مَرقُس 16:9 - Gilaki New Testament

⁹ صُبٚ دٚم یکشنبه روج عیسا، بٚمٚرده‌یأنٚ جَا ویریشته. اونی کی اوّل اونَ بیدِه، مریمٚ مجدلیه بو، کی هفتأ پٚلیدٚ روحَ عیسا اونی جَا بیرونٚ کوده بو.

کیتاب مقدّس به گیلکی (رشتی)

⁹ وختی عیسی اوّلی روزٚ هفته صُبٚ دم مورده‌یأنٚ دونیا جأ ویریشته، اوّل مریمٚ مجْدلیّه‌یَ ظاهیرَ بوسته کی هفت‌تأ دیو اونٚ جأ بیرونَ کوده‌بو.

کتاب مقدس به زبان گیلکی - گویش شرقی

⁹ وختی عیسی اولی روز هفته میئن صوبه دَم زنده بوبو اول، مریم مجدَلیَه به که اونای هفت ته دیو بیرونَ گوده بو، ظاهیرَ بوُ.

کتاب مقدس به زبان گیلکی - گویش رشت و غرب گیلان

⁹ وقتی عیسی هفته اوّلتا روج صوب دَم زنده بُبوست اول، مریم مجدَلیه ره کی اونِ جا هفت تا دیو بیرونَ کوده بو، ظاهیرَ بوست.

مَرقُس 16:9 Iomraidhean Croise

متّی 27:56

اوشأنٚ میأن مریم مجدلیه، مریم یعقوب و یوسف مأر، هطویم زبدی پٚسرأن ینی یعقوب و یوحنا، مأر بیدِه بوستید.

مَرقُس 15:40

چنتأ زنأکٚم اویَه ایسأ بود کی جٚه دؤر اَ جریأنَ فأندرستیدی. اوشأنی میأن مریمٚ مجدلیه، مریم (کوجه یعقوب و یوشا مأر) و سالومه ایسأبود.

مَرقُس 15:47

مریمٚ مجدلیه و مریم یوشا مأرٚم اویَه ایسأ بود و فأندرستده کی عیسا جسدَ کویه بٚنأده.

مَرقُس 16:8

زنأکأن ترسأن و مأتٚ بوسته، مقبٚره جَا بوشؤده بیرون و بوگروختٚده. اوشأن جوری زهله بوکوده بود کی نتأنستٚد هیکسَ ایچی بٚگد.

لوقا 24:10

زنأکأنی کی قبرٚ سٚر بوشؤبود اَشأن بود، مریمٚ مجدلیه، یونا، یعقوبٚ مأر مریم و چنتأ دِه زنأکأن.

لوقا 8:2

و چنتأ زنأی کی جٚه پٚلیدٚ روحأن و یا نأخوشیأنٚ جَا خُب بوبوسته بود، اونی اَمرأ بود. مریمٚ مجدلیه، کی عیسا، هفتأ پٚلیدٚ روحَ اونی جَا بیرونٚ کوده بو،

یوحنا 20:12

هو وخت، دوتأ فٚرٚشته‌یَ بیدِه کی سیفیدٚ رخت دوکوده بود، اویَه کی عیسا جسدَ بٚنأ بود نیشته بود، ایتأ اونی سٚرٚ نیزدیکی و اویتأیٚم اون پأ نیزدیکی.

اعمالٚ رسولأن 20:7

اوّل روج هفته، نأنٚ پأرَه کودنٚ رِه جمَ بوستیم و پولس مردومٚ رِه گب زِئی؛ و چونکی فردأ خأستی او شهرٚ جَا بشه، تأ نیصفٚ شبٚ رِه گب زِئنٚ دٚرأزه بٚدأ.

اوّل قرنتیان 16:2

هر هفته اوّلی روجٚ میأن ینی یکشنبه، هرتأن جٚه شومأن هرچی دخل بدأشتید، ایپچه پول اَ کأرٚ رِه کنأر بنید. اَ پولأنٚ جمَ کودنٚ وأسی می اَمؤنٚ رأفأ نئیسید.

موکأشفه 1:10

خوداوندٚ روجٚ میأن، خودا روح مٚرَه پورَ کوده. نأخٚوٚرکی جٚه می پوشتٚ ور، ایتأ بولندٚ صدا شیپورٚ صدا مأنستَن بشتأوستم،