لوقا 8:37 - Gilaki New Testament

³⁷ مردوم کی اَ مأجیرأ جَا زهله بوکودٚد، عیسا جَا ایلتیمأس بوکودٚد کی جٚه اویَه بشه و اوشأنَ دِه کأری ندأشتی بی. پس اونم لوتکأیَ سوأرٚ بوسته و وأگردسته دریأچه او طرف.

کیتاب مقدّس به گیلکی (رشتی)

³⁷ بأزین تومامٚ او جِراسیأنٚ مردومأن، چونکی خیلی بترسه‌بید، عیسی جأ بخوأستید کی او منطقه جأ بشه. عیسی‌یم کرجی‌یَ سوارَ بوسته کی وأگرده بشه دریاچه او طرف.

کتاب مقدس به زبان گیلکی - گویش شرقی

³⁷ پَس همۀ جَراسیان دوروبر مَردم عیسای بخواسّن ایشونه ورجای بشی، چونکه وحشتناک ترسی اوشؤنِه بیته بو. عیسام نوء میئن بنیشته و وگرسه.

کتاب مقدس به زبان گیلکی - گویش رشت و غرب گیلان

³⁷ پس تمان جِراسیانِ دوروَرِ خلق عیسی جا بخواستید جِه اوشانَ ورجه بشه، چونکی وحشتناک ترسی اوشانِ درون بینیشته بو. عیسی ئم لوتکا بینیشت و واگردست.

لوقا 8:37 Iomraidhean Croise

متّی 8:34

هنٚ وأسی، تومأمٚ شهرٚ اَهألیأن بیرون فووُستٚد کی عیسایٚ بیدینٚد، و وختی اونَ بیدِده. اونی جَا خأهیش مینّت بوکودٚد کی جٚه اویَه بشه و اوشأنَ بٚخوشأنٚ حأل وأبٚده.

مَرقُس 5:17

اوجوری کی اَندر زمأت دئنکشه، کی ایتأ پیله جِمئیتٚ جمَ بوستٚد و عیسا جَا خأهیش بوکودٚد کی جٚه اوشأنی شرأ بشه و دِه اوشأنی اَمرأ کأری نٚدأره.

لوقا 10:16

بأزین، خو شأگردأنَ بوگفته: «هرکی شیمی پیغأمَ قوبیل بوکوده، ینی مٚرَه قوبیل بوکوده و هرکی شٚمٚره پس بٚزِه، اَنٚ مأنه کی مٚرَه پس بٚزِه و هرکی مٚرَه پس بٚزٚنه، اونی کی مٚرَه اوسه کوده‌یَ پس بٚزِه.»

لوقا 5:8

وختی شمعونٚ پطرس وأخبدأر بوبوسته و بٚفأمٚسته کی چی موجیزه‌یی ایتفأق دکفته، عیسا جولو چأر زانو بٚزِه و بوگفته: «اَی می سٚروٚر، می جَا دورٚ بو، چونکی من خٚیلی گونأکأرٚم و نتأنٚم تی ورجأ بئیسٚم.»

لوقا 8:28

وختی کی عیسایَ بیدِه، ایتأ ایجگره بٚزِه و اونی پأ جیر بٚکفته و ایجگره اَمرأ، بوگفته: «ای عیسا، خودایٚ موتعألٚ پٚسر، می اَمرأ چیکأر دأری؟ تی جَا ایلتیمأس کونم مٚرَه عذأب ندی!»

لوقا 8:36

اوشأنی کی اَ مأجیرأیَ خوشأنٚ چومأنٚ اَمرأ بیدِ‌بود، دیگرأنٚ رِه وأگویا بوکودٚد کی او آزأری چوطو خُب بوبوسته.

لوقا 8:38

او مردأی، کی پٚلیدٚ روحأن اونٚ جَا بیرون بأمؤبود عیسا جَا ایلتمأس بوکوده کی وئأله اونی اَمرأ بشه. امّا عیسا ولأشته و اونَ بٚفرمأسته.

لوقا 9:5

اگه هرتأ شهرٚ آدمأن شیمی گبأنَ نشتأوستٚد، او شهر بیرون شؤئؤنٚ زمأت، حتّا او شهرٚ خأکم شیمی پأیأنٚ جَا فلأکأنید کی ایتأ شهأدت اوشأنی ضد بٚبه.

لوقا 9:56

اونی وأسی جٚه اویَه بوشؤدٚد ایتأ دِه دیهأتٚ میأن.

اعمالٚ رسولأن 16:39

پس بأمؤده زندأنٚ میأن و خأهیش اَمرأ بوگفتد: «خأهیش کونیم تشریف بٚبٚرید.» و ایحترأمٚ اَمرأ اَشأنَ زندأنٚ جَا بیرون بأوٚردٚد و خأهیش بوکودٚد کی شهر جَا بیرون بٚشٚد.