مَرقُس 7:23 - Gilaki New Testament

²³ تومأمٚ اَ جور خجألت اَوٚره چیزأن اینسأنٚ دیل و جأنٚ جَا بیرون اَیِه و اینسأنَ نٚجٚستَ کونه و اونَ خودا جَا سیوأ کونه.»

کیتاب مقدّس به گیلکی (رشتی)

²³ تومامٚ اَ بدی‌یأن، اینسأنٚ دورونٚ جأ بیرونَ اَیه و اونَ نجستَ کونه.»

کتاب مقدس به زبان گیلکی - گویش شرقی

²³ همته ای بد چیزون ایسه که آدمی وجود جی بیرون هنه و اون نجیسَ ‌کوئنه.»

کتاب مقدس به زبان گیلکی - گویش رشت و غرب گیلان

²³ تمان اَ بَدِ چیانِ کی آدمی وجود جا بیرون اَیه و اونَ نجستَ کونه.»

مَرقُس 7:23 Iomraidhean Croise

مَرقُس 7:15

اوچی کی اینسأنَ نٚجٚستَ کونه، چیزأنی نییٚه کی اونی بدنٚ میأن شِه. بلکی اونچی کی جٚه اونی دیل بیرون اَیِه هونی ایسه کی اونَ نٚجٚستَ کونه.

مَرقُس 7:18

عیسا اوشأنَ بٚفرمأسته: «آیا شومأنم نٚفأمیدی؟ مگه نأنیدی کی اوچی کی خوریدی، شیمی روحَ صدمه نٚزنه و اونَ نٚجٚستَ نوکونه؟

مَرقُس 7:20

هطویم بوگفته: «اونچی کی اینسأن دورونٚ جَا بیرون اَیِه، اونی ایسه کی اونَ نٚجٚستَ کونه.

مَرقُس 7:22

حرص، بدخأیی، مکر و ریأ، هرزگی، حسودی، پوشتٚ سرگب زِئن، خودخأیی و هر جور دِه نأدأنی

مَرقُس 7:24

بأزون عیسا جلیل اوستأنَ بٚنأ، بوشؤ صورٚ شرأنٚ جأ. اون بوشؤ ایتأ خأنه دورون و نخأستی کی هیکس اونی اَمؤنٚ جَا وأخٚوٚرَ به، ولی نوبوسته، چونکی همیشٚکٚ مأنستَن اونی اَمؤنٚ خٚوٚر دفأتن همه جیگأ بیپیچسته.

اوّل قرنتیان 3:17

اگه اینفر معبدَ نجست و خرأبَ کونه، خودا اونَ جٚه بین بٚره. چونکی معبد، موقدس و پأک ایسه، و او معبد شومأن ایسید.

تیتوس 1:15

اونی کی اونٚ دیل پأک بٚبه، همه چی اونی رِه پأکَ؛ ولی اونی کی سیأ دیل دأره و ایمأن نأرِه، هیچی اونی رِه پأک نییٚه چون هم اونی فیکر فأسید و کثیفٚ و هم اونی ویجدأن.

یهودا 1:8

همه‌یٚ اَشأنی اَمرأ اَ اَویرَ بوسته معلمأن کی خوشأنٚ خأبأنٚ جَا ایلهأم گیرده، خوشأنٚ فأسید و اَلواتگیری زٚندیگی‌یَ ایدأمه دٚهٚده و خوشأنی جأنَ آلودَه کونٚده؛ هطویم هیتأ قودرتٚ منبع جأیٚم فرمأن نٚبرده و تومأمٚ آسمأنٚ موجودأنَ رخشنَ گیرده.