لوقا 3:3 - Gilaki New Testament

³ بأزین یوحنا خو رسألتَ شورو بوکوده، اُردنٚ روخأن شرأ گردستی و مردومٚ رِه موعیظه کودی کی تعمید بیگیرٚد، کی نیشأن بٚدٚد، خوشأنی گونأیأن جَا دٚس بٚکشِییدی، و خودا ور وأگردٚستٚده کی اوشأنی گونأیأن بٚبخشه بٚبه.

کیتاب مقدّس به گیلکی (رشتی)

³ یحیی تومامی اردنٚ روخانٚ نواحی شویی و مردومٚ رِه اعلام کودی کی وأ خوشأنٚ گونایأنٚ وأسی توبه بوکونید و تعمید بیگیرید کی خودا اوشأنٚ گونایأنَ ببخشه.

کتاب مقدس به زبان گیلکی - گویش شرقی

³ پس یحیی همه او مناطقی که اردن روخونه کنار دوروبر هنه بو شو و جار زی که مردم خوشونِ گناأنِ آمرزشِ به توبه بکونن و غسل تعمید هگیرن.

کتاب مقدس به زبان گیلکی - گویش رشت و غرب گیلان

³ پس یحیی تمان اُ سامانسر کی اُردنِ روخان کنار نئَه بو شوئی و موعظه کودی کی مردوم خوشان گُنائان آمرزش ره توبه بُکونید و غُسل تعمید بیگیرید.

لوقا 3:3 Iomraidhean Croise

متّی 3:11

من اوشأنی کی خوشأنی گونأیأنٚ جَا توبه کونٚده، آبٚ اَمرأ تعمید دٚهٚم، ولی اینفر ده اَیِه کی خٚیلی اونی موقأم مرتبه می جَا بوجؤرتره، اَنقذر کی من لیأقت نأرٚم اونی پأاَفزأرَ اونی پأ ور بنم. اون شٚمٚره روح‌القدس و آتشٚ اَمرأ تعمید دِهه.

لوقا 1:16

خٚیلی جٚه ایسرأییلیأن، اونی وأسی خوشأنی خودا ور وأگردٚده.

لوقا 1:77

و اونی قومٚ وأخبدأرٚ کونی کی اوشأن، گونأیأنٚ بخشش اَمرأ نیجأت یأفده.

لوقا 4:1

عیسا روح‌القدس جَا پورَ بوسته، اُردنٚ روخأنٚ جَا وأگردسته و خودا روح، بیأبأن میأن اونَ هیدأیت بوکوده.

یوحنا 1:28

اَ گبأن، «بیت‌عنیا» میأن ایتفأق دکفته. بیت عنیا اُردنٚ روخأنٚ او ور و جأیی ایسه کی یوحنا مردومَ تعمید دٚئی.

یوحنا 3:26

یوحنا شأگردأن اونی ورجأ بأمؤده و بوگفتٚده: «اوستأد، اونی کی اُردنٚ روخأنٚ او ور ایسأبو و گفتی کی مسیح ایسه، اَسه اونم مردومَ تعمید دِهه و همه اونی ورجأ شٚده، امّا وأستی اَمی ورجأ بأیٚد.»

اعمالٚ رسولأن 13:24

«ولی پیشتر جٚه اونی اَمؤن، یوحنا موعیظه کودی کی وأستی تومأم ایسرأییلٚ قوم خوشأنی گونأیأنٚ جَا دٚس فأکٚشٚد، خودا ور وأگردٚد و تعمید فأگیرٚد.

اعمالٚ رسولأن 19:4

پولس اَشأنَ بوگفته: «تعمیدی کی یوحنا دٚئی اَنٚ وأسی بو کی مردوم گونأ جَا دٚس اوسأنٚد، و خودا ور وأگردٚد و عیسایَ ایمأن بأوٚرٚد، ینی هو کسی کی یوحنا اونی اَمؤنٚ وعده‌یَ دٚئی.»

اعمالٚ رسولأن 22:16

هسأ چٚره بیکأر ایسأیی؟ ویریز و تعمید بیگیر، و اونٚ نأمَ دؤخأن کی تی گونأیأنٚ جَا پأکَ‌ بی."