لوقا 9:19 - Gilaki New Testament

¹⁹ جوأب بٚدأده: «بعضیأن گده کی یوحنا ایسی کی تعمید دٚئی؛ ای عیده گده ایلیا و یا ایتأ جٚه قدیمی پِیغمبرأن ایسی کی زٚنده بوسته!»

کیتاب مقدّس به گیلکی (رشتی)

¹⁹ اوشأن جواب بدَه‌یید: «بعضیأن گیدی یحیی کی تعمید دَیی. بعضیأنم گیدی الیاسٚ نبی و بعضیأنم گیدی تو ایتأ جٚه قدیمٚ پیغمبرأن ایسی کی زندَه بوستی.»

کتاب مقدس به زبان گیلکی - گویش شرقی

¹⁹ جواب بدائن: «بعضی گونن تعمید دهنده یحیی ایسّی، بعضی أنم گونن ایلیای پیغمبری، و بعضی هم تَه یکته از قدیمی پیغمبرون دوئنَن که زنده بوبوُ.»

کتاب مقدس به زبان گیلکی - گویش رشت و غرب گیلان

¹⁹ جواب بدَه ئید: «بعضیان گیدی تعمید دئنده یحیائی، بعضیانِ دیگه گیدی ایلیای پیغمبری، و بعضیانم تره ایتا جه قدیمی پیغمبران دانیدی کی زنده بُبوسته.»

لوقا 9:19 Iomraidhean Croise

متّی 14:2

خو موشأویرأنَ بوگفته: «شک نأرٚم، اَن هو یوحنا ایسه کی تعمید دٚئی کی زٚنده بوسته، و هنٚ وأسی ایسه کی تأنه اَجور موجیزه‌یأن انجأم بٚده.»

متّی 3:1

هو روجأنٚ دورون، یوحنا کی تعمید دٚئی ظوهور بوکوده. اون یوهودیه بیأبأنٚ میأن مردومٚ رِه موعیظه کودی و گفتی:

مَرقُس 6:14

پور زمأت دئنکشه کی عیسا کأرأنٚ خٚوٚر هیرودیس پأدیشأ گوش فأرٚسِه چونکی دروأره‌یٚ اونی موجیزه‌یأن همه جأ گب زئیدی. بعضیتأنٚم گفتیدی: «حتم، اَن هو یوحنا ایسه کی تعمید دٚئی کی زٚنده بوسته و جٚه اَنٚ وأسی ایسه کی تأنه اَجور موجیزه‌یأن بوکونه.»

مَرقُس 6:15

ایتأ عیده‌یٚم اَ فیکر و خیأل میأن دوبود کی اون هو ایلیایٚ پیغمبر ایسه کی دووأره وأگردسته البأقیأنم گفتید کی اون ایتأ پیغمبر، قدیمی پیله پیغمبرأن مأنستَن ایسه.

لوقا 9:18

ایتأ روج، عیسا تنأیی دوعأ کودأندوبو، اونی شأگردأن اونی ورجأ بأمؤدٚد و اون، اوشأنی جَا وأوٚرسِه: «مردوم فیکر کونٚد کی من کیسٚم؟»

لوقا 9:20

بأزون اوشأنی جَا وأوٚرسِه: «شومأن چی؟ شومأن مٚرَه کی دأنید؟» پطرس جوأب بٚدأ: «تو خودا مسیح ایسی!»

یوحنا 1:21

وأورسئده: «خُب، پس تو کیسی؟ آیا ایلیایٚ پیغمبری؟» جوأب بٚدأ: «نه!» وأورسئده: «آیا او پیغمبر نیئی کی اَمأن اونٚ رأفأ ایسأییم؟ ایوأردِه جوأب بٚدأ: «نه.»

یوحنا 1:25

اونی جَا وأورسئده: «خُب، اگه نه مسیح ایسی، نه ایلیا و نه او پیغمبر، پس کی ایجأزه و ایختیأرٚ اَمرأ مردومَ تعمید دیهی؟»

یوحنا 7:40

وختی مردوم اَ گبأنَ عیسا جَا بشتأوستٚد، بوگفتٚده: «اَن وأستی هو پیغمبری بٚبه کی اونی رأفأ ایسأبیم.»

یوحنا 9:17

او وخت فریسیأن وأگردٚستٚده او مردأکَ کی پیشتر کور بو، بوگفتٚده: «تو خودت چی گی؟ اونی کی تی چومأنَ وأزَ کوده، کیسه؟» جوأب بٚدأ: «می نظر اَنه کی اون وأستی ایتأ پیغمبر جٚه خودا ور بٚبه.»