لوقا 7:25 - Gilaki New Testament

²⁵ یا کی رأفأ ایسأبید ایتأ مردأکٚ گیرأن قیمتٚ لیوأسٚ اَمرأ فأندرید؟ نه، اوشأنی کی گیرأن قیمتٚ لیوأس دوکونٚد و زرق و برق اَمرأ زٚندیگی کونٚد، پأدیشأیأنٚ قصرأنٚ میأن ایسأده.

کیتاب مقدّس به گیلکی (رشتی)

²⁵ وگرنه، چی‌یَ بوشو بید بیدینید؟ ایتأ مردأکی‌یَ کی حریرٚ لیباسأن دوکوده دأشتی؟ اوشأنی کی حریرٚ لیباس دوکونیدی، قصرٚ دورون ایسَه‌ییدی، نه کی بیابانٚ میأن.

کتاب مقدس به زبان گیلکی - گویش شرقی

²⁵ چی چی دِئن واسه بُشوین؟ مرداکی که یکته نرم رخت دوُده دئنه؟ اوشونی که زر زری رخت دوکُئنَن و زرق و برق میئن زندگی کؤئنَن، پادشائؤن قصرون میئن ایسَن.

کتاب مقدس به زبان گیلکی - گویش رشت و غرب گیلان

²⁵ چیه دِئن ره بُشوبید؟ مرداکی کی ایتا نرم قبا دُکوده دَره؟ اوشانی کی زر زری قبا دُکونید و پُر زرق و برقِ زندگی دَرید، پادشائانِ قصران درونید.

لوقا 7:25 Iomraidhean Croise

متّی 11:8

یا رأفأ ایسأبید ایتأ مردأکَ، گیرأنٚ لیوأس اَمرأ بیدینید؟ نه، اوشأنی کی گیرأنٚ لیوأس دوکودٚد، پأدیشأیأنٚ قصرأنٚ دورون زٚندیگی کونٚده.

متّی 3:4

یوحنا لیوأس شوتورٚ پشمٚ جَا، اونی کمر قِئش چرمٚ جَا، و اونی غذأ صأرأ ملخ و عسل بو.

متّی 6:29

شٚمٚره گم کی سولیمأن تومأمٚ خو شوکو و جلالٚ اَمرأیم، هیوخت اوشأنی مأنستَن قشنگٚ چی لیوأس خو جأن دونکوده.

لوقا 16:19

عیسا بٚفرمأسته: «ایتأ مأل و مینألدأرٚ مردأی بو کی گیرانقیمتٚ لیوأسأن دوکودی و همٚتأ روجأن خوشگوذرأنی و عیش و نوش اَمرأ سرگرم بو.

لوقا 7:24

وختی اوشأنی کی یوحنا اوسه بوکوده بو، بوشؤدٚد، عیسا بینأ کودن اونی جَا گب زِئن و مردومَ بوگفته: «بوشؤبید بیأبأن کی چوجور مردأکی‌یَ فأندرید؟ آیا ایتأ لَم و لٚسٚ مردأی کی هچین نی لوله مأنستَن، کی جٚه هرتأ بأدٚ اَمرأ پرکش دکفه؟

لوقا 7:26

آیا بوشؤبید ایتأ پیغمبرَ فأندرید؟ هطویه، شٚمٚره گم کی یوحنا ایتأ پیغمبرٚ جَایٚم پیله تٚرَه.