لوقا 2:37 - Gilaki New Testament

³⁷ و هشتأد و چأر سأل دأشتی کی ویوه بو. آنّا هیوخت معبدَ ترکٚ نوکودی، بلکی شبندروج، دوعأ و روزه اَمرأ خودایَ عیبأدت کودی.

کیتاب مقدّس به گیلکی (رشتی)

³⁷ و هشتاد و چار سالگی وِئوه بو. اون هیوخت معبدٚ صحنٚ جأ بیرون نمویی و شب و روز دوعا و روزه اَمرأ خودایَ عیبادت کودی.

کتاب مقدس به زبان گیلکی - گویش شرقی

³⁷ تا هشتادو چهار سال بیوه بومونسه بو، او هیچ وخت معبد ویلَه نؤد، بَلکه شبند و روز، دُعا و روزه أمره پرستش گود.

کتاب مقدس به زبان گیلکی - گویش رشت و غرب گیلان

³⁷ تا هشتاد و چهار سالگی ویوه بمانست. اون هی زمات، معبد جا سیوا نُبوستی، بلکی شبند روج، دُعا و روزه مرا پرستش کودی.

لوقا 2:37 Iomraidhean Croise

لوقا 5:33

ایوأر عیسایَ بوگفتد: «یوحنا شأگردأن ویشترٚ وختأن روزه گیرده و دوعأ کونٚده. فریسیأنٚ شأگردأنٚم هطو. امّا تی شأگردأن، همیشٚک بوخور وأخورٚ جَا موشغولده؟»

اعمالٚ رسولأن 13:3

پس روزه و دوعأیَ ایدأمه بٚدأده، او دوتأ رو دٚس بٚنأده و اوشأنَ اوسه کودٚد.

اعمالٚ رسولأن 14:23

بأزون هرتأ کیلیسا میأن، او مسیحیأن کی تجروبه دأشتیده بٚنأده کی ریش سیفید بٚبٚد. او وخت روزه بیگیفتٚده، اَشأنٚ رِه دوعأ بوکودٚد و اوشأنَ بیسپأردٚد او خوداوندٚ دٚس کی اونَ ایمأن دأشتیدی.

اعمالٚ رسولأن 26:7

تومأمٚ ایسرأییلٚ دوأزده‎تأ قبیله شبندروج حقٚ سعی زئندرد کی هه اومیدَ فأرٚسٚد کی من دأرم، هه اومیدی کی، اَی پأدیشأ، یوهودیأن اونٚ وأسی مٚرَه محکوم کونٚده.

اوّل تیموتائوس 5:5

زنأکی، رأس‌رأسِی ویوه ایسه کی وأقعن اَ دونیأ دورون هیکسَ نأرِه و اونٚ چوم و اومید خودا رو نٚهأ و روج و شب دوعأ دورون خودا جَا یاور خأیه.

موکأشفه 3:12

هر کی پیروزَ بٚه اونَ ایتأ قأیمٚ سٚکٚت، می خودا معبدٚ دورون چأکونم کی همیشٚک خودا حوضور بئیسه و دِه هیوخت بیرون نشه. می خودا ایسمٚم اونی رو نٚهٚم کی می خودا شهرٚ شین بٚبه او تأزه اورشلیم کی جٚه می خودا ور آسمأنٚ جَا اَیِه. هطویم می تأزه ایسمَ اونی رو نٚهٚم.

موکأشفه 7:15

جٚه اَ خأطر، اَسه خودا تخت حوضور ایسأده و اونَ شبندروج اونی معبدٚ دورون خیدمت کونٚده. اون کی تخت رو نیشته، اَشأنَ خو حوضورٚ دورون پنأ دِهه.