لوقا 8:25 - Gilaki New Testament

²⁵ بأزون اوشأنٚ جَا وأوٚرسِه: «شیمی ایمأن کویه نٚهأ؟» اوشأن زهله اَمرأ و قأقأنٚ مأنستَن کس‌کسٚ بوگفتد: «اَن دِه کیسه کی حتّا دریأ و بأدَ فرمأن دِهه و اوشأنٚم فرمأن بٚرٚده؟»

کیتاب مقدّس به گیلکی (رشتی)

²⁵ عیسی اوشأنٚ جأ وأورسه: «شیمی ایمأن چی بوبوسته؟» اوشأنم ترس و تعجبٚ اَمرأ کس‌کسَ گفتیدی: «اَ مرد کیسه کی باد و آبَ فرمان دهه و اوشأنم ایطاعت کونیدی؟»

کتاب مقدس به زبان گیلکی - گویش شرقی

²⁵ پَس خوشِ شاگردون بوته: «شیمه ایمؤن چی بوبؤ؟» شاگردؤن بترسه بوئن و مات بزه همدیگرِ گوتن: «ایی کیسه که حتی باد و آؤِ فرمون دِئنه و اوناجی فرمون بِئنَن.»

کتاب مقدس به زبان گیلکی - گویش رشت و غرب گیلان

²⁵ پس خو شاگردانِ بگفت: «شیمی ایمان چی بُبوسته؟» شاگردان هراسان، ماتا بوسته کَس کَسَ گفتید: «اَن کیسه کی حتی باد و آبَ دستور دئه و اونِ جا فرمان بَرید.»

لوقا 8:25 Iomraidhean Croise

متّی 14:31

عیسا فوری خو دٚسَ رأستَ کود و اونَ بیگیفت و بٚفرمأسته: «ای کم ایمأن، چٚره شک بوکودی؟»

متّی 17:20

عیسا بوگفته: «جٚه اَ خأطر کی شیمی ایمأن کمه. رأس‌رأسِی شٚمٚره گم اگه ایتأ کوجه خردٚلٚ دأنه اَندرم ایمأن بٚدأرید، تأنیدی اَ کوهَ بیگید "جٚه اَیِه بوشؤ اویَه!" و اونم شِه. اونی رِه کی ایمأن بٚدأره، هی کأری نوبوستٚنی نییٚه.

متّی 6:30

پس اگه خودا صأرأ گولأنَ کی ایمرو ایسأده و فردأ آتش کومه میأن تأوٚدأ بٚده فیکرَ کونه، چندر ویشتر، ای کم ایمأنأن، شیمی فیکر ایسه.

متّی 8:10

عیسا اَ گبأنٚ ایشتأوٚستٚنٚ اَمرأ، قأقَ بوسته! بأزین وأگردسته اوشأنی ور کی اونی دونبأل اَمؤندوبود، بوگفته: «آمین شٚمٚره گم کی اَجور ایمأن حتّا ایسرأییلٚ دورونم نیدِم.

متّی 8:26

عیسا جوأب بٚدأ:«اَی کم ایمأنأن! چٚره اَطو وأشٚت بوکودیدی؟» بأزین ویریشت و بأد و دریأ کوئلأنَ نهیب بٚزِه، و همه چی آرأمَ بوست.

مَرقُس 4:35

او روج غروب دٚمٚ رِه، عیسا خو شأگردأنَ بٚفرمأسته: «بیشیم دریأچه اوطرف.»

لوقا 12:28

پس خودا کی وأشی گولأنٚ فیکر ایسه کی ایمرو ایسأده و فردأ روجٚ تونور میأن تأوٚدأ بٚده، چندر ویشتر، شیمی فیکر ایسه، اَی کم ایمأنأن.

لوقا 8:24

عیسا شأگردأن دفأتن اونَ دؤخأدٚد و ایجگره بٚزِدٚد: «اوستأد، اوستأد، کم بأقی نییٚه کی اَمأن غرقٚ بیم!» عیسا ویریشته و بأد و سینگینٚ موجأنَ فرمأن بٚدأ. بأزون توفأن بئیسأ و همّه جأ آرأمٚ بوسته.

لوقا 8:26

اَطویی بو کی فأرٚسئدٚد دریأچه او طرف، جراسیأنٚ سرزیمین کی جلیل اوستأنٚ روبرو نٚهأ بو.

یوحنا 11:40

عیسا بٚفرمأسته: «مگه نوگفتم اگه ایمأن بٚدأری، خودا جلالَ دینی؟»