متّی 11:2 - Gilaki New Testament

² وختی یوحنا کی زندأنٚ دورون ایسأبو، مسیحٚ کأرأنٚ خٚوٚرٚ بشتأوست، خو شأگردأنَ، اونی ورجأ اوسه کوده کی اونی جَا وأوٚرسٚد:

کیتاب مقدّس به گیلکی (رشتی)

² وختی یحیی زندانٚ میأنی مسیحٚ کارأنٚ تعریفَ بیشنأوسته، خو شاگردأنَ اونٚ ورجأ اوسه کوده

کتاب مقدس به زبان گیلکی - گویش شرقی

² وختی یحیی زندون میئن، مسیح کارؤنِ باره بشتؤسه، خوشِ شاگردؤنِ اونه ورجه سرا دا.

کتاب مقدس به زبان گیلکی - گویش رشت و غرب گیلان

² وقتی یحیی خولتانک درون، مسیح کارانِ باره بیشتاوست، خوشاگردانَ اونِ ورجه روانه کود

متّی 11:2 Iomraidhean Croise

متّی 1:17

اَطویی، همٚتأنی کی اوشأنٚ نأم اَ جؤر ببرده بوبوسته، جٚه ایبرأهیم تأ داوود، چأرده نسل، و جٚه داوود تأ یوهودیأنٚ تبعیدٚ زمأت، بابِلٚ میأن، چأرده نسل، و تبعیدٚ زمأتٚ جَا تأ مسیحٚ زمأت چأرده نسل بود.

متّی 14:3

چون هیرودیس، هیرودیا وأسی، کی اونی برأر فیلیپٚ زن بو، یوحنایَ بیگیفته و زندأنٚ دورون زینجیلٚ اَمرأ دٚوٚستٚه بو،

متّی 4:12

وختی عیسا، یوحنا دسگیرَ بوستنٚ جَا وأخٚوٚرَ بوست، یوهودیه‌یَ ترکَ کود و وأگردسته جلیل.

متّی 9:14

ایروج یوحنا شأگردأن بأمؤده عیسا ورجأ، اونی جَا وأورسئده: «چٚره اَمأن و فریسیأنٚ روزه دأریم، ولی تی شأگردأن روزه نأرٚده؟»

مَرقُس 6:17

جریأن اَطو بو کی هیرودیس چنتأ سروأز اوسه کوده، یوحنایَ بیگیفتٚده و تأودأ بو زندأنٚ میأن، هیرودیا وأسی، کی هیرودیسٚ برأر، فیلیپٚ زن بو و هسأ هیرودیس اونی اَمرأ عروسی بوکوده بو.

لوقا 3:19

امّا اَنٚ پٚسی کی یوحنا همه کسٚ ورجأ، هیرودیس آنتیپاسَ، ایتأ عألمه خطأیأنٚ و خو برأر زن، هیرودیا اَمرأ ایزدوأج کودنٚ وأسی شمأتٚت بوکوده،

لوقا 9:7

وختی کی هیرودیس، جلیلٚ فرمأندأر، عیسا موجیزه‌یأنٚ خٚوٚرَ بشتأوسته، بٚتٚرسه و قأقٚ بوسته چونکی بعضیأن عیسا جَا گفتأندوبود کی اون هو یوحنایه کی تعمید دٚئی کی زٚنده بوسته.

یوحنا 4:1

وختی عیسا بٚفأمٚسته کی فریسیأن بشتأوستٚده کی اون ویشتر جٚه یوحنا کی تعمید دِهه مردومَ تعمید دئندره و ویشتر شأگرد دأره.