مَرقُس 1:4 - Gilaki New Testament

⁴ اَن هو یوحنایه کی تعمید دٚئی کی صأرأ دورون ظأهیرَ بوسته، مردومٚ رِه موعیظه کودی کی تعمید بیگیرٚد کی نیشأن بٚدٚد خوشأنی گونأیأنٚ جَا دٚس فأکٚشِده و خودا ور وأگردٚستٚد کی اَشأنی گونأیأن بٚبخشه بٚبه.

کیتاب مقدّس به گیلکی (رشتی)

⁴ پس یحیی کی تعمید دَیی، بیابانٚ میأن ظوهور بوکوده و مردومٚ رِه موعظه کودی کی وأستی توبه بوکونید و تعمید بیگیرید کی اوشأنٚ گونایأن ببخشه ببه.

کتاب مقدس به زبان گیلکی - گویش شرقی

⁴ تعمید دهنده یحیی بیابؤنِ میئن ظهور بوده، و مردومِ به موعظه گود، شیمه گناأنِ آمرزشِ به توبه بکونید و غسل تعمید هگیرید.

کتاب مقدس به زبان گیلکی - گویش رشت و غرب گیلان

⁴ تعمید دئنده یحیی ویاوان درون ظهور بُکود، و مردوم ره موعظه کودی، شیمی گُنائان آمرزش ره توبه بُکونید و غُسل تعمید بیگیرید.

مَرقُس 1:4 Iomraidhean Croise

متّی 3:11

من اوشأنی کی خوشأنی گونأیأنٚ جَا توبه کونٚده، آبٚ اَمرأ تعمید دٚهٚم، ولی اینفر ده اَیِه کی خٚیلی اونی موقأم مرتبه می جَا بوجؤرتره، اَنقذر کی من لیأقت نأرٚم اونی پأاَفزأرَ اونی پأ ور بنم. اون شٚمٚره روح‌القدس و آتشٚ اَمرأ تعمید دِهه.

متّی 3:6

اوشأن خوشأنی گونأیأن ایعترأف کودید، اُردنٚ روخأنٚ دورون اونی جَا تعمید گیفتید.

مَرقُس 1:5

مردوم جٚه اورشلیم و تومأمٚ یوهودیه سرزیمینٚ جَا اَمؤییدی هو صأرأ کی اونی گبأنَ بشتأوٚد و خوشأنٚ نأجورٚ کردکأرأنٚ جَا ایعترأف کودید و اُردنٚ روخأنٚ میأن یوحنا جَا تعمید گیفتیدی.

لوقا 1:77

و اونی قومٚ وأخبدأرٚ کونی کی اوشأن، گونأیأنٚ بخشش اَمرأ نیجأت یأفده.

یوحنا 3:23

هه وخت یوحنا، سألیمٚ نیزدیکی ایتأ محلّه میأن کی عینون نأم دأشتی مردومَ تعمید دٚئی، چونکی اویَه آب زیأد بو و مردوم تعمیدٚ وأسی اونی ورجأ اَمؤییدی.

اعمالٚ رسولأن 10:37

شومأن دأنیدی کی اَ کأر چوطو او تعمیدٚ پٚسی کی یوحنا جٚه اون موعیظه کودی، جلیلٚ میأن سٚر بیگیفته بوبو و تومأمٚ یوهودیه شرأ فأرٚسِه.

اعمالٚ رسولأن 22:16

هسأ چٚره بیکأر ایسأیی؟ ویریز و تعمید بیگیر، و اونٚ نأمَ دؤخأن کی تی گونأیأنٚ جَا پأکَ‌ بی."