متّی 2:16 - Gilaki New Testament

¹⁶ هطو کی هیرودیس بٚفأمٚسته مُغان اونَ گول بٚزِئید، اونَ غیظَ گیفته، خو سروأزأنَ اوسه کوده کی بیت لحم میأن و او دؤر و حوالی، تومأمٚ دوسأله پٚسر زأکأن و کوجه‌ترأنم، موطأبٚقٚ هو زمأت کی مُغانٚ جَا وأوٚرسِه بو، بوکوشٚد.

کیتاب مقدّس به گیلکی (رشتی)

¹⁶ وختی هیرودیس بفهمسته کی ستاره‌شنأسأن اونَ گول بزه‌ییدی، اونَ خیلی غیظَ گیفته و دستور بدَه کی بیشید بیت‌لحمٚ میأن و اونٚ دور و اطراف، تومامٚ دو ساله پسر زأکأنَ و کوجه‌دأنه‌ترم بوکوشید، جٚه اَ خأطر کی ستاره‌شنأسأنٚ جأ بیشنأوسته‌بو کی ستاره دو سال پیش ظاهیرَ بوسته‌بو.

کتاب مقدس به زبان گیلکی - گویش شرقی

¹⁶ وختی هیرودیس بده که، ستاره​شنأسؤن اونه گول بزِئن، خیلی اینه غَیضَته و سرا دَه، عین او زمؤنی که ستاره​شنأسؤنای بپورس دپورس بوده بو، بیت​لحم میئن و اونه دوروبَر همته ریکاکونی که، دوسال و کمتر داشتن، بکوشته.

کتاب مقدس به زبان گیلکی - گویش رشت و غرب گیلان

¹⁶ وقتی هیرودیس بیدِه کی ستاره شناسان اونَ گول بزه ئید خَیلی بَرزَخا بوست، و اوسِه کود، تمانِ پسر زاکانی کی دوسال یا کمتر دَشتید و بِیت‌لِحِم و اونِ دوروَر ایسابید بُکوشته، عینِ اُ زمات کی ستاره شناسانِ جا واورس وُورس بُکوده بو.

متّی 2:16 Iomraidhean Croise

متّی 2:1

هیرودیسٚ پأدیشأیی زمأتأن بو، کی بیت لحمٚ میأن، یوهودیه دورون، بودونیأ بأمؤ. هو زمأتٚ میأن، چنتأ مُغ شرقٚ جَا بأمؤده اورشلیم و وأورسئده:

متّی 2:17

اَطویی، اونچی کی ارمیای نبی زٚوأنٚ جَا بوگفته بوبوسته بو، ایتفأق دکفته:

متّی 2:7

بأزون هیرودیس خلوتی، مُغانَ، خو ورجأ دؤخأده و ستأره ظوهور کودنٚ دقیقٚ وختَ اوشأنی جَا وأوٚرسِه.

موکأشفه 12:4

اون خو دومٚ اَمرأ ایتأ قیسمت جٚه سه‌تأ قیسمتٚ ستأره‌یأنَ خو دونبألسر فأکشه و زیمینٚ رو فوکوده. اژدها او زنأکٚ جولو کی زأستأندوبو بٚپأ بئیسأ کی اونی زأکَ فٚوٚره.

موکأشفه 17:6

و بفأمٚستٚم کی او زنأی مست ایسه؛ اون خودا آدمأن و عیسا شهیدأنٚ خونٚ اَمرأ مست بو. من ترس و وأشٚتٚ اَمرأ اونَ فأندرستٚم.