مَرقُس 5:43 - Gilaki New Testament

⁴³ عیسا خٚیلی تأکید اَمرأ اوشأنَ بٚفرمأسته کی اَ مأجیرأیَ هیکسٚ رِه نٚگد و بوگفت کی دوخترئکَ خوردنی فأدٚد.

کیتاب مقدّس به گیلکی (رشتی)

⁴³ عیسی اوشأنَ دستور بدَه و تأکید بوکوده کی ونألید هیکس اَ ایتفاقٚ جأ وأخبرَ به، و بفرمأسته اَ زأکَ ایچی فأدید بوخوره.

کتاب مقدس به زبان گیلکی - گویش شرقی

⁴³ عیسی اوشونِ سخت قدغن بوده که نوگذارَن هیشکس ایی اتفاقَ جی واخُوبَ بی، و بفرماسّه یه چی او لاکؤکه هدان تا بُخوری.

کتاب مقدس به زبان گیلکی - گویش رشت و غرب گیلان

⁴³ عیسی اوشانَ قدغَن بُکود و دستور بدَه کی وائانلانید هیکّس اَ جریان جا واخُب ببه، و بگفت ایچی اُ کُرِ فَدید تا بُخوره.

مَرقُس 5:43 Iomraidhean Croise

متّی 17:9

وختی کی کوه جَا بیجیر اَمؤندوبود، عیسا اَشأنَ بٚفرمأسته: «اونچی کی بیدِییدی هیکسٚ رِه هیچی نیگید تأ او زمأت کی اینسأنٚ پٚسرَ، مٚردنٚ پٚسی زٚنده به.»

متّی 8:4

بأزین عیسا اونَ بٚفرمأسته: «تی حواس بمأنه هیکسٚ اَمرأ اَ ایتفأق گبَ نٚوأزئن؛ بلکی کأهینٚ ورجأ بوشؤ کی تٚرَه موعاینه بوکونه، و او پیشکشی‌یَ کی موسا شفأ بیأفته جوذأمیأنٚ رِه تعیین بوکوده، تی اَمرأ ببر کی همه کسٚ رِه ثأبیت بٚبه کی شفأ بیأفتی.»

متّی 9:30

ایوأرکی اوشأنی چومأن وأزَ بوسته و بتأنستد بیدینٚد! عیسا تأکیدٚ اَمرأ اَشأنَ بٚفرمأسته: «اَ موضو‌یَ هیکسٚ رِه وأگویا نوکونٚد.»

مَرقُس 1:43

وختی کی عیسا اونَ اوسه کودأندوبو خٚیلی تأکیدٚ اَمرأ اونٚ بٚفرمأسته:

مَرقُس 3:12

ولی عیسا خٚیلی تأکید اَمرأ اوشأنَ فرمأستی کی مردومٚ ورجأ نٚگد اون کیسه.

مَرقُس 5:42

او دوختر کی دوأزده سأل ویشتر نأشتی، دفأتن ویریشته و رأ بوشؤ. اونی پئر و مأر اَ موجیزه دئنٚ وأسی قأقَ بوستٚد.

مَرقُس 7:36

عیسا مردومَ بٚفرمأسته کی هیکسٚ رِه هیچی نٚگد، ولی هر چی ویشتر اوشأنَ تأکید کودی، ویشتر خٚوٚرَ پخشٚ کودید.

مَرقُس 9:9

وختی کوه جَا اَمؤندوبود بیجیر، عیسا اوشأنَ فرمأن بٚدأ دروأره‌یٚ اونچی کی بیدِده هیکسَ هیچی نٚگد تأ او زمأت کی اینسأنٚ پٚسر مرگٚ جَا زٚنده به.

لوقا 24:30

وختی سٚفره سٚر بینیشتٚد، عیسا نأنَ اوسأد و شوکر بوکود هر کودأمَ ایتأ تیکه فأدأ.

لوقا 5:14

عیسا اونٚ بٚفرمأسته: «اَ مأجیرأیَ هیکسٚ اَمرأ وأگویا نوأکودٚن، بلکی بوشو کأهینٚ ورجأ کی تٚرَه موعأینه بوکونه. هو قوربأنی کی موسا جوذأمیأنٚ رِه کی خُبٚ بٚدأ موشخص بوکوده، خودتٚ اَمرأ ببر کی ثأبیت بٚبه شفأ بیأفتی.»

لوقا 8:56

اونی پئر و مأر قأقٚ بوستٚد، امّا عیسا اوشأنَ قٚدٚغٚن بوکود کی کسی‌یَ نٚگد چی ایتفأق دکفته.

یوحنا 5:41

شیمی قوبیل کودن و فیکر مِرِه هیچ نی‌اَرزِه.

اعمالٚ رسولأن 10:41

ولی نه همٚتأنٚ رِه، بلکی فقد او شأهیدأنَ رِه کی جٚه پیشتر اینتخأب بوکوده بو، ینی اَمأن کی اونی زٚنده بوستنٚ پٚسی، اونی اَمرأ بوخوردیم و وأخوردیم.