مَرقُس 11:23 - Gilaki New Testament

²³ رأس‌رأسِی شٚمٚره گم اگه اینفر اَ کوهَ بٚگه: "تی جأ سٚر بٚکنده بوبو و دریأ دورون دکٚف" و خو دیل دورونی شک نوکونه بلکی ایمأن بٚدأره کی اونچی کی گه ایتفأق دکفه، اونی رِه انجأم به.

کیتاب مقدّس به گیلکی (رشتی)

²³ آمین شمرَ گم، اگه کسی اَ کویَ بگه، ‹جٚه تی جا بکنده بوبو، دکف دریا دورون› و خو دیلٚ دورون شک نوکونه بلکی ایمأن بدأره کی اونچی کی گفتَن‌دره ایتفاق دکفه، اونٚ رِه انجام به.

کتاب مقدس به زبان گیلکی - گویش شرقی

²³ راست راستِ، شمره گونَم، اگه یه نفر ایی کوه بوگوی بَکنَده ببو و دریا میئن باگده بَبو،“ و خوشِ دیل میئن شک نکونی بَلکه ایمؤن بَداری اوچی که گونه هوطو بنه، اونه به انجوم بنه.

کتاب مقدس به زبان گیلکی - گویش رشت و غرب گیلان

²³ حئیقتن، شمرأ گَم، اَگه ایکَس اَ کوهَ بگِه بَکنَده بُبو و دریا درون دَکَف،“ و خو دیل درون شک نُکونه بَلکی ایمان بدَره کی اونچی کی گه، بهِ، اون ره انجام بِه.

مَرقُس 11:23 Iomraidhean Croise

متّی 14:13

وختی عیسا اَ موضو‌یَ بٚفأمٚست، ایتأ لوتکأ بینیشت و بوشؤ دورٚ جیگأ کی تنأ بٚبه. ولی مردوم کی بٚفأمٚستد عیسا کورَ شؤئؤندره، خٚیلی شهرأنٚ جَا خألی پأ اَمرأ بوشؤدٚد او طرف.

متّی 17:20

عیسا بوگفته: «جٚه اَ خأطر کی شیمی ایمأن کمه. رأس‌رأسِی شٚمٚره گم اگه ایتأ کوجه خردٚلٚ دأنه اَندرم ایمأن بٚدأرید، تأنیدی اَ کوهَ بیگید "جٚه اَیِه بوشؤ اویَه!" و اونم شِه. اونی رِه کی ایمأن بٚدأره، هی کأری نوبوستٚنی نییٚه.

متّی 21:21

عیسا اوشأنَ بوگفته: «رأس‌رأسِی شٚمٚره گم اگه ایمأن بٚدأرید و شک نوکونید، نه فقد اَ کأر، بلکی جٚه اَن پیله‌ترم انجأم دیهیدی. حتّا تأنید اَ کوهَ بیگید، "جٚه اَیَه بٚکنده بوبو و دریأ دورون تأوٚدأ بوبو"، و هطویی به.

لوقا 17:6

عیسا بٚفرمأسته: «اگه ایتأ کوجه‌دأنه ایمأن، خردٚلٚ دأنه اَندر بٚدأرید، تأنید اَ توت دأرَ فرمأن بدید کی خو جأ سٚر بٚکنده بٚبه، دریأ میأن بکأشته بٚبه و اَ دأر شیمی فرمأنٚ جَا ایطأعت کونه.

یوحنا 14:13

شومأن تأنیدی هرچی‌یَ می نأم اَمرأ بٚخأیید و من اونَ شٚمٚره انجأم دٚهٚم. چونکی من کی خودا پٚسر ایسٚم، هر چی شِمِره بوکونم، بأعیث به پئر جلال بیأفه.

یوحنا 15:7

ولی اگه در من بئیسید و می کلامٚ جَا ایطأعت بوکونید، هرچی بٚخأیید شٚمٚره فأدأ به.

اوّل قرنتیان 13:2

اگه نوبوّتٚ عطأیَ بٚدأرم و بٚتأنم تومأمٚ رأزأن و دأنشأنَ بفأمم، یا اگه اَجور ایمأن بٚدأرم کی می فرمأنٚ اَمرأ کوهأن اَشتر اوشتٚر بٚشٚد، ولی آدمأنَ دوس ندأرٚم، هیچ ایسٚم.