشور دوشور نکونَن هیچّی نوخؤنَن. و خیلی رسم و رسوم دیگرم دائنن که بجا ابئنن، پیاله أن، دیگؤن، میرسی ظرفؤن، و نیمکتؤن شستنِ مورسؤن.

کتاب مقدس به زبان گیلکی - گویش رشت و غرب گیلان

⁴ وقتی بازار جا اَئیدی، تا بُشور واشور نُکونید، هیچّی نُخوریدی. خَیلی رسم و رسوم دیگه ئم دَشتیدی کی بجا آوریدی، پیاله ئان، تیانان، مِرسی کاسه بوشقاب و میزئان شوستنِ مانستن.

مَرقُس 7:4 Iomraidhean Croise

متّی 23:25

«وای به شیمی حأل اَی دین عألیمأن و ریأکأرٚ فریسیأن! چون شومأن کأسه بوشقابٚ بیرونَ، اَندر تیمیزَ کونید کی پرکاله به، ولی اوشأنٚ دورون طمع و نأپرهیزی جَا پوره.

متّی 23:26

ای کورٚ فریسیأن، اوّل کأسه بوشقابٚ دورونَ تیمیزٚ کونید کی اوشأنٚ بیرونم پأکَ بِه.

متّی 27:24

وختی پیلأتُس بیدِه اونی ایصرأر کودن فأیده نأرِه، و حتّا ایمکأن دأره شورش رأ دکفه، دستور بٚدأ ایتأ کأسه آب بأوٚرٚد، و مردومٚ چومأنٚ ورجأ خو دٚسَ بوشؤست و بوگفته: «من اَ مردأکٚ خونٚ جَا، می دٚسَ بوشؤستم؛ دِه خودتأن دأنیدی!»

مَرقُس 7:8

چونکی شومأن خودا موهیمٚ فرمأنأنَ کنأر بنأیید و او رسم کی شیمی ورجأ دأب بویَ اونی جأ سٚر بینیشأنِئید.

یوحنا 2:6

اویَه شیش‌تأ پیله سنگی خوم نٚهأ بو کی فقد مذهبی مرأسیمٚ دورون اوشأنی جَا ایستفأده بوستی و هر تأ حدودٚ صد لیتر جأ دأشتی.

یوحنا 3:25

ایتأ روج، ایتأ جٚه یوهودیأنٚ میأن و یوحنا شأگردأن تطهیرٚ رأ روشٚ سٚر گب گب بوبوسته.

عبرأنیأن 9:10

چونکی اَ شریعت فقد ظأهیری مرأسیمأنٚ اَمرأ سٚر و کأر دأره و خوردن و وأخوردن و غوسل و بوشؤر وأشور و اَجور چیزأنٚ رِه موشغوله. اَ مرأسیمأن فقد او بِیتره رأ روشٚ، فأرٚسِئنٚ وخت رِه قأبیل انجأم دٚئن بو.

یعقوب 4:8

خودایَ نیزدیکٚ بید تأ اونم شٚمٚره نیزدیکٚ بٚه. شیمی گونأکأرٚ دٚسأنٚ بوشؤرید، اَی گونأکأرأن، و شیمی دیلَ پأکٚ کونید، اَی دو دیلأن، و فقد خودایٚ وفأ بوکونید.

اوّل یوحنا 1:7

امّا اگه اَمأنٚم مسیح مأنستَن خودا حوضورٚ نورٚ دورون زٚندیگی کونیم بأزون ایتأ نیزدیکٚ رأبطه کس‌کسٚ اَمرأ دأریم و خودا پٚسر ینی عیسا خون اَمٚرَه جٚه هر گونأیی پأکَ کونِه.