لوقا 5:29 - Gilaki New Testament

²⁹ دونبألتر، لاوی خو خأنه میأن ایتأ پیله میهمأنی عیسا وأسی رأ تأوٚدأ. چنتأ جٚه او بأج فأگیرٚ همکأرأن و البأقی میهمأنأنٚم دعوت بید.

کیتاب مقدّس به گیلکی (رشتی)

²⁹ بأزین لاوی خو خانه دورون ایتأ پیله‌دأنه مهمانی بیگیفته. اونٚ سابقٚ همکارأن کی باج‌فیگیر بید، ایتأ تعدادٚ مردومأنٚ دیگری اَمرأ اونٚ خانه سفره سر نیشته‌بید.

کتاب مقدس به زبان گیلکی - گویش شرقی

²⁹ او خوش خونه میئن یکته پیله مِیمؤنی عیسی واسه بیته، و یکته پیله جَمعِ خراجگیرون و یسری دیگه، اوشونه امره سفره سر بینشتن.

کتاب مقدس به زبان گیلکی - گویش رشت و غرب گیلان

²⁹ اون خو خانه درون ایتا پیله مِیمانی عیسی خاطری به پا بُکود، و ایتا پیله دسته جه خراجگیران و یک سری دیگر، اوشانِ اَمرا سُفره سر بینیشتید.

لوقا 5:29 Iomraidhean Croise

متّی 11:19

ولی اینسأنٚ پٚسر کی میهمأنی شِه و بوخور وأخور کونه، گیدی: " شکم پیس و شرأب خؤرَه و بأج فأگیرأن و گونأکأرأنٚ اَمرأ بینیش ویریز دأره!" ولی حیکمتٚ دوروستی‌یَ، اونی نتیجه و ثمره جَا شأ ثأبیت کودن.»

متّی 5:46

اگه فقد او آدمأنی‌یَ دوس بٚدأرید کی شٚمٚره دوس دأرٚده، اَ کأرٚ رِه چی جأیزه‌یی فأگیرید؟ حتّا خرأبٚ بأجگیرأنٚم هه کأرَ کونٚده.

متّی 9:10

ایروج عیسا و اونی شأگردأن ایتأ میهمأنی دورون متا خأنه میأن، سٚفره سٚر نیشته بود. خٚیلی جٚه بأج فأگیرأن و شهرٚ بدنأمٚ آدمأنٚم متا میهمأن بود.

متّی 9:9

عیسا خو رأ سٚر، ایتأ بأج فأگیرَ دینه کی متا نأم دأشتی، و بأج فأگیری جأجیگأ دورون نیشته بو. عیسا اونَ بٚفرمأسته: «بیأ و می جَا پیروی بوکون!» اونم بی‌معطلی عیسا دونبألسر رأ دکفت.

مَرقُس 2:15

ایروج کی لاوی خأنه جشن بو، عیسا و اونی شأگردأن سٚفره سٚر نیشته بود. خٚیلی جٚه باج‌فأگیرأن و شهرٚ نأجورٚ آدمأنٚم اونی میهمأن بود. (عیسا پیروأنٚ میأن اَ جور آدمأنٚ جَا فوج بو.)

لوقا 15:1

خٚیلی جٚه بأج فأگیرأن و اوشأنی کی مردومٚ جَا پس بٚزِه بوبوسته بود، ویشترٚ وختأن عیسا دؤر جمَ بوستید کی اونی گبأنَ بشتأوٚد.

یوحنا 12:2

ایتأ شب او دیهأتٚ میأن عیسا وأسی میهمأنی بٚدأد. مارتا پذیرأیی کودی و ایلعأزر عیسا اَمرأ سٚفره سٚر نیشته بو.

اوّل قرنتیان 10:27

اگه اینفر کی ایمأن نأرِه، شٚمٚره غذأ خوردنٚ رِه دعوت بوکونه، و خأییدی بیشید، جٚه هرچی کی سٚفره دورون نٚهأ بوخورید و هیچیٚم وأنوٚرسید. اَطویی شیمی ویجدأن رأحت بِه چونکی نأنیدی کی قوربأنی گوشت ایسه یا نییٚه.