لوقا 17:6 - Gilaki New Testament

⁶ عیسا بٚفرمأسته: «اگه ایتأ کوجه‌دأنه ایمأن، خردٚلٚ دأنه اَندر بٚدأرید، تأنید اَ توت دأرَ فرمأن بدید کی خو جأ سٚر بٚکنده بٚبه، دریأ میأن بکأشته بٚبه و اَ دأر شیمی فرمأنٚ جَا ایطأعت کونه.

کیتاب مقدّس به گیلکی (رشتی)

⁶ عیسی بفرمأسته: «اگه شیمی ایمأن ایتأ خردل دأنه قدر ببه، تأنید اَ توتٚ دارَ بیگید کی ریشه جأ بکنده ببه کی دریا دورون بکاشته ببه و او درختم شیمی جأ ایطاعت کونه.

کتاب مقدس به زبان گیلکی - گویش شرقی

⁶ عیسای خُداوند جواب بَدَه: «اَگه یکته کوچِ خردل دنه قد ایمون بَدارین، تینین ایی توت دار بوگوین بنه أمره بکنده ببی و دریا میئن بکاشته ببی، و شمرای فرمون بِئنه.

کتاب مقدس به زبان گیلکی - گویش رشت و غرب گیلان

⁶ عیسی خُداوند جواب بدَه: «اَگه ایتا کوج دانه خردل اندر ایمان بدَرید، تانید اَ توت دارَ بیگید بَنه جا بیرون بایه و دریا درون بکاشته ببه، و شیمی جا فرمان خوائه بَردن.»

لوقا 17:6 Iomraidhean Croise

متّی 14:29

عیسا بٚفرمأست: «خٚیلی خُب، بیأ!» پطرس لوتکأ جَا بیرون بوشؤ و آب سٚر رأ دکفته، بوشؤ عیسا ور.

متّی 17:20

عیسا بوگفته: «جٚه اَ خأطر کی شیمی ایمأن کمه. رأس‌رأسِی شٚمٚره گم اگه ایتأ کوجه خردٚلٚ دأنه اَندرم ایمأن بٚدأرید، تأنیدی اَ کوهَ بیگید "جٚه اَیِه بوشؤ اویَه!" و اونم شِه. اونی رِه کی ایمأن بٚدأره، هی کأری نوبوستٚنی نییٚه.

متّی 21:21

عیسا اوشأنَ بوگفته: «رأس‌رأسِی شٚمٚره گم اگه ایمأن بٚدأرید و شک نوکونید، نه فقد اَ کأر، بلکی جٚه اَن پیله‌ترم انجأم دیهیدی. حتّا تأنید اَ کوهَ بیگید، "جٚه اَیَه بٚکنده بوبو و دریأ دورون تأوٚدأ بوبو"، و هطویی به.

مَرقُس 4:31

خردٚلٚ دأنه مأنستَن ایسه کی هرچن ایتأ جٚه کوجه، دأنه‌یأنی ایسه کی زیمینٚ میأن کأرٚده.

مَرقُس 9:23

عیسا بٚفرمأسته: «اگه تأنٚم؟ اگه ایمأن بٚدأری همه چی تٚرَه جورَ به.»

لوقا 13:19

ایتأ کوجه خردٚلٚ دأنه مأنه کی ایتأ بأغٚ میأن بکأشته بِه و چن وختٚ پٚسی، ایتأ پیله‌دأنه بوته بِه کی پرنده‌یأن اونی شأخه‌یأنٚ میأن خوشأنی رِه فک نَهَد.»

لوقا 17:7

«وختی خیدمتکأر، شوخم زِئن یا گوسوٚندأنٚ چرأنئنٚ جَا وأگرده بٚخأنه، آیا اونی اربأب گه "بیأ بینیشین و ایچی بوخور"؟

لوقا 19:4

پس پیشتر بودووٚسته ایتأ چنأر دأرَ وأچوکسته کی جٚه اویَه عیسایَ فأندٚره.

لوقا 7:13

وختی خوداوند عیسا، او مأتم بٚزِه مأرَ بیدِه، اونی دیل، اونی رِه بوسوخته و بٚفرمأسته: «گریه نوأکودٚن!»

لوقا 7:19

و اوشأنَ اوسه کوده اونی ورجأ کی وأوٚرسٚد: «آیا تو هو مسیح ایسی کی وأستی بأمؤبی، یا اینفرٚ دِه رأفأ وأستی بئیسیم؟»

اوّل قرنتیان 13:2

اگه نوبوّتٚ عطأیَ بٚدأرم و بٚتأنم تومأمٚ رأزأن و دأنشأنَ بفأمم، یا اگه اَجور ایمأن بٚدأرم کی می فرمأنٚ اَمرأ کوهأن اَشتر اوشتٚر بٚشٚد، ولی آدمأنَ دوس ندأرٚم، هیچ ایسٚم.