لوقا 7:19 - Gilaki New Testament

¹⁹ و اوشأنَ اوسه کوده اونی ورجأ کی وأوٚرسٚد: «آیا تو هو مسیح ایسی کی وأستی بأمؤبی، یا اینفرٚ دِه رأفأ وأستی بئیسیم؟»

کیتاب مقدّس به گیلکی (رشتی)

¹⁹ و عیسایٚ خوداوندٚ رِه پیغام فده: «تو هو مسیحٚ موعودی کی وأستی بأیه یا وأستی اینفرٚ دِه رافا بِیسیم؟»

کتاب مقدس به زبان گیلکی - گویش شرقی

¹⁹ و ایی پیغؤم أمره عیسی ورجه سرا دا : «تو هونی اِیسَی که باید بَای، یا یه نفر دیگر ریفا بَیسیم؟»

کتاب مقدس به زبان گیلکی - گویش رشت و غرب گیلان

¹⁹ و اَ پیغام مرا عیسی وَر اوسه کود: «تو هونی ایسی کی بایسی بایه، یا وا اینفر دیگرِ رافا بئسم؟»

لوقا 7:19 Iomraidhean Croise

مَرقُس 6:7

اون خو دوأزده‌تأ شأگردَ دؤخأده و دو نفر دو نفر اوسه کوده و اَشأنَ ایقتدأر فأدأ کی پٚلیدٚ روحأنَ مردوم جَا بیرونَ کونٚد.

لوقا 10:1

بأزون، خوداوند عیسا هفتأدتأ دِه نفرَ اینتخأب بوکوده و اوشأنَ دوتأ دوتأ اوسه کوده او شهرأن و جأیأنی کی خأستی بشه

لوقا 11:1

ایتأ روج، عیسا دوعأ کودنٚ رِه موشغول بو. وختی اونی دوعأ تومأنٚ بوسته، ایتأ جٚه اونی شأگردأن اونَ بوگفته: «خوداوندا، هطو کی یوحنا خو شأگردأنَ دوعأ کودنَ بأمؤخته، تویٚم اَمٚرَه بأموج.»

لوقا 11:39

خوداوند اونَ بٚفرمأسته: «شومأن فریسیأن کأسه بوشقابٚ بیرونَ اَندر تیمیزٚ کونید کی برق بٚزٚنه، قأفیل جٚه اَنکی اونی دورونی پور جٚه حرص زِئنٚ کثأفت و نأجورٚ کردکأرأن ایسه.

لوقا 12:42

عیسایٚ خوداوند اونی جوأب دئنٚ وأسی بٚفرمأسته: «وفأ کونه و عأقیلٚ خیدمتکأر اونی ایسه کی اونی اربأب بتأنه اونَ البأقی خأنه خیدمتکأرأنَ مٚسؤل چأکونه کی وختٚ سٚر اوشأنٚ خوردنی فأده.

لوقا 13:15

امّا عیسایٚ خوداوند اونی جوأب دئنٚ وأسی بٚفرمأسته: «ای دورو! مگه تو خودت شبّأت روجٚ میأن کأر نوکونی؟ مگه شبّأت روجٚ رِه، تی گأب یا تی اولأغَ، طیویله جَا آب دئنٚ وأسی بیرون نبری؟

لوقا 17:5

روسولأن خودایَ بوگفتد: «اَمی ایمأنَ زیأدٚ کون.»

لوقا 17:6

عیسا بٚفرمأسته: «اگه ایتأ کوجه‌دأنه ایمأن، خردٚلٚ دأنه اَندر بٚدأرید، تأنید اَ توت دأرَ فرمأن بدید کی خو جأ سٚر بٚکنده بٚبه، دریأ میأن بکأشته بٚبه و اَ دأر شیمی فرمأنٚ جَا ایطأعت کونه.

لوقا 18:6

بأزون عیسای خوداوند بٚفرمأسته: «بیدینید کی اَ بی‌اینصأفٚ قأضی چی گه!

لوقا 19:8

امّا زَکا عیسای خوداوندٚ ورجأ بٚپأ بئیسأ و بوگفته: «آقأ جأن، هَسأ تومأمٚ می ثروٚتٚ نیصفَ فِقِرأنَ فأدٚم و اگه اینفرَ جَا ایضأفه مألیأت فأگیفتیم، اونَ چأر برأبر پٚسٚ دٚم.

لوقا 22:61

هو وخت عیسا خو سٚرَ وأگردأنِه و پطرسَ فأندرسته. بأزون عیسا گبأن اونَ بٚخأطر بأمؤ کی بوگفته‌بو: «فردأ صُب، پیشتر جٚه اَنکی خوروس بٚخأنه، سه وأر تو گی کی مٚرَه نشنأسی!»

لوقا 24:34

و گفتأندوبود: «رأس‌رأسِی خوداوند زٚنده بوسته! پطرسٚم اونَ بیدِه!»

لوقا 7:13

وختی خوداوند عیسا، او مأتم بٚزِه مأرَ بیدِه، اونی دیل، اونی رِه بوسوخته و بٚفرمأسته: «گریه نوأکودٚن!»

لوقا 7:20

او دونه شأگرد فأرٚسئدٚد عیسا ورجأ و بوگفتد: «یوحنا کی تعمید دِئه، اَمٚرَه تی ورجأ اوسه کوده کی تی جَا وأوٚرسیم، آیا تو هو مسیح ایسی کی وأستی بأمؤبی، یا اینفرٚ دِه رأفأ وأستی بئیسیم؟»

یوحنا 11:2

مریم هونی بو کی خو گیرانقیمت عطرَ عیسا پأ سٚر فوکوده و خو مویأنٚ اَمرأ اونَ خوشکَ کود.

یوحنا 4:1

وختی عیسا بٚفأمٚسته کی فریسیأن بشتأوستٚده کی اون ویشتر جٚه یوحنا کی تعمید دِهه مردومَ تعمید دئندره و ویشتر شأگرد دأره.

یوحنا 4:25

زنأی بوگفته: «من دأنٚم پور زمأت نیبه کی مسیح اَیِه. شومأن یوهودیأنٚم اَنَ قوبیل دأریدی و وختی اون بأیٚه همه چی‌یَ اَمِرِه وأشکأفأنه.»

یوحنا 6:23

چنتأ لوتکأیٚم جٚه تیبریه، هو محلّی کی خوداوند نأنأنَ برکت بٚدأ بو و مردوم بوخورده بود، فأرٚسِد.

موکأشفه 11:3

ولی من، می دوتأ شأهیدَ اوسه کونم و اوشأنَ قودرت فأدٚم کی کُئنه لیوأس دوکونٚد، هیزأر و دویست و شصت روجٚ رِه می پیغأمَ فأرٚسأنٚد مردومٚ گوش.»