لوقا 14:13 - Gilaki New Testament

¹³ بلکی وختی میهمأنی دیهی، فِقِرأن، چولأقأن و شٚلأن و کورأنَ دعوت بوکون.

کیتاب مقدّس به گیلکی (رشتی)

¹³ اگه مهمانی دَئن دری، آدمأنی کی فقیر و معلول و شل و نابینا ایسیدی دعوت بوکون

کتاب مقدس به زبان گیلکی - گویش شرقی

¹³ پَس وختیکه مِیمؤنی دِئنی، فقیرؤن و زمینگیرون و شلؤن و کورؤنِ دعوت بَکون

کتاب مقدس به زبان گیلکی - گویش رشت و غرب گیلان

¹³ پس وقتی مِیمانی دیئی، فقیران و زمینگیران و شَلان و کورانَ دعوت بُکون

لوقا 14:13 Iomraidhean Croise

متّی 15:30

بأزون مردوم دسته دسته بأمؤده، شٚلأن و کورأن و ایفلیجأن و لال و همه جور نأخوشأنَ بأوٚردٚد اونی ورجأ و اون اوشأنٚ همّه شفأ بٚدأ.

متّی 22:10

«بأزین اوشأن بوشؤده، هر چی خوروم آدم یا نأجورَ کی بیأفتٚد، خوشأنی اَمرأ بأوٚردٚد، جوری کی عروسی تألأر، میهمأنأنٚ جَا پورَ بوسته.

لوقا 11:41

پس فِقِرأن یاور دئن وأسی شیمی بأطینَ پأکٚ کونید، بأزون همه چی شِمِره پأکٚ به.

لوقا 14:12

بأزون، صأبخأنه ور وأگردسته و بوگفته: «هر وخت میهمأنی دیهی، تی ریفِقأن و برأرأن و فکٚ فأمیل و مأل و مینألدأرٚ همسأدأنَ دعوت نوأکودٚن، چونکی اوشأنٚم تٚرَه دعوت کونٚد.

لوقا 14:14

بأزون، خوداوند اوشأنی قیأمتٚ روجٚ میأن کی خورومٚ کردکأر کونٚده، تٚرَه خوروم چیزأن فأدِه، چونکی اوشأنی‌یَ خیدمت بوکودی کی نٚتأنٚستٚد تی محبتَ تلأفی بوکونٚد.»

لوقا 14:21

خیدمتکأر وأگردسته و اوشأنی کی دعوت بوبوسته بو جوأبَ خو آقأیَ بوگفته. اربأبَ غیظٚ گیفته و اونَ بوگفته: "دفأتن بوشو شهرٚ میدأنأن و کوچه‌یأنٚ میأن و فِقِرأن و چولأقأن و شٚلأن و کورأنَ دعوت بوکون!"

اعمالٚ رسولأن 9:39

هطو کی پطرس بأمؤ، اونَ ببردٚد دورکاسٚ جنأزه سٚر کی او تلأرخأنه میأن نٚهأ بو. اویَه ویوه زنأکأن جمَ بوسته بود، گریه اَمرأ او رختأنی‌یَ کی او زمأت دورکاس زٚنده بو و اَشأنٚ رِه بودوخته بویَ، اونَ نیشأن دٚئیدی.

اوّل تیموتائوس 3:2

ولی کیلیسا نأظیر وأستی بی‌عأیب و ایرأدٚ آدم، ایتأ وفأدأرٚ مرد خو زنٚ رِه، نرم و خوش سولوک، خو کردکأرأنَ بٚپأیه، موحترم، میهمأن دوس بٚبه و اَ ذوقَ بٚدأره کی خودا کلامَ بأموجه.

اوّل تیموتائوس 5:10

هطوچی ویوه زنأکأن وأستی خورومٚ کردکأرأن بوکوده بید، زأکأنٚ آمؤختٚن، غریبه‌یأنٚ جَا پذیرأیی کودن، موقدسٚ آدمأنٚ پأیَ شؤستن، رنج بیدِکأنٚ یاور دٚئنٚ مأنستَن و هطو اَنکی خودٚشأنَ هرتأ خورومٚ کأرٚ رِه وقف بوکوده بٚبٚد.

تیتوس 1:8

و هطویم وأستی میهمأن بدأشته آدم بٚبه و خورومٚ کأرأنَ خوش بٚدأره. اون وأستی دوروست، مونصیف، پأک و خوددار بٚبه.

فیلیمون 1:7

منم تی محبتٚ جَا اَی برأر، خوشی و دیل‌آرامی بیأفتم، چون تی مهرٚوأنی، ایمأندأرأنَ دیلأنٚ تأزه کوده.

عبرأنیأن 13:2

جٚه‌ خأطرَ ندید کی غریبه‌یأنٚ اَمرأ مهرٚوأن بیبید و اوشأنی جَا میهمأن دأری بوکونید، چونکی بعضیأن اَ کأرٚ اَمرأ، بودونٚ اَنکی خودشأن بفأمٚد، فٚرٚشته‌یأنٚ جَا میهمأن دأری بوکودٚد.