لوقا 21:6 - Gilaki New Testament

⁶ «ای روج فأرٚسِه کی تومأمٚ اَ چیزأنی کی دینید ایتأ سنگ، سنگٚ سٚر بٚند نیبه، بلکی اورشین وُرشینَ بِه.»

کیتاب مقدّس به گیلکی (رشتی)

⁶ «ایتأ وخت فأرسه کی تومامٚ اَ چیزأنی کی دِئن دریدی همه‌تأن فوگُردیدی. ایتأ سنگم سنگٚ سر بجا نمأنه و همه چیز زیرٚ رو به.»

کتاب مقدس به زبان گیلکی - گویش شرقی

⁶ «او روزؤنی رسنه اوچیزی جی که اِره اینین، هیچ سنگی اویکته سنگ سر نومؤنه بلکه همه فگردنه.»

کتاب مقدس به زبان گیلکی - گویش رشت و غرب گیلان

⁶ «اُ روجانی فارسه کی اونچیَ اَیا دینیدی، دِه سنگ سنگ سر نمانه، بلکی همه فُگورده.»

لوقا 21:6 Iomraidhean Croise

متّی 24:2

ولی عیسا اوشأنَ بوگفته: «اَ سأختمأنأنَ دینیدی؟ رأس‌رأسِی شٚمٚره گم کی سنگ سنگٚ سٚر نٚمأنه، بلکی همه فوگوردأن دگردأن بٚدأ.»

مَرقُس 13:2

عیسا جوأب بٚدأ«هطویه، اَ قشنگٚ سأختمأنأنَ فأندریدی؟ بدأن کی دِه هیتأ سنگ سنگٚ سٚر نٚمأنه، بلکی همه چی فوگورده.»

لوقا 21:7

اوشأن قأقأنٚ مأنستَن بوگفتٚده: «اوستأد، اَ مأجیرأیأن چی زمأتی ایتفأق دکفه؟ اَنٚ نیزدیکَ بوستنٚ نیشأنه‌یأن چیسه؟»