مَرقُس 10:24 - Gilaki New Testament

²⁴ شأگردأن، عیسا اَ گبٚ جَا مأتَ بوستٚد. پس عیسا ایوأردِه بوگفته: «اَی زأکأن، خودا ملکوتٚ دورون شؤئؤن خٚیلی دوشوأره.

کیتاب مقدّس به گیلکی (رشتی)

²⁴ شاگردأن اونٚ گبأنٚ جأ خیلی تعجب بوکودیدی. ولی عیسی ایوار دِه اوشأنَ بوگفته: «اَی زأکأن، خودا پادشایی دورون شوئون چی سخته!

کتاب مقدس به زبان گیلکی - گویش شرقی

²⁴ شاگردؤن اونه گبؤنَ جی ماتَ بوئن. اَما عیسی یه بار ده اوشونه بوته: «زاکون، خدا پادشاهیِ دیرون شوئن چنی چی سخته!

کتاب مقدس به زبان گیلکی - گویش رشت و غرب گیلان

²⁴ شاگردان جه اون گبان ماتا بوستید. ولی عیسی ایوار دِه اوشانَ بگفت: «اَی زاکان، خُدا پادشائی بدُرون شئون چنقدِ سخته!

مَرقُس 10:24 Iomraidhean Croise

موکأشفه 3:17

تو گومأن کونی کی مأل و مینألدأرٚ آدم ایسی و هرچی بٚخأیی، بودونٚ اَنکی کم و کسر بٚبه تی دٚسٚ میأن نٚهأ. ولی غأفیل جٚه اَنکی بدبخت، بیچأره، بی‌چیز، کور و برأنده ایسی.

اوّل تیموتائوس 6:17

اوشأنی کی اَ دونیأ دورون مأل و مینأل دأرٚده بوگو کی گولأز نوکونٚد و اونَ اومید دٚنٚودد چون دِئر یا زود جٚه بین شِه، بلکی اوشأنٚ اومید خودایَ بٚبه کی هرچی خأییم خو سخأوتٚ اَمرأ، اَمٚرَه فرأهم کونِه تأ اوشأنٚ جَا لیذّت ببریم.

لوقا 16:14

فريسيأن وختی اَ گبأنَ بشتأوستٚده اونَ رخشنَ گیفتٚد، چونکی پولدوس بود.

اوّل یوحنا 2:1

می جأنٚ دیلٚ زأکأن، اَنَ شٚمٚره نیویسٚم کی گونأ نوکونید. امّا اگه گونأیی بوکودید، کسی ایسأ کی خودایٚ پئرٚ ورجأ اَمِرِه وأسطه بٚبه و اَمی بخششَ اونی جَا بٚخأیٚه. او آدم عیسایٚ مسیح ایسه کی پور جٚه عیدألت و رأستی ایسه.

یوحنا 13:33

اَی می جأنٚ دیلٚ زأکأن، اَ لحظه‌یأن چندر کوتأیٚده. اَسه ده وأستی شٚمٚره هَیه بنم و بشم. او وخت هوطویی کی یوهودٚ قومٚ پیله کسأنٚ رِه بوگفتم، همه جیگأ می دونبأل وأموجیدی ولی مٚرَه نیأفیدی و نتأنیدی او جیگأیی کی من شٚم، بأیید.»

اوّل یوحنا 5:21

می زأکأن، جٚه هر چی کی خودا جأیَ شیمی دیلٚ دورون گیره سیوأ بیبید.

اوّل یوحنا 4:4

اَی می جأنٚ دیلٚ زأکأن، شومأن خودا شینیدی و او آدمأنٚ جَا پیروزَ بوستید چونکی او روح کی شیمی دورون نٚهأ پیله‌تر جٚه او روح ایسه کی دونیأ دورون نٚهأ.

غلاطیأن 4:19

اَی می جأنٚ دیلٚ زأکأن، ایوأردِه شٚمٚره می جأن میأن ایتأ مأرٚ مأنستَن کی فأرقَ بوستن وأسی، ایحسأسٚ درد کونم، تأ مسیحٚ شیکل شمأیل بیبید!

یوحنا 21:5

اون دؤخأده: «جأغألأن، مائی بیگیفتیدی؟» جوأب بٚدأده: «نه.»

یوحنا 6:60

اَ گبأنٚ فأمٚستٚن اَندر سخت بو کی عیسا شأگردأنٚم کس‌کسٚ بوگفتٚده: «خٚیلی سخته کی بفأمیم چی خأیه بٚگه کی تأنه اونَ قوبیل بوکونه؟»

متّی 19:25

شأگردأن اَ گبٚ جَا دأل بأوٚردٚد، وأورسئده: «پس کی تأنه اَ دونیأ دورون نیجأت بیأفه؟»

مَرقُس 1:27

همه‌یٚ اوشأنی کی اویَه ایسأبود قأقَ بوستٚد، هیجأنٚ اَمرأ کس‌کسَ بوگفتد: «اَن دِه چوجور تأزه آموجه‌یی ایسه؟ اونی کلام اَنقذر قودرت دأره کی حتّا پٚلیدٚ روحأنٚم اونی جَا حیسأب بٚرٚده!»

مَرقُس 10:23

عیسا ایپچه خو دؤرٚورَ فأندرسته و بأزین خو شأگردأنَ بٚفرمأسته: «چندر دوشوأره اینفر کی خٚیلی مأل و مینأل دأره بشه خودا ملکوت میأن.»