لوقا 24:1 - Gilaki New Testament

¹ یکشنبه روج، صُبٚ دٚم، زنأکأن خوشبو زومأت و عطرأنَ کی حأضیرَ کوده بود، خوشأنی اَمرأ اوسأدٚد بوشؤده قبرٚ ور.

کیتاب مقدّس به گیلکی (رشتی)

¹ خروس خوأنٚ یکشنبه روزٚ رِه زنأکأن بوشوییدی و عطریات کی تهیه بوکوده‌بید خوشأنٚ اَمرأ ببردیدی عیسی قبرٚ سر

کتاب مقدس به زبان گیلکی - گویش شرقی

¹ اولی روز هفته که یکشنبه بو، صوبه دَم، زناکؤن حنوطیِ که چاگوده بُن، خوشونه امره ویتَن و مقبره سو بُشوئن.

کتاب مقدس به زبان گیلکی - گویش رشت و غرب گیلان

¹ هفته اوّلتا روج کی یکشنبه بو، صوب دَم، زناکان حنوطی کی چاکوده بیدَ خوشان مرا اوسادید و مقبره بُشوئید.

لوقا 24:1 Iomraidhean Croise

مَرقُس 15:40

چنتأ زنأکٚم اویَه ایسأ بود کی جٚه دؤر اَ جریأنَ فأندرستیدی. اوشأنی میأن مریمٚ مجدلیه، مریم (کوجه یعقوب و یوشا مأر) و سالومه ایسأبود.

لوقا 24:10

زنأکأنی کی قبرٚ سٚر بوشؤبود اَشأن بود، مریمٚ مجدلیه، یونا، یعقوبٚ مأر مریم و چنتأ دِه زنأکأن.

لوقا 24:2

وختی اویَه فأرٚسِده، بیدِده او سنگ کی قبرٚ جولو نٚهأ بو ایتأ کنأره گرأدأ بوبوسته.

لوقا 24:22

چنتأ جٚه اَمی جمَ زنأکأن اَمٚرَه خوشأنٚ گبأنٚ اَمرأ قأقَ کودٚد، چونکی اوشأن صُبٚ دٚم قبرٚ سٚر بوشؤده،