لوقا 13:24 - Gilaki New Testament

²⁴ «خودا پأدیشأیی در، تنگٚ توشکه. پس حقٚ سعی بٚزنید کی بودورون بیشید، چونکی خٚیلیأن ایسأده کی حقٚ سعی زنٚده کی بودورون بٚشٚد امّا نٚتأنٚده.»

کیتاب مقدّس به گیلکی (رشتی)

²⁴ عیسی بفرمأسته: «آسمانٚ در تنگه. وأ سعی بوکونید او درٚ جأ بودورون بیشید. شمرَ وأ بگم کی خیلی‌یأن خوأییدی او تنگامٚ درٚ جأ بیشید ولی نتأنیدی.

کتاب مقدس به زبان گیلکی - گویش شرقی

²⁴ «تقلّا بکونین تا تَنگ درای دیرون بشین، چونکه شمره گونَم، خیلی ان اونه دومبالن تا دیرون بوشُن، امّا منّئن.

کتاب مقدس به زبان گیلکی - گویش رشت و غرب گیلان

²⁴ «تقلّا بُکونید کی تَنگ دَرِ جا بدرون بیشید، چونکی شمرأ گَم، خَیلیان اون دُمبالید کی بدرون بیشید، ولی نتانید.

لوقا 13:24 Iomraidhean Croise

متّی 11:12

«و جٚه یوحنا رسألتٚ زمأتٚ سرگیفتن تأ اَسه، آسمأنٚ ملکوت قودرت و شیدّتٚ اَمرأ پٚخشَ بوستن دٚرٚه، یا اونی حق، خشونت کودأندٚرٚده و پور زورأن اونٚ فوتورکٚده.

لوقا 13:23

ایتأ روج، اینفر اونی جَا وأوٚرسِه: «خوداوندا، آیا فقد ایتأ عیده کم نیجأتَ یأفده؟» عیسا بٚفرمأسته:

لوقا 21:36

پس هر دٚقّه بٚپّأئید و همیشٚک دوعأ بوکونید کی اَ وأشتنأکٚ مأجیرأیأن جَا حیفظ بوبوسته، اینسأنٚ پٚسر ورجأ بئیسید.»

یوحنا 13:33

اَی می جأنٚ دیلٚ زأکأن، اَ لحظه‌یأن چندر کوتأیٚده. اَسه ده وأستی شٚمٚره هَیه بنم و بشم. او وخت هوطویی کی یوهودٚ قومٚ پیله کسأنٚ رِه بوگفتم، همه جیگأ می دونبأل وأموجیدی ولی مٚرَه نیأفیدی و نتأنیدی او جیگأیی کی من شٚم، بأیید.»

یوحنا 5:4

چونکی هر چن وخت ایوأر، ایتأ فٚرٚشته آسمأنٚ جَا اَمؤیی و او حوضٚ آبَ تکأن دٚئی و هرکی زوتر بوشؤبی حوضٚ دورون شفأ گیفتی.

یوحنا 6:27

اَندر اَ دونیأ چیزأن وأسی کی زود دٚوأره، فیکر نوکونید، بلکی شیمی قوّتَ همیشٚکی زٚندیگی رأ میأن ایستفأده بوکونید. اَ همیشٚکی زٚندیگی‌یَ اینسأنٚ پٚسر شٚمٚره بخشه، چونکی خودایٚ پئر خو تأیید مُهرَ اونی رو بٚزِه.»

یوحنا 7:34

او وخت شومأن می دونبأل گردیدی ولی نتأنیدی مٚرَه بیأفید و اویَه کی من شٚم، شومأن نتأنیدی بأیید.»

یوحنا 8:21

ایوأردِه اَشأنَ بٚفرمأسته: «من شٚم و شومأن می دونبأل وأموجیدی و شیمی گونأیأنٚ میأن میریدی و او جیگأ کی من شٚم، شومأن نتأنیدی بأیید.»

رومیأن 10:3

چونکی اَشأن او رأیَ کی خودا اینسأنٚ رِه بٚنأ کی اونی اَمرأ خودا ورجأ قوبیل بٚبه، نفأمٚده. خودا رأیَ رٚدَ کودنٚ اَمرأ اوشأن بٚخأستٚد خوشأنی رأ اَمرأ کی هو دینی حوکمأنٚ انجأم دٚئن ایسه، خودا حوضور قوبیل بٚبٚد.

کولسیان 1:29

می کأر هنه و اَ رأ دورون زحمت کشم و تومأمٚ او قوّت اَمرأ کی مسیح فأدِه، اَ رأ دورون حقٚ سعی کونم.

عبرأنیأن 4:11

پس اَمأنٚم تومأمٚ اَمی حقٚ سعی‌یَ بٚزنیم کی خودا او آسأیش دورون بیشیم، نوکونه کی بنی‌ایسرأییلٚ مأنستَن، فرمأن نبردنٚ وأسی جٚه اونی بودورون شؤئؤن، محرومٚ بیم.

دوم پطرس 1:10

اَنٚ وأسی، اَی جأنٚ دیلٚ برأرأن، حقٚ سعی بٚزنید تأ ثأبیت بوکونید کی رأس‌رأسِی خودا اینتخأب و دعوت بوبوسته‌یأن ایسید؛ چونکی اگه اَطو بوکونید هیوخت جیلیسکأ نوخورید و خودا جَا دورٚ نیبید